ਦੁਬਈ : ਭਾਰਤ ਦੇ ਕੇਰਲ ਰਾਜ ਦੇ 11 ਮਹੀਨੇ ਦੇ ਬੱਚੇ ਮੁਹੰਮਦ ਸਾਲਾਹ ਨੇ ਦੁਬਈ ਡਿਊਟੀ ਫ੍ਰੀ (446) ਰਫਲ ਵਿਚ 1 ਮਿਲੀਅਨ ਡਾਲਰ ਜਿੱਤੇ ਹਨ। ਇਸ ਜਿੱਤ ਨਾਲ ਸਾਲਾਹ ਦਾ ਨਾਮ ਡੀ.ਡੀ.ਐੱਫ ਵਿਚ ਮਿਲੇਨੀਅਮ ਕਰੋੜਪਤੀਆਂ ਦੀ ਲੰਬੀ ਸੂਚੀ ਵਿਚ ਸ਼ਾਮਲ ਹੋ ਗਿਆ ਹੈ। ਸਾਲਾਹ 13 ਫ਼ਰਵਰੀ ਨੂੰ ਇਕ ਸਾਲ ਦਾ ਹੋ ਜਾਵੇਗਾ।
Photo
ਮੰਗਲਵਾਰ ਨੂੰ ਬੇਬੀ ਸਾਲਾਹ ਦੇ ਪਿਤਾ ਰਮੀਜ਼ ਰਹਿਮਾਨ ਨੇ ਕਿਹਾ ਕਿ ਮੈਂ ਅਪਣੇ ਬੇਟੇ ਦੇ ਨਾਮ 'ਤੇ ਟਿਕਟ ਖਰੀਦਿਆ ਸੀ। ਉਹ ਬਹੁਤ ਖੁਸ਼ਕਿਸਮਤ ਹੈ। ਇਹ ਬਹੁਤ ਵੱਡੀ ਜਿੱਤ ਹੈ। ਮੈਂ ਹਾਲੇ ਤੈਅ ਨਹੀਂ ਕੀਤਾ ਹੈ ਕਿ ਇਸ ਰਾਸ਼ੀ ਦਾ ਕੀ ਕਰਾਂਗਾ।''
Photo
ਗਲਫ ਨਿਊਜ਼ ਨੇ ਦਸਿਆ,'ਆਬੂ ਧਾਬੀ ਦੇ 6 ਸਾਲ ਤੋਂ ਵਸਨੀਕ ਰਹਿਮਾਨ ਨੇ ਕਿਹਾ ਕਿ ਉਹ ਦੁਬਈ ਡਿਊਟੀ ਫ੍ਰੀ ਪ੍ਰਮੋਸ਼ਨ ਵਿਚ ਇਕ ਸਾਲ ਤੋਂ ਹਿੱਸਾ ਲੈ ਰਹੇ ਹਨ। ਉਹਨਾਂ ਨੇ ਜੇਤੂ ਟਿਕਟ ਨੰਬਰ 1319 ਸੀਰੀਜ਼ 323 ਵਿਚ ਖਰੀਦਿਆ ਸੀ।''
Photo
ਰਹਿਮਾਨ ਨੇ ਕਿਹਾ,''ਮੈਂ ਆਸਵੰਦ ਹਾਂ ਕਿ ਮੇਰਾ ਬੇਟੇ ਦਾ ਭਵਿੱਖ ਸੁਨਹਿਰਾ ਹੈ। ਉਸ ਦੀ ਜ਼ਿੰਦਗੀ ਸਕਰਾਤਮਕ ਮੋੜ ਤੋਂ ਸ਼ੁਰੂ ਹੋਈ ਹੈ। ਮੈਂ ਬਹੁਤ ਖੁਸ਼ੀ ਮਹਿਸੂਸ ਕਰਦਾ ਹਾਂ ਅਤੇ ਅਪਣੀ ਜ਼ਿੰਦਗੀ ਦੇ ਇਸ ਆਨੰਦ ਭਰੇ ਪਲ ਲਈ ਸਿਤਾਰਿਆਂ ਦਾ ਧੰਨਵਾਦੀ ਹਾਂ।''
Photo
ਡੀ.ਡੀ.ਐੱਫ. ਦੇ ਹੋਰ ਜੇਤੂਆਂ ਵਿਚ 33 ਸਾਲਾ ਅਤਾਰਜ਼ਾਦੇਹ ਸਨ, ਜੋ ਦੁਬਾਈ ਤੋਂ ਈਰਾਨੀ ਪ੍ਰਵਾਸੀ ਸਨ। ਉਹਨਾਂ ਨੇ ਸੀਰੀਜ਼ 1745 ਵਿਚ ਮਰਸੀਡੀਜ਼ ਬੈਂਜ਼ ਐੱਸ. 560 ਜਿੱਤੀ ਸੀ। ਉਹਨਾਂ ਦਾ ਜੇਤੂ ਟਿਕਟ ਨੰਬਰ 0773 ਹੈ। ਉਹ ਇਕ ਕਾਰੋਬਾਰੀ ਹਨ ਜੋ ਅਪਣੇ ਭਰਾ ਦੇ ਨਾਲ ਪਰਵਾਰਕ ਕਾਰੋਬਾਰ ਕਰਦੀ ਹੈ।
Photo
ਅਤਾਰਜ਼ਾਦੇਹ ਨੇ ਕਿਹਾ ਕਿ ਜਦੋਂ ਵੀ ਉਹ ਯਾਤਰਾ ਕਰਦੀ ਹੈ ਉਹ ਨਿਯਮਿਤ ਰੂਪ ਨਾਲ ਦੁਬਈ ਡਿਊਟੀ ਫ੍ਰੀ ਦੇ ਪ੍ਰਚਾਰ ਦਾ ਟਿਕਟ ਖਰੀਦਦੀ ਹੈ। ਉਹ ਅਪਣੀ ਜਿੱਤ ਲਈ ਬਹੁਤ ਧੰਨਵਾਦੀ ਹੈ।
