ਕੋਰੋਨਾ ਵਾਇਰਸ ਦਾ ਕਹਿਰ ਜਾਰੀ ਹੈ। ਦੁਨੀਆ ਭਰ ਦੇ ਦੇਸ਼ ਇਸ ਤੋਂ ਬਚਣ ਦੀ ਕੋਸ਼ਿਸ਼ ਵਿਚ ਰੁੱਝੇ ਹੋਏ ਹਨ
ਕੋਰੋਨਾ ਵਾਇਰਸ ਦਾ ਕਹਿਰ ਜਾਰੀ ਹੈ। ਦੁਨੀਆ ਭਰ ਦੇ ਦੇਸ਼ ਇਸ ਤੋਂ ਬਚਣ ਦੀ ਕੋਸ਼ਿਸ਼ ਵਿਚ ਰੁੱਝੇ ਹੋਏ ਹਨ। ਇਸ ਦੌਰਾਨ ਰੋਮਾਨੀਆ ਵਿਚ ਅਜਿਹੇ ਜੁੱਤੇ ਵੇਚੇ ਜਾਣੇ ਸ਼ੁਰੂ ਹੋ ਗਏ ਜੋ ਇੰਨੇ ਲੰਬੇ ਹਨ ਕਿ ਉਹ ਸਮਾਜਿਕ ਦੂਰੀ ਬਣਾਈ ਰੱਖਣ ਵਿਚ ਲੋਕਾਂ ਦੀ ਮਦਦ ਕਰਨਗੇ।
File
ਰਾਇਟਰਜ਼ ਦੀ ਇਕ ਰਿਪੋਰਟ ਦੇ ਅਨੁਸਾਰ ਰੋਮਾਨੀਆ ਵਿਚ ਲਗਭਗ ਦੋ ਮਹੀਨਿਆਂ ਦਾ Lockdown ਲੱਗਿਆ ਸੀ। ਪਰ ਇਸ ਤੋਂ ਬਾਅਦ ਜਦੋਂ ਇਸ ਵਿਚ ਢਿੱਲ ਦਿੱਤੀ ਗਈ ਤਾਂ ਲੋਕ ਸਮਾਜਕ ਦੂਰੀਆਂ ਦਾ ਪਾਲਣ ਨਹੀਂ ਕਰ ਰਹੇ ਸਨ। ਇਸ ਤੋਂ ਬਾਅਦ, ਜੁੱਤੇ ਵੇਚਣ ਵਾਲੇ ਸ਼ੋਅ ਰੂਮ ਦੇ ਮਾਲਕ ਨੇ ਅਜਿਹੀਆਂ ਜੁੱਤੀਆਂ ਬਣਾਉਣ ਦਾ ਫੈਸਲਾ ਕੀਤਾ।
File
ਕਲੂਜ ਦੇ ਟ੍ਰਾਂਸਿਲਵਿਅਨ ਸ਼ਹਿਰ ਦੇ ਜੁੱਤੀ ਨਿਰਮਾਤਾ ਗਰਿਗੋਰ ਲੂਪ ਨੇ ਦੇਖਿਆ ਕਿ ਲੋਕ ਨਿਯਮਾਂ ਦੀ ਪਾਲਣਾ ਨਹੀਂ ਕਰ ਰਹੇ ਸਨ। ਇਸ ਲਈ ਲੂਪ ਨੇ ਲੋਕਾਂ ਨੂੰ ਦੂਰੀ ਬਣਾਈ ਰੱਖਣ ਵਿਚ ਸਹਾਇਤਾ ਲਈ ਲੰਬੇ ਚਮੜੇ ਦੇ ਬੂਟਾਂ ਬਾਰੇ ਸੋਚਿਆ, ਅਤੇ ਉਸ ਨੇ ਤੁਰੰਤ ਇਹ ਵਿਚਾਰ 'ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ।
File
ਰਿਪੋਰਟ ਦੇ ਅਨੁਸਾਰ ਇਹ ਜੁੱਤੇ ਯੂਰਪੀਅਨ ਸਾਈਜ਼ ਨੰਬਰ 75 ਵਿਚ ਆਉਂਦੇ ਹਨ। ਲੂਪ ਨੇ ਕਿਹਾ ਕਿ ਉਹ 39 ਸਾਲਾਂ ਤੋਂ ਚਮੜੇ ਦੀਆਂ ਜੁੱਤੀਆਂ ਤਿਆਰ ਕਰ ਰਿਹਾ ਹੈ। ਲੂਪ ਨੇ 2001 ਵਿਚ ਆਪਣੀ ਨਵੀਂ ਦੁਕਾਨ ਖੋਲ੍ਹੀ, ਉਸੇ ਦੁਕਾਨ 'ਤੇ ਉਹ ਇਹ ਜੁੱਤੇ ਵੇਚ ਰਿਹਾ ਹੈ।
File
ਲੂਪ ਦਾ ਕਹਿਣਾ ਹੈ ਕਿ ਇਸ ਜੁੱਤੀ ਨੂੰ ਪਹਿਨਣ ਨਾਲ ਲੋਕਾਂ ਵਿਚਾਲੇ ਤਕਰੀਬਨ ਡੇਢ ਮੀਟਰ ਦੀ ਦੂਰੀ ਹੋਵੇਗੀ। ਇਨ੍ਹਾਂ ਜੁੱਤੀਆਂ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣੀਆਂ ਸ਼ੁਰੂ ਹੋ ਗਈਆਂ। ਦਿਲਚਸਪ ਗੱਲ ਇਹ ਹੈ ਕਿ ਲੂਪ ਨੂੰ ਇਨ੍ਹਾਂ ਜੁੱਤੀਆਂ ਦੇ ਆਰਡਰ ਵੀ ਮਿਲਣੇ ਸ਼ੁਰੂ ਹੋ ਗਏ।
File
ਉਸ ਨੇ ਦੱਸਿਆ ਕਿ ਉਸ ਨੇ ਇਹਨਾਂ ਜੁੱਤੀਆਂ ਦੇ ਪੰਜ ਆਰਡਰ ਵੀ ਪ੍ਰਾਪਤ ਕੀਤੇ ਹਨ। ਇਸ ਨੂੰ ਬਣਾਉਣ ਵਿਚ ਸਿਰਫ ਦੋ ਦਿਨ ਲੱਗਦੇ ਹਨ ਅਤੇ ਇਸ ਲਈ ਇਕ ਵਰਗ ਮੀਟਰ ਚਮੜੇ ਦੀ ਜ਼ਰੂਰਤ ਹੁੰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
