ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ ਅਤਿਵਾਦੀਆਂ ਅਤੇ ਅਤਿਵਾਦੀ ਸੰਗਠਨਾਂ ਦੀ ਸਾਂਝੀ ਸੂਚੀ ਜਾਰੀ ਕੀਤੀ ਹੈ, ਜਿਸ ਵਿਚ 139 ਨਾਮ ਪਾਕਿਸਤਾਨ ਤੋਂ ਹਨ

ਵਾਸ਼ਿੰਗਟਨ : ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ ਅਤਿਵਾਦੀਆਂ ਅਤੇ ਅਤਿਵਾਦੀ ਸੰਗਠਨਾਂ ਦੀ ਸਾਂਝੀ ਸੂਚੀ ਜਾਰੀ ਕੀਤੀ ਹੈ, ਜਿਸ ਵਿਚ 139 ਨਾਮ ਪਾਕਿਸਤਾਨ ਤੋਂ ਹਨ। ਇਸ ਨਵੀਂ ਸੂਚੀ ਵਿਚ ਮੁੰਬਈ ਹਮਲਿਆਂ ਦੇ ਮਾਸਟਰ ਮਾਈਂਡ ਹਾਫਿ਼ਜ਼ ਸਈਦ ਅਤੇ ਭਾਰਤ ਵਿਚ ਕਈ ਮਾਮਲਿਆਂ ਨੂੰ ਲੈ ਕੇ ਲੋੜੀਂਦੇ ਅੰਡਰਵਰਲਡ ਡੌਨ ਦਾਊਦ ਇਬਰਾਹੀਮ ਦਾ ਨਾਮ ਵੀ ਸ਼ਾਮਲ ਕੀਤਾ ਗਿਆ ਹੈ।

After US Now UN Designates Hafiz Saeed in Terror List

ਇਕ ਅਖ਼ਬਾਰ ਦੀ ਖ਼ਬਰ ਮੁਤਾਬਕ ਸੂਚੀ ਵਿਚ ਉਨ੍ਹਾਂ ਸਾਰਿਆਂ ਦੇ ਨਾਮ ਹਨ ਜੋ ਪਾਕਿਸਤਾਨ ਵਿਚ ਰਹਿ ਰਹੇ ਹਨ, ਉਥੋਂ ਅਪਣੇ ਸੰਗਠਨ ਚਲਾ ਰਹੇ ਹਨ ਜਾਂ ਫਿਰ ਅਜਿਹੇ ਸੰਗਠਨਾਂ ਨਾਲ ਜੁੜੇ ਹੋਏ ਹਨ ਜੋ ਅਤਿਵਾਦੀ ਗਤੀਵਿਧੀਆਂ ਨੂੰ ਅੰਜ਼ਾਮ ਦੇਣ ਲਈ ਪਾਕਿਸਤਾਨੀ ਧਰਤੀ ਦੀ ਵਰਤੋਂ ਕਰਦੇ ਹਨ। 

After US Now UN Designates Hafiz Saeed in Terror List

ਸੂਚੀ ਵਿਚ ਪਹਿਲਾ ਨਾਮ ਆਇਮਨ ਅਲ-ਜਵਾਹਿਰੀ ਦਾ ਹੈ, ਜਿਸ ਨੂੰ ਅਲਕਾਇਦਾ ਦੇ ਸਰਗਨਾ ਓਸਾਮਾ ਬਿਨ ਲਾਦੇਨ ਦਾ ਉਤਰਾਧਿਕਾਰੀ ਮੰਨਿਆ ਜਾਂਦਾ ਹੈ। ਸੰਯੁਕਤ ਰਾਸ਼ਟਰ ਦਾ ਦਾਅਵਾ ਹੈ ਕਿ ਜਵਾਹਿਰੀ ਅਜੇ ਵੀ ਅਫ਼ਗਾਨਿਸਤਾਨ-ਪਾਕਿਸਤਾਨ ਦੀ ਸਰਹੱਦ ਦੇ ਕੋਲ ਹੀ ਕਿਤੇ ਲੁਕਿਆ ਹੋਇਆ ਹੈ। ਸੂਚੀ ਵਿਚ ਜਵਾਹਿਰੀ ਦੇ ਕੁੱਝ ਸਹਿਯੋਗੀਆਂ ਦਾ ਨਾਮ ਵੀ ਹੈ ਜੋ ਉਸ ਦੇ ਨਾਲ ਹੀ ਲੁਕੇ ਹੋਏ ਹਨ। 

After US Now UN Designates Hafiz Saeed in Terror List

ਸੂਚੀ ਵਿਚ ਇਕ ਦਰਜਨ ਤੋਂ ਜ਼ਿਆਦਾ ਉਨ੍ਹਾਂ ਅਤਿਵਾਦੀਆਂ ਦੇ ਨਾਮ ਹਨ, ਜਿਨ੍ਹਾਂ ਨੂੰ ਪਾਕਿਸਤਾਨ ਵਿਚ ਗ੍ਰਿਫ਼ਤਾਰ ਕਰ ਕੇ ਅਮਰੀਕਾ ਨੂੰ ਸੌਂਪਿਆ ਜਾ ਚੁੱਕਾ ਹੈ। ਸੂਚੀ ਵਿਚ ਅੰਡਰਵਰਲਡ ਡੌਨ ਦਾਊਦ ਇਬਰਾਹੀਮ ਕਾਸਕਰ ਦਾ ਵੀ ਨਾਮ ਹੈ। ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਮੁਤਾਬਕ ਦਾਊਦ ਦੇ ਕੋਲ ਕਈ ਨਾਮਾਂ ਤੋਂ ਪਾਕਿਸਤਾਨੀ ਪਾਸਪੋਰਟ ਹਨ ਜੋ ਰਾਵਲਪਿੰਡੀ ਅਤੇ ਕਰਾਚੀ ਤੋਂ ਜਾਰੀ ਕੀਤੇ ਗਏ ਹਨ। 

After US Now UN Designates Hafiz Saeed in Terror List

ਯੂਐਨ ਦਾ ਦਾਅਵਾ ਹੈ ਕਿ ਦਾਊਦ ਦਾ ਕਰਾਚੀ ਦੇ ਨੂਰਾਬਾਦ ਇਲਾਕੇ ਦੇ ਪਹਾੜੀ ਖੇਤਰ ਵਿਚ ਰਾਜਸੀ ਠਾਠ-ਬਾਠ ਵਾਲਾ ਬੰਗਲਾ ਹੈ। ਲਸ਼ਕਰ ਸਰਗਨਾ ਹਾਫਿ਼ਜ਼ ਸਈਦ ਦਾ ਨਾਮ ਸੂਚੀ ਵਿਚ ਅਜਿਹੇ ਅਤਿਵਾਦੀ ਦੇ ਤੌਰ 'ਤੇ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਨੂੰ ਕਈ ਅਤਿਵਾਦੀ ਵਾਰਦਾਤਾਂ ਵਿਚ ਸ਼ਾਮਲ ਹੋਣ ਦੀ ਵਜ੍ਹਾ ਨਾਲ ਇੰਟਰਪੋਲ ਭਾਲ ਰਿਹਾ ਹੈ।

After US Now UN Designates Hafiz Saeed in Terror List

ਲਸ਼ਕਰ ਦੇ ਮੀਡੀਆ ਇੰਚਾਰਜ ਅਤੇ ਹਾਫਿ਼ਜ਼ ਦੇ ਸਹਿਯੋਗੀ ਅਬਦੁਲ ਸਲਾਮ ਅਤੇ ਜ਼ਫ਼ਰ ਇਕਬਾਲ ਨੂੰ ਵੀ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਹਾਫਿ਼ਜ਼ ਵਾਂਗ ਹੀ ਇੰਟਰਪੋਲ ਨੂੰ ਇਨ੍ਹਾਂ ਸਾਰਿਆਂ ਦੀ ਤਲਾਸ਼ ਹੈ।