ਆਸਟ੍ਰੇਲੀਆ ਵਿਚ ਇਕ ਨਵੇਂ ਅਧਿਐਨ ਵਿਚ ਪਤਾ ਚਲਿਆ ਹੈ ਕਿ ਦੇਸ਼ ਵਿਚ ਮਨੁੱਖ ਘੱਟ ਤੋਂ ਘੱਟ 65,000 ਸਾਲ ਪਹਿਲਾਂ ਵਸੇ ਸੀ, ਜਦਕਿ ਹੁਣ ਤਕ ਇਹੀ ਪਤਾ ਸੀ ਕਿ ਦੇਸ਼ ਦਾ ਆਧੁਨਿਕ

ਸਿਡਨੀ, 20 ਜੁਲਾਈ : ਆਸਟ੍ਰੇਲੀਆ ਵਿਚ ਇਕ ਨਵੇਂ ਅਧਿਐਨ ਵਿਚ ਪਤਾ ਚਲਿਆ ਹੈ ਕਿ ਦੇਸ਼ ਵਿਚ ਮਨੁੱਖ ਘੱਟ ਤੋਂ ਘੱਟ 65,000 ਸਾਲ ਪਹਿਲਾਂ ਵਸੇ ਸੀ, ਜਦਕਿ ਹੁਣ ਤਕ ਇਹੀ ਪਤਾ ਸੀ ਕਿ ਦੇਸ਼ ਦਾ ਆਧੁਨਿਕ ਮਨੁੱਖ ਅਫ਼ਰੀਕਾ ਤੋਂ ਆਇਆ ਸੀ।
ਆਸਟ੍ਰੇਲੀਆ ਦੇ ਉੱਤਰੀ ਟੇਰੀਟਰੀ ਦੇ ਕਾਕਾਡੂ ਵਿਚ ਜਬਿਲੁਕਾ ਮਾਈਨਿੰਗ ਪੱਟੀਆਂ ਦੇ ਅੰਦਰ ਬਲੁਆ ਪੱਥਰ ਦੇ ਸਹਾਰੇ ਦੇ ਥੱਲ੍ਹੇ ਬਣੇ ਪੁਰਾਣੇ ਡੇਰੇ ਸਥਲ ਵਿਚ ਕਈ ਸਾਲ ਦੀ ਪੁਰਾਤਤਵ ਖੁਦਾਈ ਮਗਰੋਂ ਦੁਨੀਆ ਦੀ ਇਸ ਪਹਿਲੀ ਖੋਜ ਵਿਚ ਇਹ ਵੀ ਪਤਾ ਚਲਿਆ ਇਕ ਇਹ ਮਨੁੱਖੀ ਬਸਤੀ ਅਪਣੇ ਸਮੇਂ ਵਿਚ ਕੁਸ਼ਲ ਉਪਕਰਨ ਨਿਰਮਾਤਾ ਸੀ।
'ਸਿਡਨੀ ਮੋਰਨਿੰਗ ਹੇਰਾਲਡ' ਦੀ ਰੀਪੋਰਟ ਮੁਤਾਬਕ ਪੁਰਾਤਤਵ ਵਿਭਾਗ ਦੀ ਇਕ ਟੀਮ ਨੇ ਇਹ ਸਿੱਧ ਕੀਤਾ ਹੈ ਕਿ ਆਸਟ੍ਰੇਲੀਆ ਦੇ ਮੂਲ ਨਿਵਾਸੀ ਘੱਟੋ-ਘੱਟ 65,000 ਸਾਲ ਪਹਿਲਾਂ ਤੋਂ ਰਹਿ ਰਹੇ ਹਨ। ਸੋਧ ਦੇ ਨਤੀਜੇ ਪਹਿਲਾਂ ਹੀ ਦੁਨੀਆਂ ਭਰ ਦੇ ਪੁਰਾਤਤਵ ਮੰਡਲ ਵਿਚ ਡੂੰਘੀ ਦਿਲਚਸਪੀ ਜਗਾ ਚੁਕੇ ਹਨ ਅਤੇ ਅੰਤਰਰਾਸ਼ਟਰੀ ਮਾਨਤਾ ਪ੍ਰਾਪਤ ਵਿਗਿਆਨੀਆਂ ਨੇ ਵੀ ਇਸ ਦੀ ਸਮੀਖਿਆ ਕੀਤੀ ਹੈ। ਇਸੇ ਹਫ਼ਤੇ ਇਹ ਨਤੀਜਾ ਦੁਨੀਆਂ ਦੀ ਸਭ ਤੋਂ ਪ੍ਰਸਿੱਧ ਪੱਤ੍ਰਿਕਾ 'ਨੇਚਰ' ਵਿਚ ਪ੍ਰਕਾਸ਼ਤ ਹੋਇਆ ਹੈ।
ਇਨ੍ਹਾਂ ਖੋਜਾਂ ਵਿਚ ਪੱਥਰ ਤੋਂ ਬਣੀ ਦੁਨੀਆਂ ਦੀ ਸਭ ਤੋਂ ਪੁਰਾਣੀ ਬਹੁਤ ਤਿੱਖੀ ਅਤੇ ਧਾਰਦਾਰ 'ਕੁਹਾੜੀ' ਸ਼ਾਮਲ ਹੈ ਜੋ ਇਹ ਸਿੱਧ ਕਰਦੀ ਹੈ ਕਿ ਪੁਰਾਣੇ ਆਸਟ੍ਰੇਲੀਆ ਵਾਸੀ ਅਪਣੇ ਸਮੇਂ ਵਿਚ ਕੁਸ਼ਲ ਉਪਕਰਨ ਨਿਰਮਾਤਾ ਸਨ। ਅਗਲੇ 20,000 ਸਾਲ ਬਾਅਦ ਵੀ ਕਿਸੇ ਸੰਸਕ੍ਰਿਤੀ ਕੋਲ ਅਜਿਹੀ ਕੁਹਾੜੀ ਨਹੀਂ ਸੀ। ਅੰਤਰਰਾਸ਼ਟਰੀ ਟੀਮ ਦੇ ਨੇਤਾ ਯੂਨੀਵਰਸਟੀ ਆਫ਼ ਕਵੀਸਲੈਂਡ ਦੇ ਸਹਾਇਕ ਪ੍ਰੋਫੈਸਰ ਕ੍ਰਿਸ ਕਲਾਰਕਸਨ ਨੇ ਮੀਡੀਆ ਨੂੰ ਦਸਿਆ, ''ਇਹ ਕੁਹਾੜੀ ਬਹੁਤ ਚੰਗੇ ਤਰੀਕੇ ਨਾਲ ਸੁਰੱਖਿਅਤ ਕੀਤੀ ਗਈ ਸੀ।'' (ਪੀਟੀਆਈ)