ਅਮਰੀਕੀ ਖੁਫੀਆ ਏਜੰਸੀ ਸੀ.ਆਈ.ਏ. ਦੇ ਇਕ ਸਾਬਕਾ ਅਧਿਕਾਰੀ ਨੇ ਕੀਤਾ ਪ੍ਰਗਟਾਵਾ

ਵਾਸ਼ਿੰਗਟਨ : ਅਮਰੀਕੀ ਖੁਫੀਆ ਏਜੰਸੀ ਸੀ.ਆਈ.ਏ. ਦੇ ਇਕ ਸਾਬਕਾ ਅਧਿਕਾਰੀ ਨੇ ਕਿਹਾ ਕਿ ਭਾਰਤ ਨੂੰ ਅਪਣੀ ਹੋਂਦ ਲਈ ਖਤਰਾ ਮੰਨਣ ਵਾਲੇ ਪਾਕਿਸਤਾਨ ਨੇ ਉਸ ਵਿਰੁਧ ਅਪਣੇ ਸੰਘਰਸ਼ ਵਿਚ 'ਅਤਿਵਾਦੀ ਸੰਗਠਨਾਂ' ਨੂੰ ਹਥਿਆਰ ਬਣਾ ਦਿਤਾ ਹੈ। ਸੀ.ਆਈ.ਏ. ਦੇ ਸਾਬਕਾ ਕਾਰਜਕਾਰੀ ਨਿਦੇਸ਼ਕ ਮਾਈਕਲ ਮੋਰੇਲ ਨੇ ਕਰਟ ਕੈਮਪੇਲ ਅਤੇ ਰਿਚ ਵਰਮਾ ਨਾਲ ਵੀਰਵਾਰ ਨੂੰ ਚਰਚਾ ਦੌਰਾਨ ਦੋਸ਼ ਲਗਾਇਆ ਕਿ ਪਾਕਿਸਤਾਨ ਦੁਨੀਆ ਦੇ ਸਭ ਤੋਂ ਖਤਰਨਾਕ ਦੇਸ਼ਾਂ ਵਿਚੋਂ ਇਕ ਹੈ।

Former CIA acting director Michael Morell

ਮੋਰੇਲ ਨੇ ਕਿਹਾ ਕਿ ਪਾਕਿਸਤਾਨ ਨੇ ਭਾਰਤ ਵਿਰੁਧ ਅਪਣੇ ਸੰਘਰਸ਼ ਵਿਚ ਅਤਿਵਾਦੀ ਸੰਗਠਨਾਂ ਨੂੰ ਹਥਿਆਰ ਬਣਾ ਦਿਤਾ ਹੈ। ਉਨ੍ਹਾਂ ਨੇ ਕਿਹਾ,''ਉਨ੍ਹਾਂ ਨੂੰ ਇਹ ਸਮਝ ਨਹੀਂ ਆਉਂਦਾ ਕਿ ਇਨ੍ਹਾਂ ਅਤਿਵਾਦੀ ਸੰਗਠਨਾਂ ਨੂੰ ਕੰਟਰੋਲ ਵਿਚ ਰੱਖਣਾ ਅਸੰਭਵ ਹੈ ਅਤੇ ਅਖੀਰ ਵਿਚ ਇਹ ਤੁਹਾਡੇ ਉੱਤੇ ਹਮਲਾ ਕਰਨਗੇ। ਮੈਨੂੰ ਲੱਗਦਾ ਹੈ ਕਿ ਅਖੀਰ ਪਾਕਿਸਤਾਨ ਦੁਨੀਆ ਦਾ ਸਭ ਤੋਂ ਖਤਰਨਾਕ ਦੇਸ਼ ਬਣ ਸਕਦਾ ਹੈ।'' ਅਲਕਾਇਦਾ ਮੁਖੀ ਓਸਾਮਾ ਬਿਨ ਲਾਦੇਨ ਵਿਰੁਧ ਪਾਕਿਸਤਾਨ ਦੇ ਐਬਟਾਬਾਦ ਵਿਚ ਮਹੱਤਵਪੂਰਣ ਭੂਮਿਕਾ ਨਿਭਾਉਣ ਵਾਲੇ ਮੋਰੇਲ ਨੇ ਕਿਹਾ ਕਿ ਇਸ ਦਖਣੀ ਏਸ਼ੀਆਈ ਦੇਸ਼ ਵਿਚ ਆਬਾਦੀ ਤੇਜ਼ੀ ਨਾਲ ਵੱਧ ਰਹੀ ਹੈ। 

Terrorism

ਉਨ੍ਹਾਂ ਨੇ ਕਿਹਾ,''ਅਰਥਵਿਵਸਥਾ ਕਿਸ ਦਿਸ਼ਾ ਵਿਚ ਜਾ ਰਹੀ ਹੈ। ਇਸ ਦੇ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਨੌਜਵਾਨਾਂ ਲਈ ਨੌਕਰੀ ਨਹੀਂ ਹੈ। ਸਿਖਿਆ ਪ੍ਰਣਾਲੀ ਅਵਿਵਸਥਿਤ ਹੈ।'' ਮੋਰੇਲ ਨੇ ਕਿਹਾ ਕਿ ਪਾਕਿਸਤਾਨੀ ਫ਼ੌਜ ਵਿਚ ਅਤਿਵਾਦ ਵੱਧ ਰਿਹਾ ਹੈ। ਉਨ੍ਹਾਂ ਮੁਤਾਬਕ,''ਉਹ ਵਰਤਮਾਨ ਅਤੇ ਭਵਿੱਖ ਵਿਚ ਵੀ ਭਾਰਤ ਨੂੰ ਪਾਕਿਸਤਾਨ ਦੀ ਹੋਂਦ ਲਈ ਖਤਰੇ ਦੇ ਤੌਰ 'ਤੇ ਦੇਖਦੇ ਹਨ। ਭਾਰਤ ਨੇ ਪਾਕਿਸਤਾਨ 'ਤੇ ਧਿਆਨ ਦੇਣਾ ਬਹੁਤ ਪਹਿਲਾਂ ਛੱਡ ਦਿਤਾ ਹੈ। ਉਹ ਅਪਣੇ ਆਰਥਿਕ ਭਵਿੱਖ 'ਤੇ ਧਿਆਨ ਕੇਂਦਰਿਤ ਕਰ ਰਿਹਾ ਹੈ।''

Terrorism

ਉਨ੍ਹਾਂ ਨੇ ਕਿਹਾ ਕਿ ਪਾਕਿਸਤਾਨ ਨੇ ਫ਼ੌਜ ਨੂੰ ਬਹੁਤ ਜ਼ਿਆਦਾ ਤਾਕਤ ਦਿਤੀ ਹੈ ਅਤੇ ਗ਼ੈਰ ਮਿਲਟਰੀ ਸਰਕਾਰ ਕੋਲ ਉਨੀ ਤਾਕਤ ਨਹੀਂ ਹੈ। ਮੋਰੇਲ ਨੇ ਕਿਹਾ,''ਮੈਨੂੰ ਅਤੇ ਹੋਰ ਲੋਕਾਂ ਨੂੰ ਲੱਗਦਾ ਹੈ ਕਿ ਸਰਕਾਰ ਜਿਹੜੇ ਫ਼ੈਸਲੇ ਕਰਦੀ ਹੈ ਉਹ ਪਾਕਿਸਤਾਨ ਦੇ ਲੰਬੇ ਸਮੇਂ ਤਕ ਹਿੱਤ ਵਿਚ ਨਹੀਂ ਹਨ। ਪਾਕਿਸਤਾਨ ਨੇ ਸਿਖਿਆ ਦੀ ਬਜਾਏ ਪਰਮਾਣੂ ਹਥਿਆਰਾਂ 'ਤੇ ਜ਼ਿਆਦਾ ਰਾਸ਼ੀ ਖਰਚ ਕੀਤੀ ਹੈ।''