ਬੱਚਿਆਂ ਲਈ ਮੈਦਾਨ ਬਣਾਉਣਾ ਹੈ ਮਕਸਦ
ਵਾਸ਼ਿੰਗਟਨ : ਅਮਰੀਕਾ ਦੇ ਉਤਰ-ਪੂਰਬ ਦੇ ਵਰਮੋਂਟ ਦੇ ਫੇਯਰ ਹੇਵਨ ਕਸਬੇ ਵਿਚ ਮੇਅਰ ਦੇ ਅਹੁਦੇ ਲਈ 3 ਜਾਨਵਰ ਚੋਣ ਮੈਦਾਨ ਵਿਚ ਹਨ। ਇਨ੍ਹਾਂ ਵਿਚ ਇਕ ਬਕਰੀ ਅਤੇ 2 ਕੁੱਤੇ ਹਨ। ਮਾਰਚ 2019 ਵਿਚ ਹੋਈਆਂ ਚੋਣਾਂ ਤੋਂ ਬਾਅਦ ਮੇਅਰ ਦਾ ਅਹੁਦਾ ਫਿਲਹਾਲ 3 ਸਾਲ ਦੀ ਨਿਊਬਿਯਨ ਲਿੰਕਨ ਬਕਰੀ ਕੋਲ ਹੈ। ਇਸ ਵਾਰ ਦੀਆਂ ਚੋਣਾਂ ਵਿਚ ਲਿੰਕਨ ਅਤੇ 6 ਸਾਲ ਦੇ ਸੈਮੀ ਕੁੱਤੇ ਦੇ ਵਿਚ ਸਖਤ ਮੁਕਾਬਲਾ ਹੈ।
ਤੀਜਾ ਉਮੀਦਵਾਰ ਮਰਫੀ ਵੀ ਲਿੰਕਨ ਦੀ ਉਮਰ ਦਾ ਹੈ। ਵੋਟਿੰਗ 3 ਮਾਰਚ ਨੂੰ ਹੋਵੇਗੀ। ਲੋਕਾਂ ਨੂੰ ਵੋਟ ਪਾਉਣ ਲਈ 1 ਡਾਲਰ ਦੇਣਾ ਹੋਵੇਗਾ। ਅਸਲ ਵਿਚ ਅਮਰੀਕਾ ਦੇ ਇਸ ਕਸਬੇ ਵਿਚ ਜਾਨਵਰਾਂ ਨੂੰ ਚੋਣ ਲੜਾਉਣ ਦਾ ਉਦੇਸ਼ ਬੱਚਿਆਂ ਲਈ 'ਕਮਿਊਨਿਟੀ ਖੇਡ ਮੈਦਾਨ' ਤਿਆਰ ਕਰਨਾ ਹੈ। ਇਨ੍ਹਾਂ ਚੋਣਾਂ ਵਿਚ ਜਿਹੜਾ ਫੰਡ ਇਕੱਠਾ ਹੋਵੇਗਾ ਉਸ ਨਾਲ ਖੇਡ ਮੈਦਾਨ ਬਣਾਇਆ ਜਾਵੇਗਾ।
ਇਸ ਤੋਂ ਇਲਾਵਾ ਬਾਕੀ ਬਚੀ ਰਾਸ਼ੀ ਬੱਚਿਆਂ ਦੇ ਪੁਨਰਵਾਸ 'ਤੇ ਖਰਚ ਹੋਵੇਗੀ। ਟਾਊਨ ਮੈਨੇਜਰ ਜੋ ਗੁੰਟਰ ਨੇ ਦਸਿਆ ਕਿ ਚੋਣਾਂ ਵਿਚ ਰਜਿਸਟ੍ਰੇਸ਼ਨ ਕਰਾਉਣ ਦੀ ਫੀਸ 5 ਡਾਲਰ ਰੱਖੀ ਗਈ ਹੈ। ਚੋਣ ਮੁਕਾਬਲੇ ਵਿਚ ਜਰਮਨ ਸ਼ੈਫਰਡ ਦੇ 9 ਸੈਂਟੀਮੀਟਰ ਦੇ ਕੁੱਤੇ ਦੀ ਨਾਮਜ਼ਦਗੀ ਪੁਲਿਸ ਚੀਫ ਬਿਲ ਹੈਮਫ੍ਰੀਜ ਵਲੋਂ ਕੀਤੀ ਗਈ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਸੈਮੀ ਦੇ ਸਮਰਥਕ ਮੌਜੂਦਾ ਮੇਅਰ ਲਿੰਕਨ ਤੋਂ ਵੱਧ ਹਨ।
ਦੂਜੇ ਕੁੱਤੇ ਮਰਫੀ ਦੀ ਮਾਲਕਿਨ ਲਿੰਡਾ ਬਰਕਰ ਨੇ ਦਸਿਆ ਕਿ ਮਰਫੀ ਇਕ ਸਰਟੀਫਾਈ ਥੈਰਪੀ ਡੌਗ ਹੈ। ਉਹ ਹਸਪਤਾਲਾਂ ਵਿਚ ਜਾ ਕੇ ਲੋਕਾਂ ਦੀ ਮਦਦ ਕਰਦਾ ਹੈ। ਮਰਫੀ ਨੇ ਚੁਣਾਵੀ ਰੇਸ ਨੂੰ ਮਜ਼ੇਦਾਰ ਬਣਾਇਆ ਹੈ। ਲਿੰਕਨ ਪੱਖ ਵਲੋਂ ਕਿਹਾ ਗਿਆ ਹੈ ਕਿ ਉਸ ਨੇ ਆਪਣੀ ਮੇਅਰ ਦੀ ਜ਼ਿੰਮੇਵਾਰੀ ਠੀਕ ਢੰਗ ਨਾਲ ਨਿਭਾਈ ਹੈ। ਫਿਰ ਵੀ ਜੇਕਰ ਉਹ ਨਹੀਂ ਜਿੱਤਦੀ ਤਾਂ ਵੀ ਉਹ ਬਕਰੀ ਯੋਗਾ ਵਿਚ ਆਪਣਾ ਕਰੀਅਰ ਸ਼ੁਰੂ ਕਰੇਗੀ। ਬਕਰੀ ਯੋਗਾ ਵਿਚ ਸਰੀਰ ਨੂੰ ਸਥਿਰ ਰੱਖ ਕੇ ਆਪਣੀ ਪਿੱਠ 'ਤੇ ਬਕਰੀ ਨੂੰ ਸੰਤੁਲਿਤ ਕਰਨਾ ਹੁੰਦਾ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਮੈਦਾਨ ਬਣਾਉਣ ਲਈ ਰਾਸ਼ੀ ਦਾ ਇੰਤਜ਼ਾਮ ਕਰਨ ਲਈ ਚੋਣਾਂ ਦੇ ਇਲਾਵਾ ਗੋ ਫੰਡ ਮੀ ਪੇਜ ਵੀ ਬਣਾਇਆ ਗਿਆ ਹੈ। ਮੈਦਾਨ ਬਣਾਉਣ ਵਿਚ 80,000 ਡਾਲਰ (57.5 ਲੱਖ ਰੁਪਏ) ਦੀ ਲੋੜ ਹੈ। ਹੁਣ ਤਕ 10,000 ਡਾਲਰ (17.5 ਲੱਖ ਰੁਪਏ) ਇਕੱਠੇ ਹੋਏ ਹਨ। ਟਾਊਨ ਮੈਨੇਜਰ ਜੋ ਗੁੰਟਰ ਨੇ ਮੇਅਰ ਦੀਆਂ ਜ਼ਿੰਮੇਵਾਰੀਆਂ ਦੇ ਬਾਰੇ ਵਿਚ ਦਸਿਆ ਕਿ ਮੇਅਰ ਨੂੰ ਪਰੇਡ ਮਾਰਚ ਜ਼ਰੀਏ ਰਾਸ਼ੀ ਦਾ ਇੰਤਜ਼ਾਮ ਕਰਨਾ ਹੋਵੇਗਾ।