ਖ਼ਬਰਾਂ   ਕੌਮਾਂਤਰੀ  03 Jun 2019  ਲੰਦਨ ਪੁੱਜੇ ਟਰੰਪ, ਮੇਅਰ ਸਾਦਿਕ ਖ਼ਾਨ ਨੂੰ ਕਿਹਾ ਮਾੜਾ 

ਲੰਦਨ ਪੁੱਜੇ ਟਰੰਪ, ਮੇਅਰ ਸਾਦਿਕ ਖ਼ਾਨ ਨੂੰ ਕਿਹਾ ਮਾੜਾ 

ਏਜੰਸੀ
Published Jun 3, 2019, 7:19 pm IST
Updated Jun 3, 2019, 7:20 pm IST
ਮਹਾਰਾਣੀ ਐਲੀਜ਼ਾਬੇਥ ਦੇ ਮਹਿਮਾਨ ਬਣ ਕੇ ਤਿੰਨ ਦਿਨ ਦੀ ਯਾਤਰਾ 'ਤੇ ਆਏ ਹਨ ਟਰੰਪ
Donald Trump & Sadiq Khan
 Donald Trump & Sadiq Khan

ਦੁਬਈ : ਅਪਣੀ ਪਤਨੀ ਮੇਲਾਨੀਆ ਟਰੰਪ ਨਾਲ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇੰਗਲੈਂਡ ਪੁਜਦਿਆਂ ਹੀ ਲੰਦਨ ਵਿਚ ਪਾਕਿਸਤਾਨੀ ਮੂਲ ਦੇ ਮੇਅਰ ਸਾਦਿਕ ਖ਼ਾਨ ਬਾਰੇ ਵਿਵਾਦਤ ਬਿਆਨ ਦੇ ਦਿਤਾ। ਅਪਣੇ ਟਵੀਟ ਵਿਚ ਟਰੰਪ ਨੇ ਸਾਦਿਕ ਖ਼ਾਨ ਨੂੰ ਮਾੜਾ ਕਰਾਰ ਦਿਤਾ।  ਟਰੰਪ ਅਤੇ ਉਨ੍ਹਾਂ ਦਾ ਪਰਵਾਰ ਇੰਗਲੈਂਡ ਦੀ ਮਹਾਰਾਣੀ ਐਲੀਜ਼ਾਬੇਥ ਦਾ ਵਿਸ਼ੇਸ਼ ਮਹਿਮਾਨ ਬਣ ਕੇ ਤਿੰਨ ਦਿਨ ਦੀ ਯਾਤਰਾ 'ਤੇ ਇੰਗਲੈਂਡ ਆਏ ਹਨ। ਇੰਗਲੈਂਡ ਆਉਣ ਤੋਂ ਤੁਰਤ ਬਾਅਦ ਹੀ ਟਵੀਟ ਕਰ ਕੇ ਟਰੰਪ ਨੇ ਲੰਦਨ ਦੇ ਮੇਅਰ 'ਤੇ ਨਿਸ਼ਾਨਾ ਲਾਇਆ। ਟਰੰਪ ਨੇ ਸਾਦਿਕ ਖ਼ਾਨ ਨੂੰ ਮਾੜਾ ਕਰਾਰ ਦਿਤਾ। ਟਰੰਪ ਅਤੇ ਸਾਦਿਕ ਖ਼ਾਨ ਵਿਚਾਲੇ ਪਹਿਲਾਂ ਵੀ ਵਿਵਾਦ ਸਾਹਮਣੇ ਆਉਂਦਾ ਰਿਹਾ ਹੈ। 

Sadiq KhanSadiq Khanਅਪਣੇ ਟਵੀਟ ਵਿਚ ਟਰੰਪ ਨੇ ਲਿਖਿਆ ਕਿ ਲੰਦਨ ਦੇ ਮੇਅਰ ਦੇ ਤੌਰ 'ਤੇ ਬਹੁਤ ਖ਼ਰਾਬ ਕੰਮ ਕਰਨ ਵਾਲੇ ਸਾਦਿਕ ਬਰਤਾਨੀਆ ਦਾ ਯਾਤਰਾ 'ਤੇ ਆਉਣ ਵਾਲੇ ਅਮਰੀਕੀ ਰਾਸ਼ਟਰਪਤੀ ਨੂੰ ਲੈ ਕੇ ਮਾੜਾ ਪ੍ਰਚਾਰ ਕਰ ਰਹੇ ਹਨ। ਸਾਦਿਕ ਅਸਫ਼ਲ ਵਿਅਕਤੀ ਹਨ, ਸਾਦਿਕ ਨੂੰ ਲੰਦਨ ਵਿਚ ਅਪਰਾਧਾਂ 'ਤੇ ਧਿਆਨ ਦੇਣਾ ਚਾਹੀਦਾ ਹੈ ਨਾ ਕਿ ਉਨ੍ਹਾਂ 'ਤੇ। ਟਰੰਪ ਨੇ 48 ਸਾਲਾ ਸਾਦਿਕ ਦੀ ਤੁਲਨਾ ਨਿਊਯਾਰਕ ਦੇ ਮੇਅਰ ਬਲਾਸਿਓ ਨਾਲ ਕਰਦਿਆਂ ਕਿਹਾ ਕਿ ਉਨ੍ਹਾਂ ਵੀ ਅਜਿਹਾ ਹੀ ਖ਼ਰਾਬ ਕੰਮ ਕੀਤਾ ਹੈ। ਸਾਦਿਕ ਖ਼ਾਨ ਨੇ ਹਾਲ ਹੀ ਵਿਚ ਟਰੰਪ ਨੂੰ ਫਾਸੀਵਾਦੀ ਅਤੇ ਵੰਡ ਪਾਉਣ ਵਾਲਾ ਵਿਅਕਤੀ ਕਿਹਾ ਸੀ। ਉਨ੍ਹਾਂ ਕਿਹਾ ਸੀ ਕਿ ਟਰੰਪ ਦਾ ਬਰਤਾਨੀਆ ਵਿਚ ਸ਼ਾਨਦਾਰ ਸਵਾਗਤ ਨਹੀਂ ਹੋਣਾ ਚਾਹੀਦਾ।

Donald TrumpDonald Trump

ਟਰੰਪ ਦੀ ਯਾਤਰਾ ਦੌਰਾਨ ਲੰਦਨ, ਮੈਨਚੈਸਟਰ, ਬੇਲਫ਼ਾਸਟ ਅਤੇ ਬਰਮਿੰਘਮ ਸਮੇਤ ਪੂਰੇ ਬਰਤਾਨੀਆ ਵਿਚ ਵਿਰੋਧ ਪ੍ਰਦਰਸ਼ਨ ਹੋਣ ਦੀ ਸੰਭਾਵਨਾ ਹੈ। ਇਸ ਵਾਰ ਵੀ ਲੰਦਨ ਦੇ ਅਸਮਾਨ ਵਿਚ ਟਰੰਪ ਨੂੰ ਬੱਚੇ ਦੀ ਤਰ੍ਹਾਂ ਦਰਸਾਉਣ ਵਾਲਾ ਗੁਬਾਰਾ ਉਡਦਾ ਹੋਇਆ ਵੇਖਿਆ ਜਾ ਸਕਦਾ ਹੈ ਜਿਸ ਤਰ੍ਹਾਂ ਸਾਲ 2018 ਵਿਚ ਉਨ੍ਹਾਂ ਦੀ ਪਿਛਲੀ ਬਰਤਾਨੀਆ ਯਾਤਰਾ ਦੌਰਾਨ ਵੇਖਿਆ ਗਿਆ ਸੀ।

Donald TrumpDonald Trump

ਟਰੰਪ ਨੇ ਇਸ ਯਾਤਰਾ ਤੋਂ ਕੁੱਝ ਦਿਨ ਬਾਅਦ ਬਰਤਾਨੀਆ ਦੀ ਪ੍ਰਧਾਨ ਮੰਤਰੀ ਥੈਰੇਸਾ ਮੇਅ ਅਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਸਕਦੀ ਹੈ। ਇਸ ਤੋਂ ਪਹਿਲਾਂ ਸਿਰਫ਼ ਜਾਰਜ ਡਬਲਯੂ ਬੁਸ਼ ਅਤੇ ਬਰਾਕ ਓਬਾਮਾ ਨੇ ਬਰਤਾਨੀਆ ਦੀ ਸਰਕਾਰੀ ਯਾਤਰਾ ਕੀਤੀ ਸੀ। ਇਹ ਯਾਤਰਾ ਆਮਤੌਰ 'ਤੇ ਮਹਾਰਾਣੀ ਦੇ ਕੰਟਰੋਲ ਵਿਚ ਹੁੰਦੀ ਅਤੇ ਅਧਿਕਾਰਕ ਯਾਤਰਾਵਾਂ ਤੋਂ ਵੱਖ ਹੁੰਦੀ ਹੈ।

Advertisement