ਸਊਦੀ ਅਰਬ ਵਿਚ ਮਾਰੇ ਗਏ ਪੱਤਰਕਾਰ ਜਮਾਲ ਖਸ਼ੋਗੀ ਦੇ ਮੁੰਡਿਆਂ ਨੇ ਸਊਦੀ ਅਧਿਕਾਰੀਆਂ ਤੋਂ ਅਪਣੇ ਪਿਤਾ ਦੀ ਲਾਸ਼ ਦੀ ਮੰਗ ਕੀਤੀ ਹੈ ਤਾਂ ਜੋਂ ਪਰਵਾਰ ਉੱਚਤ..
ਵਾਸ਼ਿੰਗਟਨ (ਭਾਸ਼ਾ): ਸਊਦੀ ਅਰਬ ਵਿਚ ਮਾਰੇ ਗਏ ਪੱਤਰਕਾਰ ਜਮਾਲ ਖਸ਼ੋਗੀ ਦੇ ਮੁੰਡਿਆਂ ਨੇ ਸਊਦੀ ਅਧਿਕਾਰੀਆਂ ਤੋਂ ਅਪਣੇ ਪਿਤਾ ਦੀ ਲਾਸ਼ ਦੀ ਮੰਗ ਕੀਤੀ ਹੈ ਤਾਂ ਜੋਂ ਪਰਵਾਰ ਉੱਚਤ ਤਰੀਕੇ ਨਾਲ ਉਨ੍ਹਾਂ ਦੀ ਮੌਤ ਦਾ ਸੋਗ ਮਨਾ ਸਕੇ।ਪਰਵਾਰ ਨੇ ਐਤਵਾਰ ਨੂੰ ਪ੍ਰਸਾਰਤ ਅਤੇ 'ਸੀਐਨਐਨ' ਨੂੰ ਦਿਤੇ ਇਕ ਇੰਟਰਵਿਊ ਵਿਚ ਇਹ ਗੱਲ ਕੀਤੀ। ਤੁਰਕੀ ਵਿਚ ਦੋ ਅਕਤੂਬਰ ਨੂੰ ਸਊਦੀ ਅਰਬ ਦੀ ਇਕ ਟੀਮ ਨੇ ਦੇਸ਼ ਦੇ ਵਣਿਜ ਦੂਤਾਵਾਸ ਦੇ ਅੰਦਰ ਖਸ਼ੋਗੀ ਦੀ ਹੱਤਿਆ ਕਰ ਦਿਤੀ ਸੀ । ਤੁਰਕੀ ਦੇ ਰਾਸ਼ਟਰਪਤੀ ਨੇ ਕਿਹਾ ਕਿ ਇਸ ਹੱਤਿਆ ਦਾ ਆਦੇਸ਼ ਸਊਦੀ ਅਰਬ ਸਰਕਾਰ ਦੇ ''ਉੱਚ ਪੱਧਰ'' ਅਧਿਕਾਰੀਆਂ ਨੇ ਦਿਤਾ ਸੀ।
Jamal Khashoggi
ਖਸ਼ੋਗੀ ਦੇ ਪੁੱਤਰ ਅਬਦੁੱਲਾ ਖਸ਼ੋਗੀ ਨੇ ਵਾਸ਼ਿੰਗਟਨ ਵਿਚ ਅਮਰੀਕੀ ਟੈਲੀਵਿਜਨ ਨੈੱਟਵਰਕ ਨੂੰ ਇਟੰਰਵਿਊ ਦੌਰਾਨ ਦੱਸਿਆ ਕਿ ''ਮੈਨੂੰ ਉਂਮੀਦ ਹੈ ਕਿ ਜੋ ਕੁੱਝ ਵੀ ਹੋਇਆ ਉਹ ਉਨ੍ਹਾਂ ਦੇ ਲਈ ਦੁਖਦਾਈ ਨਹੀਂ ਰਿਹਾ ਹੋਣਾ ਜਾਂ ਫਿਰ ਇਹ ਬਹੁਤ ਜਲਦਬਾਜੀ ਵਿਚ ਹੋਇਆ ਹੋਵੇਗਾ ਜਾਂ ਫਿਰ ਉਨ੍ਹਾਂ ਨੂੰ ਸ਼ਾਂਤੀਪੂਰਨ ਮੌਤ ਮਿਲੀ ਹੋਵੇਗੀ।" ਉਨ੍ਹਾਂ ਦੇ ਭਰਾ ਸਾਲੇਹ ਨੇ ਕਿਹਾ ਕਿ ''ਇਸ ਸਮੇਂ ਅਸੀ ਸਿਰਫ ਇਹੀ ਚਾਹੁੰਦੇ ਹਾਂ ਕਿ ਅਸੀ ਉਨ੍ਹਾਂ ਦੇ ਪੂਰੇ ਪਰਵਾਰ ਦੇ ਨਾਲ ਮਦੀਨੇ ਦੇ ਅਲ ਬਾਕੀ ਵਿਚ ਉਨ੍ਹਾਂ ਨੂੰ ਹਵਾਲੇ-ਏ-ਮਿੱਟੀ ਕਰ ਸਕਣ।'' ਉਨ੍ਹਾਂ ਨੇ ਕਿਹਾ , ''ਮੈਂ ਇਸ ਬਾਰੇ ਵਿਚ ਸਊਦੀ ਅਧਿਕਾਰੀਆਂ ਨਾਲ ਗੱਲ ਕੀਤੀ
Jamal Khashoggi
ਅਤੇ ਮੈਨੂੰ ਉਂਮੀਦ ਹੈ ਕਿ ਇਹ ਛੇਤੀ ਹੀ ਹੋ ਜਾਵੇਗਾ।'' ਤੁਰਕੀ ਦੇ ਮੁੱਖ ਵਕੀਲ ਨੇ ਹਾਲ ਵਿਚ ਕਿਹਾ ਸੀ ਕਿ ਖਸ਼ੋਗੀ ਜਿਵੇਂ ਹੀ ਵਣਿਜ ਦੂਤਾਵਾਸ ਦੇ ਅੰਦਰ ਪੁੱਜੇ ਜਿੱਥੇ ਉਨ੍ਹਾਂ ਦਾ ਗਲ ਘੁੱਟ ਦਿਤਾ ਗਿਆ ਅਤੇ ਉਨ੍ਹਾਂ ਨੇ ਇਸ ਗੱਲ ਦੀ ਵੀ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਦੀ ਲਾਸ਼ ਦੇ ਟੁਕੜੇ ਕੀਤੇ ਗਏ ਸਨ।ਤੁਰਕੀ ਦੇ ਰਾਸ਼ਟਰਪਤੀ ਰਜ਼ਬ ਤਇਬ ਐਰਦੋਆਨ ਦੇ ਸਲਾਹਕਾਰ ਯਾਸਿਨ ਆਕਤੇ ਨੇ ਸ਼ੁੱਕਰਵਾਰ ਨੂੰ ਇੱਕ ਲੇਖ ਵਿਚ ਸ਼ੱਕ ਜਾਹਿਰ ਕੀਤਾ ਕਿ ਹੋ ਸਕਦਾ ਹੈ ਕਿ ਉਨ੍ਹਾਂ ਦੀ ਲਾਸ਼ ਨੂੰ ਤੇਜ਼ਾਬ ਵਿਚ ਖਤਮ ਕਰ ਦਿਤਾ ਗਿਆ ਹੋ ।
