ਉਤਰੀ ਕੋਰੀਆ ਦੇ ਤਾਨਾਸ਼ਾਹ ਕਿਮ ਜੋਂਗ ਉਨ ਲਗਭਗ 20 ਦਿਨਾਂ ਤੋਂ ਗਾਇਬ ਸੀ
ਉਤਰੀ ਕੋਰੀਆ ਦੇ ਤਾਨਾਸ਼ਾਹ ਕਿਮ ਜੋਂਗ ਉਨ ਲਗਭਗ 20 ਦਿਨਾਂ ਤੋਂ ਗਾਇਬ ਸੀ ਪਰ ਹੁਣ ਉਹ ਇੱਕ ਰਹੱਸ ਮਈ ਢੰਗ ਨਾਲ ਵਾਪਿਸ ਪਰਤੇ ਹਨ। ਇਨ੍ਹਾਂ 20 ਦਿਨ ਦੇ ਵਿਚ ਵੱਖ-ਵੱਖ ਤਰ੍ਹਾਂ ਦੀਆਂ ਗੱਲਾਂ ਸੁਣਨ ਨੂੰ ਮਿਲੀਆਂ ਕਿ ਉਸ ਦੀ ਮੌਤ ਹੋ ਗਈ, ਬ੍ਰੇਨ ਡੈੱਡ, ਦਿਲ ਦੀ ਸਰਜਰੀ ਦੀ ਅਸਫਲਤਾ। ਪਰ ਹੁਣ ਇਹ ਸਾਹਮਣੇ ਆ ਰਿਹਾ ਹੈ ਕਿ ਆਪਣੀ ਮੌਤ ਨੂੰ ਲੈ ਕੇ ਕਿਮ ਜੋਂਗ ਨੇ ਆਪ ਹੀ ਝੂਠੀਆਂ ਅਫ਼ਵਾਹਾਂ ਫੈਲਾਈਆਂ ਸਨ।
Kim Jong Un
ਕਿਹਾ ਜਾ ਰਿਹਾ ਹੈ ਕਿ ਕਿਮ ਜੋਂਗ ਨੂੰ ਲਗਾਤਾਰ ਸੱਤਾ ਉੱਤੇ ਆਪਣੀ ਪਕੜ ਕਮਜ਼ੋਰ ਹੋਣ ਦਾ ਸ਼ੱਕ ਸੀ। ਇਸ ਲਈ ਉਨ੍ਹਾਂ ਨੇ ਆਪਣੇ ਆਸੇ-ਪਾਸੇ ਦੇ ਗੱਦਾਰਾਂ ਨੂੰ ਪਰਖਣ ਲਈ ਇਹ ਨਾਟਕ ਰਚਿਆ ਸੀ। ਦਿ ਸੰਨ' ਵਿੱਚ ਛਪੀ ਇੱਕ ਰਿਪੋਰਟ ਦੇ ਅਨੁਸਾਰ, ਉੱਤਰੀ ਕੋਰੀਆ ਦੇ ਇੱਕ ਡਿਪਲੋਮੈਟ ਨੇ ਹੀ ਦਾਅਵਾ ਕੀਤਾ ਸੀ ਕਿ ਕਿਮ ਜੋਂਗ ਗੰਭੀਰ ਰੂਪ ਵਿੱਚ ਬਿਮਾਰ ਹੈ ਅਤੇ ਹਾਲਤ ਇੰਨੀ ਮਾੜੀ ਹੈ ਕਿ ਉਸ ਕੋਲੋਂ ਖੜੋਤਾ ਵੀ ਨਹੀਂ ਜਾ ਸਕਦਾ ਹੈ।
Kim Jong Un
ਕੁਝ ਦਿਨਾਂ ਬਾਅਦ, ਕਿਮ ਜੋਂਗ ਖਾਦ ਫੈਕਟਰੀ ਦਾ ਉਦਘਾਟਨ ਕਰਦਿਆਂ ਸਿਗਰਟ ਪੀਂਦੇ ਨਜ਼ਰ ਆਏ ਤੇ ਇਸ ਪਿੱਛੋਂ ਇਸ ਡਿਪਲੋਮੈਟ ਦਾ ਚੁੱਪ ਧਾਰ ਲੈਣਾ ਇਕ ਸਾਜ਼ਿਸ਼ ਵੱਲ ਇਸ਼ਾਰਾ ਕਰਦਾ ਹੈ। ਸਨ ਨੇ ਸਕਾਈ ਨਿਊਜ਼ ਆਸਟਰੇਲੀਆ ਦੇ ਹਵਾਲੇ ਨਾਲ ਕਿਹਾ ਕਿ ਕਿਮ ਜੋਂਗ ਨੇ ਆਪਣੇ ਨੇੜਲੇ ਗੱਦਾਰ ਲੋਕਾਂ ਦੀ ਪਛਾਣ ਕਰਨ ਲਈ ਇਹ ਯੋਜਨਾ ਬਣਾਈ ਸੀ, ਜੋ ਤਖਤਾ ਪਲਟਣ ਦੀਆਂ ਵਿਊ੍ਂਤਾਂ ਘੜ ਰਹੇ ਸਨ। ਦੱਸ ਦੱਈਏ ਕਿ 20 ਦਿਨਾਂ ਤੋਂ ਲਾਪਤਾ ਰਹੇ ਅਮਰੀਕੀ ਅਤੇ ਜਪਾਨੀ ਮੀਡੀਆ ਵੱਲੋਂ ਉਸ ਦੀ ਖ਼ਬਰ ਚਲਾਉਂਣ ਦੇ ਬਾਵਜੂਦ ਵੀ ਉਤਰੀ ਕਰੀਆ ਸਰਕਾਰ ਦੇ ਵੱਲੋਂ ਕੋਈ ਸਪਸ਼ਟੀਕਰਨ ਨਹੀਂ ਦਿੱਤਾ ਗਿਆ।
Kim Jong-un
ਅਜਿਹੇ ਸਮੇਂ ਵਿਚ ਸਟੇਟ ਮੀਡੀਆ ਅਤੇ ਨਿਊਜ਼ ਏਜੰਸੀ ਨੇ ਵੀ ਚੁੱਪ ਵੱਟੀ ਰੱਖੀ । ਰਿਪੋਰਟ ਵਿਚ ਇਹ ਹੀ ਦੇਖਣ ਨੂੰ ਮਿਲਿਆ ਕਿ ਕਿਮ ਜੋਂਗ ਦੇਖਣਾ ਚਹੁੰਦਾ ਸੀ ਕਿ ਲੋਕ ਉਸ ਨੂੰ ਹਾਲੇ ਵੀ ਪਸੰਦ ਕਰਦੇ ਹਨ ਅਤੇ ਉਸ ਦੀ ਮੌਤ ਤੋਂ ਬਾਅਦ ਲੋਕ ਹੋਰ ਨੇਤਾ ਕਿਸ ਤਰ੍ਹਾਂ ਕੰਮ ਕਰਦੇ ਹਨ। ਇਸ ਤੋਂ ਇਲਾਵਾ ਇਸ ਯੋਜਨਾ ਦਾ ਮੁੱਖ ਮਕਸਦ ਗੱਦਾਰਾਂ ਦੀ ਪਛਾਣ ਕਰਕੇ ਉਨ੍ਹਾਂ ਨੂੰ ਬਾਹਰ ਦਾ ਰਸਤਾ ਦਿਖਾਉਂਣਾ ਸੀ।
Kim jong Un
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
