ਐਪਲ ਤੋਂ ਇਲਾਵਾ ਊਰਜਾ ਕੰਪਨੀ ExxonMobil ਨੇ ਵੀ ਆਪਣੇ ਸੰਚਾਲਨ ਨੂੰ ਰੋਕਣ ਅਤੇ ਰੂਸ ਵਿਚ ਨਿਵੇਸ਼ ਰੋਕਣ ਦਾ ਐਲਾਨ ਕੀਤਾ ਹੈ।
ਵਾਸ਼ਿੰਗਟਨ: ਐਪਲ ਨੇ ਰੂਸ ਵਿਚ ਆਪਣੇ ਸਾਰੇ ਉਤਪਾਦਾਂ ਦੀ ਵਿਕਰੀ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਰੂਸ ਵਲੋਂ ਯੂਕਰੇਨ 'ਤੇ ਹਮਲੇ ਕਾਰਨ ਅਜਿਹਾ ਫੈਸਲਾ ਲੈਣ ਵਾਲੀ ਐਪਲ ਸਭ ਤੋਂ ਵੱਡੀਆਂ ਕੰਪਨੀਆਂ 'ਚੋਂ ਇਕ ਹੈ। ਐਪਲ ਤੋਂ ਇਲਾਵਾ ਊਰਜਾ ਕੰਪਨੀ ExxonMobil ਨੇ ਵੀ ਆਪਣੇ ਸੰਚਾਲਨ ਨੂੰ ਰੋਕਣ ਅਤੇ ਰੂਸ ਵਿਚ ਨਿਵੇਸ਼ ਰੋਕਣ ਦਾ ਐਲਾਨ ਕੀਤਾ ਹੈ।
ਆਈਫੋਨ ਨਿਰਮਾਤਾ ਨੇ ਕਿਹਾ ਹੈ ਕਿ ਉਹ ਰੂਸੀ ਹਮਲੇ ਕਾਰਨ "ਗੰਭੀਰ ਚਿੰਤਤ" ਹੈ ਅਤੇ "ਹਿੰਸਾ ਦੇ ਪੀੜਤਾਂ" ਦੇ ਨਾਲ ਖੜ੍ਹੀ ਹੈ। ਇਸ ਦੇ ਨਾਲ ਹੀ ਰੂਸ 'ਚ ਐਪਲ ਪੇਅ ਅਤੇ ਐਪਲ ਮੈਪ ਵਰਗੀਆਂ ਸੇਵਾਵਾਂ ਨੂੰ ਵੀ ਸੀਮਤ ਕਰ ਦਿੱਤਾ ਗਿਆ ਹੈ। ਗੂਗਲ ਨੇ ਰੂਸ ਦੇ ਸਰਕਾਰੀ ਸਹਾਇਤਾ ਪ੍ਰਾਪਤ ਮੀਡੀਆ ਆਰਟੀ ਨੂੰ ਵੀ ਆਪਣੇ ਫੀਚਰਜ਼ ਤੋਂ ਹਟਾ ਦਿੱਤਾ ਹੈ।
ਨਿਊਜ਼ ਏਜੰਸੀ ਆਰਆਈਏ ਮੁਤਾਬਕ ਰੂਸ ਦੇ ਵੀਟੀਬੀ ਬੈਂਕ ਵਰਗੀਆਂ ਐਪਸ ਹੁਣ ਐਪਲ ਦੇ ਆਈਓਐਸ ਆਪਰੇਟਿੰਗ ਸਿਸਟਮ 'ਚ ਰੂਸੀ ਭਾਸ਼ਾ 'ਚ ਨਹੀਂ ਚੱਲ ਸਕਣਗੀਆਂ। ਐਪਲ ਨੇ ਆਪਣੇ ਬਿਆਨ ਵਿਚ ਕਿਹਾ ਹੈ ਕਿ ਉਸ ਨੇ ਐਪਲ ਮੈਪਸ ਵਿਚ "ਯੂਕਰੇਨੀ ਨਾਗਰਿਕਾਂ ਦੀ ਸੁਰੱਖਿਆ ਲਈ" ਯੂਕਰੇਨ ਵਿਚ ਟ੍ਰੈਫਿਕ ਅਤੇ ਲਾਈਵ ਇੰਸੀਡੈਂਟਸ ਨੂੰ ਡਿਸਏਬਲ ਕਰ ਦਿੱਤਾ ਹੈ।