ਅੱਠ ਸਾਲ ਦੇ ਬੱਚੇ ਨੇ ਸ਼ੁਰੂ ਕੀਤਾ ਕਾਰੋਬਾਰ, 11 ਲੱਖ ਰੁਪਏ ਸਾਲਾਨਾ ਕਮਾਏਗਾ
Published : Jul 20, 2017, 5:19 am IST
Updated : Apr 5, 2018, 5:54 pm IST
SHARE ARTICLE
Child
Child

ਬ੍ਰਿਟੇਨ ਦੇ ਟੇਮਵਰਥ 'ਚ ਰਹਿਣ ਵਾਲਾ 8 ਸਾਲਾ ਬੱਚਾ ਜੇਮਜ਼ ਯਾਟ ਅੱਜ-ਕੱਲ ਸੁਰਖੀਆਂ 'ਚ ਹੈ। ਇਸ ਦਾ ਕਾਰਨ ਹੈ ਇਸ ਦੀ ਖਾਸੀਅਤ ਹੈ, ਕਿਉਂਕਿ ਉਹ ਅਪਣੀ ਇਕ ਖਾਸ ਵਪਾਰਕ ਯੋਜਨਾ

 

ਲੰਦਨ, 19 ਜੁਲਾਈ (ਹਰਜੀਤ ਸਿੰਘ ਵਿਰਕ) : ਬ੍ਰਿਟੇਨ ਦੇ ਟੇਮਵਰਥ 'ਚ ਰਹਿਣ ਵਾਲਾ 8 ਸਾਲਾ ਬੱਚਾ ਜੇਮਜ਼ ਯਾਟ ਅੱਜ-ਕੱਲ ਸੁਰਖੀਆਂ 'ਚ ਹੈ। ਇਸ ਦਾ ਕਾਰਨ ਹੈ ਇਸ ਦੀ ਖਾਸੀਅਤ ਹੈ, ਕਿਉਂਕਿ ਉਹ ਅਪਣੀ ਇਕ ਖਾਸ ਵਪਾਰਕ ਯੋਜਨਾ ਦੇ ਦਮ 'ਤੇ 11 ਲੱਖ ਰੁਪਏ ਸਲਾਨਾ ਕਮਾਈ ਕਰਨ ਜਾ ਰਿਹਾ ਹੈ।
ਜੂਨੀਅਰ ਜੇਮਜ਼ ਨੇ ਅਪਣੀ ਮਾਂ ਨਾਲ ਮਿਲ ਕੇ ਆਂਡੇ ਵੇਚਣ ਦਾ ਕੰਮ ਸ਼ੁਰੂ ਕੀਤਾ ਹੈ। ਇਸ ਸਰਵਿਸ ਦਾ ਨਾਂ 'ਮਿਸਟਰ ਫ੍ਰੀ ਰੇਂਜ ਐਗਜ਼ ਡਿਲਵਰੀ ਸਰਵਿਸ' ਰੱਖਿਆ ਗਿਆ ਹੈ। ਇਸ ਨੂੰ ਲੋਕਾਂ ਦਾ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਜੇਮਜ਼ ਨੇ ਟੀ.ਵੀ. 'ਤੇ ਇਕ ਵਪਾਰੀ ਨੂੰ ਸਫ਼ਲਤਾ ਪ੍ਰਾਪਤ ਕਰਦੇ ਵੇਖ ਖੁਦ ਵੀ ਕੁੱਝ ਕਰਨ ਬਾਰੇ ਮਨ ਬਣਾ ਲਿਆ। ਕਿਸੇ ਦੀ ਵੀ ਆਰਥਕ ਮਦਦ ਤੋਂ ਬਗੈਰ ਅਤੇ ਮਾਰਗਦਰਸ਼ਨ ਦੇ ਜੇਮਜ਼ ਨੇ ਖੁਦ ਹੀ ਅਪਣਾ ਵਪਾਰ ਵਧਾਉਣ ਲਈ ਕੰਮ ਸ਼ੁਰੂ ਕਰ ਦਿਤਾ। ਬਾਅਦ 'ਚ ਜੇਮਜ਼ ਨੂੰ ਅਪਣੀ ਮਾਂ ਦਾ ਵੀ ਸਾਥ ਮਿਲਿਆ।
ਮਾਂ-ਪੁੱਤ ਹੁਣ ਇਕੱਠੇ ਜਾ ਕੇ ਥੋਕ 'ਚ ਕਿਸਾਨਾਂ ਅਤੇ ਫਾਰਮ ਤਕ ਜਾ ਕੇ ਆਂਡੇ ਖ਼ਰੀਦਦੇ ਹਨ। ਉਹ ਆਂਡਿਆਂ ਨੂੰ ਪੈਕ ਕਰ ਕੇ ਅਤੇ ਅਪਣੇ 35 ਗਾਹਕਾਂ ਨੂੰ ਵੇਚਦੇ ਹਨ ਅਤੇ ਉਨ੍ਹਾਂ ਦਾ ਇਹ ਵਪਾਰ ਵਧੀਆ ਚੱਲ ਰਿਹਾ ਹੈ। ਜੇਮਜ਼ ਨੂੰ ਇਸ ਕਾਰੋਬਾਰ 'ਚ ਅਪਣੀ ਮਾਂ ਦਾ ਸਾਥ ਕਾਫੀ ਦੇਰ ਬਾਅਦ ਮਿਲਿਆ। ਪਹਿਲੀ ਖਰੀਦਦਾਰੀ ਉਸ ਨੇ ਅਪਣੇ ਜੇਬ ਖ਼ਰਚੇ ਦੇ ਬਚੇ 850 ਰੁਪਏ ਨਾਲ ਕੀਤੀ। ਇਸ ਸਮੇਂ ਉਹ 21 ਹਜ਼ਾਰ ਦੀ ਖ਼ਰੀਦਦਾਰੀ ਕਰ ਰਿਹਾ ਹੈ ਅਤੇ ਮੰਗ ਵੱਧਦੀ ਜਾ ਰਹੀ ਹੈ।
ਵਪਾਰੀਆਂ ਮੁਤਾਬਕ ਉਨ੍ਹਾਂ ਦਾ ਕਾਰੋਬਾਰ ਜਿਸ ਤਰ੍ਹਾਂ ਵੱਧ ਰਿਹਾ ਹੈ ਇਹ ਲੜਕਾ ਆਸਾਨੀ ਨਾਲ 10-11 ਲੱਖ ਰੁਪਏ ਸਾਲ ਭਰ 'ਚ ਕਮਾ ਸਕਦਾ ਹੈ।
ਜੇਮਜ਼ ਨੇ ਅਪਣੀ ਕੰਪਨੀ ਦਾ ਫੇਸਬੁਕ ਪੇਜ਼ ਵੀ ਬਣਾਇਆ ਹੈ, ਜੋ ਉਸ ਦੀ ਮਾਂ ਜਿਓਰਜਿਨਾ ਦੇ ਨਾਂ ਤੋਂ ਹੈ। ਉਹ ਸੋਸ਼ਲ ਮੀਡੀਆ 'ਤੇ ਵੀ ਪ੍ਰਚਾਰ ਕਰਨ ਦਾ ਕੋਈ ਮੌਕਾ ਨਹੀਂ ਛੱਡਦਾ। ਸਥਾਨਕ ਮੀਡੀਆ ਨੇ ਵੀ ਉਸ ਦੀਆਂ ਸਿਫ਼ਤਾਂ ਕੀਤੀਆਂ ਹਨ। ਇਹ 8 ਸਾਲਾ ਬੱਚਾ ਛੋਟੀ ਲਾਗਤ ਤੋਂ ਵੱਡੀ ਰਕਮ ਤਕ ਦਾ ਵਪਾਰ ਕਰਨ ਦੀ ਵਧੀਆ ਉਦਾਹਰਣ ਹੈ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement