Beijing News : ਕਿਹਾ, ਭਾਰਤ ਦਾ ਨਵਾਂ ਉੱਚ ਤਾਕਤ ਲੇਜ਼ਰ ਹਥਿਆਰ ‘ਮਹੱਤਵਪੂਰਨ ਤਰੱਕੀ’ ਹੈ
Beijing News in Punjabi : ਭਾਰਤ ਵਲੋਂ ਏਕੀਕ੍ਰਿਤ ਹਵਾਈ ਸੁਰੱਖਿਆ ਹਥਿਆਰ ਸਿਸਟਮ (ਆਈ.ਏ.ਡੀ.ਡਬਲਿਊ.ਐੱਸ.) ਦੀ ਸਫਲ ਪਰਖ ਦੀ ਚੀਨ ਦੇ ਇਕ ਫੌਜੀ ਮਾਹਰ ਨੇ ਸ਼ਲਾਘਾ ਕੀਤੀ ਹੈ ਅਤੇ ਕਿਹਾ ਹੈ ਕਿ ਇਸ ਨੂੰ ਇਕ ਮਹੱਤਵਪੂਰਨ ਤਰੱਕੀ ਮੰਨਿਆ ਜਾਣਾ ਚਾਹੀਦਾ ਹੈ।
ਆਈ.ਏ.ਡੀ.ਡਬਲਯੂ.ਐਸ. ਇਕ ਬਹੁ-ਪੱਧਰੀ ਹਵਾਈ ਰੱਖਿਆ ਪ੍ਰਣਾਲੀ ਹੈ ਜਿਸ ਵਿਚ ਸਵਦੇਸ਼ੀ ਤੁਰਤ ਪ੍ਰਤੀਕਿਰਿਆ ਜ਼ਮੀਨ ਤੋਂ ਹਵਾ ਵਿਚ ਮਾਰ ਕਰਨ ਵਾਲੀਆਂ ਮਿਜ਼ਾਈਲਾਂ (ਕਿਊ.ਆਰ.ਐਸ.ਏ.ਐਮ.), ਬਹੁਤ ਘੱਟ ਦੂਰੀ ਦੀ ਹਵਾਈ ਰੱਖਿਆ ਪ੍ਰਣਾਲੀ (ਵੀ.ਐਸ.ਓ.ਆਰ.ਏ.ਡੀ.ਐਸ.) ਮਿਜ਼ਾਈਲਾਂ ਅਤੇ ਇਕ ਉੱਚ ਸ਼ਕਤੀ ਵਾਲੀ ਲੇਜ਼ਰ-ਅਧਾਰਤ ਨਿਰਦੇਸ਼ਿਤ-ਊਰਜਾ ਹਥਿਆਰ (ਡੀ.ਈ.ਡਬਲਯੂ.) ਪ੍ਰਣਾਲੀ ਸ਼ਾਮਲ ਹੈ। ਸਵਦੇਸ਼ੀ ਹਵਾਈ ਰੱਖਿਆ ਪ੍ਰਣਾਲੀ ਦਾ ਸਨਿਚਰਵਾਰ ਨੂੰ ਓਡੀਸ਼ਾ ਦੇ ਤੱਟ ਉਤੇ ਉਡਾਣ ਪ੍ਰੀਖਣ ਕੀਤਾ ਗਿਆ ਸੀ।
ਆਈ.ਏ.ਡੀ.ਡਬਲਯੂ.ਐਸ., ਖਾਸ ਕਰ ਕੇ ਡੀ.ਈ.ਡਬਲਯੂ. ਅਮਰੀਕਾ, ਰੂਸ, ਚੀਨ, ਬਰਤਾਨੀਆਂ, ਜਰਮਨੀ ਅਤੇ ਇਜ਼ਰਾਈਲ ਵਰਗੇ ਕੁੱਝ ਦੇਸ਼ ਕੋਲ ਹੀ ਹੈ, ਜਿਸ ਨੇ ਚੀਨੀ ਮਾਹਰਾਂ ਦਾ ਧਿਆਨ ਖਿੱਚਿਆ।
ਬੀਜਿੰਗ ਸਥਿਤ ਏਰੋਸਪੇਸ ਨੋਲੇਜ ਮੈਗਜ਼ੀਨ ਦੇ ਮੁੱਖ ਸੰਪਾਦਕ ਵਾਂਗ ਯਾਨਾਨ ਨੇ ਚੀਨ ਦੇ ਸਰਕਾਰੀ ਅਖਬਾਰ ਗਲੋਬਲ ਟਾਈਮਜ਼ ਨੂੰ ਦਸਿਆ ਕਿ ਭਾਰਤੀ ਆਈ.ਏ.ਡੀ.ਡਬਲਯੂ.ਐਸ. ਇਕ ਹਵਾਈ ਰੱਖਿਆ ਪ੍ਰਣਾਲੀ ਹੈ ਜੋ ਡਰੋਨ, ਕਰੂਜ਼ ਮਿਜ਼ਾਈਲ, ਹੈਲੀਕਾਪਟਰ ਅਤੇ ਘੱਟ ਉਡਾਣ ਭਰਨ ਵਾਲੇ ਜਹਾਜ਼ਾਂ ਵਰਗੇ ਘੱਟ ਅਤੇ ਮੱਧ ਉਚਾਈ ਵਾਲੇ ਨਿਸ਼ਾਨਿਆਂ ਦਾ ਮੁਕਾਬਲਾ ਕਰਨ ਲਈ ਤਿਆਰ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹੀ ਏਕੀਕ੍ਰਿਤ ਹਵਾਈ ਰੱਖਿਆ ਪ੍ਰਣਾਲੀ ਦੀ ਕੁੰਜੀ ਇਕ ਬਹੁਤ ਪ੍ਰਭਾਵਸ਼ਾਲੀ ਸੂਚਨਾ ਪ੍ਰਣਾਲੀ ਵਿਚ ਹੈ ਜੋ ਹਥਿਆਰਾਂ ਦੇ ਸਬੰਧਤ ਹਿੱਸਿਆਂ ਨੂੰ ਨਿਸ਼ਾਨਾ ਡਾਟਾ ਵੰਡਣ ਦੇ ਸਮਰੱਥ ਹੈ ਜਾਂ ਇਸ ਪ੍ਰਣਾਲੀ ਵਿਚ ਸਿਰਫ ਵੱਖਰੇ ਹਵਾਈ ਰੱਖਿਆ ਹਥਿਆਰ ਸ਼ਾਮਲ ਹੋਣਗੇ ਜੋ ਸੁਤੰਤਰ ਤੌਰ ਉਤੇ ਕੰਮ ਕਰਨਗੇ।
ਵਾਂਗ ਨੇ ਕਿਹਾ ਕਿ ਆਈ.ਏ.ਡੀ.ਡਬਲਯੂ.ਐਸ. ਦੀਆਂ ਤਿੰਨ ਪਰਤਾਂ ਵਿਚੋਂ ਵਾਹਨ ਅਧਾਰਤ ਹਵਾਈ ਰੱਖਿਆ ਮਿਜ਼ਾਈਲ ਕਿਊ.ਆਰ.ਐਸ.ਏ.ਐਮ. ਅਤੇ ਮੈਨ-ਪੋਰਟੇਬਲ ਏਅਰ ਡਿਫੈਂਸ ਸਿਸਟਮ ਵੀ.ਐਸ.ਓ.ਆਰ.ਏ.ਡੀ. ਤਕਨੀਕੀ ਤੌਰ ਉਤੇ ਨਵੇਂ ਨਹੀਂ ਹਨ, ਪਰ ਲੇਜ਼ਰ ਪ੍ਰਣਾਲੀ ਨੂੰ ਅਸਲ ਵਿਚ ਇਕ ਮਹੱਤਵਪੂਰਣ ਤਰੱਕੀ ਮੰਨਿਆ ਜਾਣਾ ਚਾਹੀਦਾ ਹੈ।
ਚੀਨੀ ਮਾਹਰਾਂ ਦੀਆਂ ਟਿਪਣੀਆਂ ਨੂੰ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਪੀਪਲਜ਼ ਲਿਬਰੇਸ਼ਨ ਆਰਮੀ, ਜੋ ਇਸ ਦੀ ਵਰਤੋਂ ਲਈ ਆਧੁਨਿਕ ਹਥਿਆਰਾਂ ਵਿਚ ਭਾਰੀ ਨਿਵੇਸ਼ ਕਰ ਰਹੀ ਹੈ, ਪਾਕਿਸਤਾਨ ਨੂੰ ਮਹੱਤਵਪੂਰਣ ਮਾਤਰਾ ਵਿਚ ਹਥਿਆਰ ਵੀ ਪ੍ਰਦਾਨ ਕਰਦੀ ਹੈ।
(For more news apart from Chinese military expert praises India's new weapon News in Punjabi, stay tuned to Rozana Spokesman)
