ਇਕੱਲੇ ਅਫ਼ਗ਼ਾਨਿਸਤਾਨ ਵਿੱਚ ਭਾਰਤ ਦੀ ਜੀਡੀਪੀ ਦੇ ਬਰਾਬਰ ਹੈ ਅਮਰੀਕਾ ਦਾ ਖ਼ਰਚਾ
ਵਾਸ਼ਿੰਗਟਨ : ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਹੁਣ ਖਤਰਨਾਕ ਮੋੜ 'ਤੇ ਪਹੁੰਚ ਗਈ ਹੈ। ਇਸ ਜੰਗ ਵਿੱਚ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਦੀ ਵੀ ਆਲੋਚਨਾ ਹੋ ਰਹੀ ਹੈ। ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਵੀ ਕਿਹਾ ਹੈ ਕਿ ਉਹ ਇਸ ਜੰਗ ਵਿੱਚ ਇਕੱਲੇ ਰਹਿ ਗਏ ਹਨ।
Joe Biden
ਇਸ ਦੇ ਨਾਲ ਹੀ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਵੀ ਇਸ ਜੰਗ ਲਈ ਅਮਰੀਕਾ ਅਤੇ ਪੱਛਮੀ ਦੇਸ਼ਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਇਸ ਦੌਰਾਨ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਵੀ ਸਪੱਸ਼ਟ ਕੀਤਾ ਹੈ ਕਿ ਉਹ ਯੂਕਰੇਨ ਵਿੱਚ ਫੌਜ ਨਹੀਂ ਭੇਜਣਗੇ। ਅਮਰੀਕਾ ਨੇ ਸਪੱਸ਼ਟ ਕੀਤਾ ਕਿ ਇਸ ਹਮਲੇ ਲਈ ਰੂਸ 'ਤੇ ਪਾਬੰਦੀਆਂ ਲਾਈਆਂ ਜਾਣਗੀਆਂ ਪਰ ਉਹ ਖੁਦ ਇਸ ਜੰਗ 'ਚ ਹਿੱਸਾ ਨਹੀਂ ਲਵੇਗਾ।
File photo
ਬਾਇਡਨ ਨੂੰ ਉਦੋਂ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਜਦੋਂ ਅਫ਼ਗ਼ਾਨਿਸਤਾਨ ਤੋਂ ਫ਼ੌਜਾਂ ਦੀ ਵਾਪਸੀ ਤੋਂ ਬਾਅਦ ਯੂਕਰੇਨ ਵਿੱਚ ਯੁੱਧ ਸ਼ੁਰੂ ਹੋ ਗਿਆ ਸੀ। ਪਰ ਸੱਚਾਈ ਇਹ ਹੈ ਕਿ ਅਮਰੀਕਾ ਨੂੰ ਆਪਣੀ ਫ਼ੌਜ ਨੂੰ ਦੂਜੇ ਦੇਸ਼ਾਂ ਵਿਚ ਉਤਾਰਨ ਲਈ ਵੱਡਾ ਨੁਕਸਾਨ ਚੁੱਕਣਾ ਪੈਂਦਾ ਹੈ।
ਹੋਰ ਦੇਸ਼ਾਂ ਵਿੱਚ ਅਮਰੀਕਾ ਦਾ ਕਿੰਨਾ ਨੁਕਸਾਨ ਹੋਇਆ?
ਸੈਨਿਕਾਂ ਦੀ ਮੌਤ : ਅਮਰੀਕਾ ਦੀ ਬ੍ਰਾਊਨ ਯੂਨੀਵਰਸਿਟੀ ਦੀ ਜੰਗ ਦੀ ਲਾਗਤ ਰਿਪੋਰਟ ਦੇ ਅਨੁਸਾਰ, 9/11 ਦੇ ਹਮਲੇ ਤੋਂ ਲੈ ਕੇ ਅਗਸਤ 2021 ਤੱਕ ਅਮਰੀਕਾ ਆਪਣੇ 7 ਹਜ਼ਾਰ ਤੋਂ ਵੱਧ ਸੈਨਿਕਾਂ ਨੂੰ ਗੁਆ ਚੁੱਕਾ ਹੈ। ਇਨ੍ਹਾਂ ਵਿਚੋਂ 2,324 ਫ਼ੌਜੀ ਅਫ਼ਗ਼ਾਨਿਸਤਾਨ ਵਿਚ ਅਤੇ 4,598 ਇਰਾਕ ਵਿਚ ਮਾਰੇ ਗਏ ਹਨ। ਯਾਨੀ 20 ਸਾਲਾਂ ਦੀ ਜੰਗ ਵਿੱਚ ਅਮਰੀਕਾ ਹਰ ਸਾਲ ਆਪਣੇ 350 ਤੋਂ ਵੱਧ ਸੈਨਿਕਾਂ ਨੂੰ ਗੁਆ ਚੁੱਕਾ ਹੈ।
what did the US lose in the war on foreign land?
ਭਾਰੀ ਖ਼ਰਚ : ਜੰਗ ਦੀ ਲਾਗਤ ਦੀ ਰਿਪੋਰਟ ਦੇ ਅਨੁਸਾਰ, ਅਮਰੀਕਾ ਨੇ 20 ਸਾਲਾਂ ਵਿੱਚ ਦੂਜੇ ਦੇਸ਼ਾਂ ਵਿੱਚ ਫ਼ੌਜ ਭੇਜਣ 'ਤੇ 8 ਟ੍ਰਿਲੀਅਨ ਡਾਲਰ ਯਾਨੀ ਲਗਭਗ 610 ਲੱਖ ਕਰੋੜ ਰੁਪਏ ਖ਼ਰਚ ਕੀਤੇ ਹਨ। ਅਮਰੀਕਾ ਨੂੰ ਇੱਥੇ ਜੰਗ ਲੜਨ ਲਈ ਕਰਜ਼ਾ ਵੀ ਲੈਣਾ ਪਿਆ। ਉਸ ਨੇ 82 ਲੱਖ ਕਰੋੜ ਤੋਂ ਵੱਧ ਰੁਪਏ ਸਿਰਫ਼ ਕਰਜ਼ੇ ਦਾ ਵਿਆਜ ਅਦਾ ਕਰਨ ਵਿੱਚ ਹੀ ਖ਼ਰਚ ਕੀਤੇ। ਇਹ ਖ਼ਰਚਾ ਕਿੰਨਾ ਵਧਿਆ ਹੈ, ਇਸ ਨੂੰ ਇਸ ਤਰ੍ਹਾਂ ਸਮਝੋ ਕਿ ਭਾਰਤ ਦਾ ਇਕ ਸਾਲ ਦਾ ਰੱਖਿਆ ਬਜਟ 5.25 ਲੱਖ ਕਰੋੜ ਰੁਪਏ ਹੈ।
ਇਕੱਲੇ ਅਫ਼ਗ਼ਾਨਿਸਤਾਨ ਵਿੱਚ ਭਾਰਤ ਦੀ ਜੀਡੀਪੀ ਦੇ ਬਰਾਬਰ ਹੈ ਅਮਰੀਕਾ ਦਾ ਖ਼ਰਚਾ
ਸਭ ਤੋਂ ਖਤਰਨਾਕ ਅਤਿਵਾਦੀ ਹਮਲਾ 9 ਸਤੰਬਰ 2001 ਨੂੰ ਅਮਰੀਕਾ ਵਿੱਚ ਹੋਇਆ ਸੀ। ਇਸ ਹਮਲੇ ਵਿੱਚ ਕਰੀਬ ਤਿੰਨ ਹਜ਼ਾਰ ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਹਮਲੇ ਨੂੰ ਅਤਿਵਾਦੀ ਸੰਗਠਨ ਅਲਕਾਇਦਾ ਨੇ ਅੰਜਾਮ ਦਿੱਤਾ ਸੀ। ਹਮਲੇ ਦੇ ਇੱਕ ਮਹੀਨੇ ਬਾਅਦ ਪਹਿਲੀ ਵਾਰ, 7 ਅਕਤੂਬਰ 2001 ਨੂੰ, ਅਮਰੀਕਾ ਨੇ ਅਫ਼ਗ਼ਾਨਿਸਤਾਨ ਵਿੱਚੋਂ ਤਾਲਿਬਾਨ ਨੂੰ ਬਾਹਰ ਕੱਢਣ ਲਈ ਹਮਲਾ ਕੀਤਾ।
what did the US lose in the war on foreign land?
ਇਸ ਤੋਂ ਬਾਅਦ ਅਮਰੀਕਾ ਵਿਚ ਅਮਰੀਕੀ ਸੈਨਿਕਾਂ ਦੀ ਗਿਣਤੀ ਵਧਦੀ ਗਈ। 2011 ਅਤੇ 2012 ਵਿੱਚ ਅਫ਼ਗ਼ਾਨਿਸਤਾਨ ਵਿੱਚ ਅਮਰੀਕੀ ਸੈਨਿਕਾਂ ਦੀ ਗਿਣਤੀ 1 ਲੱਖ ਨੂੰ ਪਾਰ ਕਰ ਗਈ ਸੀ। ਅਮਰੀਕੀ ਸਰਕਾਰ ਦੇ ਅਨੁਸਾਰ, 2011 ਅਤੇ 2012 ਵਿੱਚ ਅਫ਼ਗ਼ਾਨਿਸਤਾਨ ਵਿੱਚ ਅਮਰੀਕੀ ਫ਼ੌਜ 'ਤੇ ਲਗਭਗ 100 ਬਿਲੀਅਨ ਡਾਲਰ ਖ਼ਰਚ ਕੀਤੇ ਗਏ ਸਨ। ਅੰਕੜਿਆਂ ਮੁਤਾਬਕ 2001 ਤੋਂ 2020 ਤੱਕ ਅਮਰੀਕਾ ਨੇ ਇਕੱਲੇ ਅਫ਼ਗ਼ਾਨਿਸਤਾਨ 'ਚ ਫ਼ੌਜ 'ਤੇ 815 ਅਰਬ ਡਾਲਰ ਤੋਂ ਜ਼ਿਆਦਾ ਖ਼ਰਚ ਕੀਤਾ ਹੈ।
ਜੰਗ ਦੀ ਲਾਗਤ ਦੀ ਰਿਪੋਰਟ ਦੇ ਅਨੁਸਾਰ, ਅਮਰੀਕਾ ਨੇ 20 ਸਾਲਾਂ ਵਿੱਚ ਅਫ਼ਗ਼ਾਨਿਸਤਾਨ ਵਿੱਚ 2.3 ਟ੍ਰਿਲੀਅਨ ਡਾਲਰ ਤੋਂ ਵੱਧ ਖ਼ਰਚ ਕੀਤੇ ਹਨ। ਇਹ ਖ਼ਰਚਾ ਭਾਰਤ ਦੇ ਜੀਡੀਪੀ ਤੋਂ ਵੱਧ ਹੈ। ਭਾਰਤ ਦੀ ਜੀਡੀਪੀ ਇਸ ਸਮੇਂ ਲਗਭਗ 2.7 ਟ੍ਰਿਲੀਅਨ ਡਾਲਰ ਹੈ।
what did the US lose in the war on foreign land?
ਅਮਰੀਕੀ ਵੀ ਨਹੀਂ ਚਾਹੁੰਦੇ ਕਿ ਫ਼ੌਜ ਯੂਕਰੇਨ ਵਿੱਚ ਜਾਵੇ
ਅਮਰੀਕੀ ਨਾਗਰਿਕ ਵੀ ਨਹੀਂ ਚਾਹੁੰਦੇ ਕਿ ਅਮਰੀਕੀ ਸੈਨਿਕ ਯੂਕਰੇਨ ਜਾਣ। ਇਸ ਸਾਲ 24 ਅਤੇ 26 ਜਨਵਰੀ ਦੇ ਵਿਚਕਾਰ, Yougov ਨੇ ਇੱਕ ਸਰਵੇਖਣ ਕੀਤਾ। ਇਸ ਸਰਵੇ 'ਚ ਇਹ ਸਵਾਲ ਪੁੱਛਿਆ ਗਿਆ ਸੀ ਕਿ ਯੂਕਰੇਨ 'ਤੇ ਹਮਲੇ ਦੀ ਸਥਿਤੀ 'ਚ ਅਮਰੀਕਾ ਨੂੰ ਕੀ ਕਰਨਾ ਚਾਹੀਦਾ ਹੈ?ਸਰਵੇ 'ਚ 11 ਫ਼ੀਸਦੀ ਲੋਕਾਂ ਨੇ ਕਿਹਾ ਕਿ ਜੇਕਰ ਰੂਸ ਯੂਕਰੇਨ 'ਤੇ ਹਮਲਾ ਕਰਦਾ ਹੈ ਤਾਂ ਅਮਰੀਕਾ ਨੂੰ ਆਪਣੀ ਫ਼ੌਜ ਭੇਜਣੀ ਚਾਹੀਦੀ ਹੈ। 20% ਲੋਕਾਂ ਨੇ ਕਿਹਾ ਕਿ ਅਮਰੀਕਾ ਨੂੰ ਯੂਕਰੇਨ ਦੀ ਮਦਦ ਲਈ ਫ਼ੌਜ ਭੇਜਣੀ ਚਾਹੀਦੀ ਹੈ, ਨਾ ਕਿ ਰੂਸੀ ਫੌਜਾਂ ਨਾਲ ਲੜਨ ਲਈ। ਇਸ ਦੇ ਨਾਲ ਹੀ 11% ਨੇ ਕਿਹਾ ਕਿ ਅਮਰੀਕਾ ਨੂੰ ਇਸ ਮਾਮਲੇ ਵਿੱਚ ਸ਼ਾਮਲ ਹੋਣਾ ਚਾਹੀਦਾ ਹੈ।
what did the US lose in the war on foreign land?
ਜਦੋਂ ਅਮਰੀਕਾ ਦੀ ਫ਼ੌਜ ਉੱਤਰੀ ਤਾਂ ਤੀਜਾ ਵਿਸ਼ਵ ਯੁੱਧ ਤੈਅ!
24 ਫਰਵਰੀ ਨੂੰ ਜਦੋਂ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਯੂਕਰੇਨ ਖ਼ਿਲਾਫ਼ ਹਮਲੇ ਦਾ ਐਲਾਨ ਕਰਦੇ ਹੋਏ ਚੇਤਾਵਨੀ ਦਿੱਤੀ ਸੀ ਕਿ ਜੇਕਰ ਕੋਈ ਇਸ ਲੜਾਈ ਦੇ ਵਿਚਕਾਰ ਆਇਆ ਤਾਂ ਅਜਿਹਾ ਨਤੀਜਾ ਹੋਵੇਗਾ ਜੋ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ ਸੀ। ਮਾਹਰ ਇਸ ਚਿਤਾਵਨੀ ਨੂੰ ਪ੍ਰਮਾਣੂ ਹਮਲੇ ਦੇ ਖ਼ਤਰੇ ਨਾਲ ਜੋੜ ਕੇ ਦੇਖ ਰਹੇ ਹਨ।
ukraine
ਅਮਰੀਕਾ ਅਤੇ ਰੂਸ ਵਿਚਾਲੇ ਸਰਵਉੱਚਤਾ ਨੂੰ ਲੈ ਕੇ ਹਮੇਸ਼ਾ ਟਕਰਾਅ ਰਿਹਾ ਹੈ। ਦੂਜੇ ਵਿਸ਼ਵ ਯੁੱਧ ਤੋਂ ਬਾਅਦ ਲਗਭਗ ਚਾਰ ਦਹਾਕਿਆਂ ਤੱਕ ਅਮਰੀਕਾ ਅਤੇ ਸੋਵੀਅਤ ਸੰਘ ਵਿਚਕਾਰ ਸੀਤ ਯੁੱਧ ਜਾਰੀ ਰਿਹਾ। ਜੇਕਰ ਯੂਕਰੇਨ ਦੀ ਲੜਾਈ ਵਿੱਚ ਅਮਰੀਕਾ ਦਖਲ ਦਿੰਦਾ ਹੈ ਤਾਂ ਤੀਸਰੇ ਵਿਸ਼ਵ ਯੁੱਧ ਦਾ ਖ਼ਤਰਾ ਵੱਧ ਜਾਵੇਗਾ। ਕਿਉਂਕਿ ਜਦੋਂ ਅਮਰੀਕਾ ਆਵੇਗਾ ਤਾਂ ਨਾਟੋ ਦੇਸ਼ ਵੀ ਇਸ ਲੜਾਈ ਵਿਚ ਸ਼ਾਮਲ ਹੋਣਗੇ। ਇਸ ਦੇ ਨਾਲ ਹੀ ਚੀਨ ਅਤੇ ਈਰਾਨ ਵਰਗੇ ਦੇਸ਼ ਰੂਸ ਦੇ ਨਾਲ ਆ ਸਕਦੇ ਹਨ।
