ਕਿਹਾ- ਇਸ ਇਨਾਮੀ ਰਾਸ਼ੀ ਨਾਲ ਸ਼ੁਰੂ ਕਰਾਂਗਾ ਨਵਾਂ ਕਾਰੋਬਾਰ
Daily Grand Lottery 'ਚ ਜਿੱਤਿਆ 250 ਹਜ਼ਾਰ ਡਾਲਰ ਦਾ ਇਨਾਮ
ਸਰੀ : ਇੱਕ ਪਾਸੇ ਜਿਥੇ ਕੈਨੇਡਾ ਵਿੱਚ ਬਰਫ਼ੀਲੇ ਤੂਫ਼ਾਨ ਦੇ ਚਲਦੇ ਬਹੁਤ ਸਾਰੇ ਨੌਜਵਾਨਾਂ ਦਾ ਰੁਜ਼ਗਾਰ ਖਤਰੇ ਵਿੱਚ ਹੈ ਉਥੇ ਹੀ ਇੱਕ ਚੰਗੀ ਖ਼ਬਰ ਵੀ ਸਾਹਮਣੇ ਆਈ ਹੈ। ਇਥੇ ਸਰੀ ਦੇ ਰਹਿਣ ਵਾਲੇ ਪਲਵਿੰਦਰ ਸਿੱਧੂ ਦੀ ਖੁਸ਼ੀ ਦਾ ਉਸ ਵੇਲੇ ਕੋਈ ਟਿਕਾਣਾ ਨਹੀਂ ਰਿਹਾ ਜਦੋਂ ਉਸ ਨੂੰ ਪਤਾ ਲੱਗਾ ਕਿ ਉਸ ਦੀ ਢਾਈ ਲੱਖ ਡਾਲਰ ਦੀ ਲਾਟਰੀ ਲੱਗੀ ਹੈ।
ਸਰੀ ਤੋਂ ਪਲਵਿੰਦਰ ਸਿੱਧੂ ਨੇ ਦੱਸਿਆ ਕਿ ਉਸ ਨੂੰ ਪਹਿਲਾਂ ਯਕੀਨ ਨਹੀਂ ਹੋਇਆ ਕਿ ਉਸ ਨੇ ਲਾਟਰੀ ਵਿੱਚ ਇੰਨੀ ਵੱਡੀ ਰਕਮ ਜਿੱਤੀ ਹੈ। ਪਲਵਿੰਦਰ ਨੇ ਸੋਚਿਆ ਕਿ ਇਹ ਢਾਈ ਸੋ ਡਾਲਰ ਹਨ ਪਰ ਜਦੋਂ ਉਸ ਨੂੰ ਅਹਿਸਾਸ ਹੋਇਆ ਕਿ ਇਹ ਉਸ ਦੀ ਸੋਚ ਤੋਂ ਕੀਤੇ ਵੱਧ ਰਕਮ ਹੈ ਤਾਂ ਉਸ ਨੂੰ ਹੈਰਾਨੀ ਦੇ ਨਾਲ ਨਾਲ ਬਹੁਤ ਜ਼ਿਆਦਾ ਖੁਸ਼ੀ ਵੀ ਹੋਈ।
ਦੱਸ ਦੇਈਏ ਕਿ ਪਲਵਿੰਦਰ ਸਿੱਧੂ ਨੇ PlayNow.com 'ਤੇ ਜੇਤੂ ਟਿਕਟ ਖਰੀਦੀ ਅਤੇ 19 ਦਸੰਬਰ ਦੇ ਡਰਾਅ ਤੋਂ ਡੇਲੀ ਗ੍ਰੈਂਡ ਇਨਾਮ ਹਾਸਲ ਕੀਤਾ। ਪਲਵਿੰਦਰ ਦਾ ਕਹਿਣਾ ਹੈ ਕਿ ਉਹ ਇਸ ਇਨਾਮੀ ਰਾਸ਼ੀ ਨਾਲ ਆਪਣੇ ਸੁਫ਼ਨੇ ਪੂਰੇ ਕਰੇਗਾ ਜਿਨ੍ਹਾਂ ਵਿੱਚ ਇੱਕ ਘਰ ਖਰੀਦਣਾ ਸ਼ਾਮਲ ਹੈ ਅਤੇ ਉਹ ਨਵਾਂ ਕਾਰੋਬਾਰ ਵੀ ਸ਼ੁਰੂ ਕਰੇਗਾ।
