ਪੰਜਾਬੀ ਟਰੱਕ ਡਰਾਈਵਰ ਜੋ ਕਿ ਡਰਾਇੰਗ ਕਰਦੇ ਸਮੇਂ ਮੋਬਾਇਲ 'ਤੇ ਅਪਣੇ ਆਪ ਦੀ ਫ਼ਿਲਮ ਬਣਾ ਰਿਹਾ...
ਮੈਲਬੌਰਨ: ਪੰਜਾਬੀ ਟਰੱਕ ਡਰਾਈਵਰ ਜੋ ਕਿ ਡਰਾਇੰਗ ਕਰਦੇ ਸਮੇਂ ਮੋਬਾਇਲ 'ਤੇ ਅਪਣੇ ਆਪ ਦੀ ਫ਼ਿਲਮ ਬਣਾ ਰਿਹਾ ਸੀ ਕਿ ਮੌਨਾਸ ਫਰੀਵੇਅ 'ਤੇ ਜਾਂਦੀਆਂ ਹੋਰਨਾਂ ਕਾਰਾਂ ਨਾਲ ਟਕਰਾ ਗਿਆ। ਵੇਟਨਰਾਲ ਟਰੱਕ ਕੰਪਨੀ ਦਾ ਇਹ ਨੌਜਵਾਨ ਟਰੱਕ ਚਲਾ ਰਿਹਾ ਸੀ ਤੇ ਡਰਾਈਵ ਕਰਦੇ ਸਮੇਂ ਉਹ ਅਪਣੀ ਬਣਾਈ ਜਾ ਰਹੀ ਵੀਡੀਓ ਵੀ ਅਪਲੋਡ ਕਰ ਰਿਹਾ ਸੀ ਕਿ ਹਾਦਸਾ ਵਾਪਰ ਗਿਆ।
Accident
ਭਾਵੇਂ ਕਿਸੇ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ ਜਿਸ ਸਮੇਂ ਇਹ ਹਾਦਸਾ ਵਾਪਰਿਆ ਸੀ ਉਸ ਸਮੇਂ ਉਥੇ ਗੱਡੀਆਂ ਦੀ ਕਾਫੀ ਭੀੜ ਸੀ, ਕਾਫੀ ਵੱਡਾ ਟਰਾਲਾ ਹੋਣ ਕਾਰਨ ਉਸ ਨੇ ਹੋਰਨਾਂ ਵੀ ਕਈ ਗੱਡੀਆਂ ਨੂੰ ਲਪੇਟ ਵਿਚ ਲੈ ਲਿਆ। ਇਹ ਬਹੁਤ ਵੱਡਾ ਚਮਤਕਾਰ ਸੀ ਕਿ ਜਦੋਂ ਇਹ ਘਟਨਾ ਵਾਪਰੀ ਤਾਂ ਜਿਸ ਤਰ੍ਹਾਂ ਕਾਰਾਂ ਨੁਕਸਾਨੀਆਂ ਗਈਆਂ ਸਨ ਇੰਝ ਲੱਗ ਰਿਹਾ ਸੀ ਕਿ ਉਹ ਡਰਾਈਵਰ ਬਚਣਗੇ ਨਹੀਂ ਪਰ ਕਿਸੇ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ।
ਇਸ ਰੋਡ ਉਪਰ 100 ਦੀ ਸਪੀਡ ਨਾਲ ਸਾਰੇ ਵਾਹਨ ਚਲਦੇ ਹਨ। ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਡਰਾਈਵਰ ਨੂੰ ਬਿਨਾਂ ਕਿਸੇ ਦੋਸ਼ ਦੇ ਰਿਹਾਅ ਕਰ ਦਿੱਤਾ ਗਿਆ। ਉਸ ਦੀ ਉਹ ਵੀਡੀਓ ਜੋ ਉਸ ਨੇ ਬਣਾਈ ਸੀ ਉਹ ਟੀਵੀ ਚੈਨਲਾਂ 'ਤੇ ਲਗਾਤਾਰ ਦਿਖਾਈ ਦਿੰਦੀ ਰਹੀ। ਇਸ ਦੀ ਕਾਫੀ ਚਰਚਾ ਹੈ ਕਿ ਜਿਸ ਤਰ੍ਹਾਂ ਉਹ ਜਾਨ ਖ਼ਤਰੇ ਵਿਚ ਪਾ ਕੇ ਹੋਰਨਾਂ ਲੋਕਾਂ ਦੀਆਂ ਜਾਨਾ ਨਾਲ ਖੇਡ ਰਿਹਾ ਸੀ।
