ਜਗਤਾਰ ਸਿੰਘ ਨੇ ਢਾਹੀ ਸਿੱਖਾਂ ਦੀ ਪਹਿਲੀ ਵਿਰਾਸਤੀ ਇਮਾਰਤ
ਚੰਡੀਗੜ੍ਹ: ਸ੍ਰੀ ਤਰਨ ਤਾਰਨ ਸਾਹਿਬ ਦੇ ਗੁਰਦੁਆਰਾ ਸਾਹਿਬ ਦੀ ਦਰਸ਼ਨੀ ਡਿਉਢੀ ਢਾਹੇ ਜਾਣ ਤੋਂ ਬਾਅਦ ਕਾਰ ਸੇਵਾ ਵਾਲੇ ਬਾਬੇ ਵਿਵਾਦਾਂ ਦਾ ਹਿੱਸਾ ਬਣ ਗਏ ਹਨ ਅਤੇ ਉਨ੍ਹਾਂ ਵੱਲੋਂ ਢਾਹ ਕੇ ਮੁੜ ਤੋਂ ਬਣਾਈਆਂ ਗਈਆਂ ਇਮਾਰਤਾਂ ਚਰਚਾ ਵਿਚ ਹਨ| ਅਜਿਹਾ ਵਿਚ ਬੇਬੇ ਨਾਨਕੀ ਦੇ ਵਿਰਾਸਤੀ ਘਰ ਦੀ ਇਮਾਰਤ ਨੂੰ ਕਾਰ ਸੇਵਾ ਵਾਲੇ ਬਾਬੇ ਵੱਲੋਂ ਕਿਲ੍ਹਾ ਬਣਾਉਣ ਦਾ ਮਾਮਲਾ ਚਰਚਾ ਦਾ ਵਿਸ਼ਾ ਬਣਦੀ ਜਾ ਰਹੀ ਹੈ| ਸਿੱਖ ਧਰਮ ਦੇ ਪਹਿਲੇ ਵਿਰਾਸਤੀ ਘਰ ਵੱਜੋਂ ਜਾਣੇ ਜਾਂਦੇ ਬੇਬੇ ਨਾਨਕੀ ਦੇ ਘਰ ਨੂੰ ਵੀ ਕਰ ਸੇਵਾ ਵਾਲੇ ਬਾਬੇ ਨੇ ਮਿਲਿਆ ਮੇਟ ਕਰ ਦਿੱਤਾ ਸੀ ਅਤੇ ਉਸਦੀ ਜਗ੍ਹਾ 'ਤੇ ਨਵੀਂ ਬਣਾਈ ਗਈ ਇਮਾਰਤ ਕਿਸੇ ਕਿਲ੍ਹੇ ਦਾ ਭੁਲੇਖਾ ਪਾਉਂਦੀ ਹੈ|
Gurduara Tarn Taran Sahib
ਬੇਬੇ ਨਾਨਕੀ ਦੇ ਵਿਰਾਸਤੀ ਘਰ ਨੂੰ ਢਾਹ ਕੇ ਕਿਲ੍ਹਾ ਬਣਾਉਣ ਦਾ ਕੰਮ ਵੀ ਦਰਸ਼ਨੀ ਡਿਉੜੀ ਢਾਹੁਣ ਵਾਲੇ ਬਾਬਾ ਜਗਤਾਰ ਸਿੰਘ ਨੇ ਕੀਤਾ ਸੀ| ਬੇਬੇ ਨਾਨਕੀ ਦਾ ਤਿੰਨ ਮੰਜ਼ਿਲ ਘਰ ਸੁਲਾਤਪੁਰ ਲੋਧੀ ਦੇ ਸਿੱਖਾਂ ਮੁਹੱਲੇ ਵਿਚ ਸੀ| ਇਸ ਇਤਿਹਾਸਕ ਤੇ ਵਿਰਾਸਤੀ ਘਰ ਨੂੰ ਸੰਭਾਲਣ ਦੇ ਯਤਨ ਨਾ ਤਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਕੀਤਾ ਗਿਆ ਤੇ ਨਾ ਹੀ ਕਾਰ ਸੇਵਾ ਕਰਵਾ ਰਹੇ ਜਗਤਾਰ ਸਿੰਘ ਵੱਲੋਂ ਇਸ ਦੀ ਪੁਖਤਾ ਸੰਭਾਲ ਹੋਈ| ਬੇਬੇ ਨਾਨਕੀ ਦੇ ਇਸ ਘਰ ਦੀ ਕਾਰ ਸੇਵਾ ਦਾ ਕੰਮ 2001 ਵਿਚ ਬਾਬਾ ਜਗਤਾਰ ਸਿੰਘ ਨੂੰ ਸੌਂਪ ਦਿੱਤਾ ਗਿਆ ਸੀ|
Gurdwara Sahib Tarn Taran Sahib
ਬੇਬੇ ਨਾਨਕੀ ਵੱਲੋਂ ਵੱਲੋਂ ਆਪਣੇ ਹੱਥੀਂ ਵੇਹੜੇ ਵਿਚ ਲਾਇਆ ਬੋਹੜ ਦਾ ਦਰਖਤ ਅੱਜ ਵੀ ਚਸ਼ਮਦੀਦ ਗਵਾਹ ਵਜੋਂ ਖੜ੍ਹਾ ਹੈ| ਘਰ ਦੇ ਅੰਦਰ ਅਤੇ ਬਾਹਰ ਦੋ ਪੁਰਾਤਨ ਖੂਹੀਆਂ ਵੀ ਹਨ| 2001 ਵਿਚ ਜਗਤਾਰ ਸਿੰਘ ਨੇ ਪੁਰਾਣੇ ਘਰ ਨੂੰ ਮਜ਼ਬੂਤ ਬਣਾਉਣ ਦਾ ਦਾਅਵਾ ਕਰ ਸਿੱਖ ਵਿਰਾਸਤ ਦੇ ਇਸ ਘਰ ਨੂੰ ਕਿਲ੍ਹੇ ਦਾ ਰੂਪ ਦੇ ਦਿੱਤਾ| ਪੁਰਾਣੀ ਇਮਾਰਤ ਨੂੰ ਢਾਹ ਕੇ ਬਣਾਈ ਗਈ ਨਵੀ ਇਮਾਰਤ 'ਤੇ ਗੇਰੂਆ ਰੰਗ ਕੀਤਾ ਗਿਆ| ਪਰ ਹੁਣ ਜਦੋਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ 550ਵਾਂ ਪ੍ਰਕਾਸ਼ ਪੁਰਬ ਮਨਾਇਆ ਜਾਣਾ ਹੈ ਉਦੋਂ ਸੰਗਤਾਂ ਬੇਬੇ ਨਾਨਕੀ ਦਾ ਅਸਲ ਘਰ ਦੇ ਦਰਸ਼ਨ ਨਹੀਂ ਕਰ ਸਕੇਗੀ|
