ਪਾਕਿਸਤਾਨ ਦੇ ਸਿੰਧ ਪ੍ਰਾਂਤ ਸੂਬੇ ਤੋਂ ਪਹਿਲੀ ਵਾਰ ਇੱਕ ਹਿੰਦੂ ਔਰਤ 25 ਜੁਲਾਈ ਨੂੰ ਹੋਣ ਵਾਲੇ ਰਾਜ ਦੀਆਂ ਅਸੈਂਬਲੀ ਚੋਣਾਂ ਵਿਚ ਕਿਸਮਤ ਅਜ਼ਮਾਏਗੀ।
ਕਰਾਚੀ, ਪਾਕਿਸਤਾਨ ਦੇ ਸਿੰਧ ਪ੍ਰਾਂਤ ਸੂਬੇ ਤੋਂ ਪਹਿਲੀ ਵਾਰ ਇੱਕ ਹਿੰਦੂ ਔਰਤ 25 ਜੁਲਾਈ ਨੂੰ ਹੋਣ ਵਾਲੇ ਰਾਜ ਦੀਆਂ ਅਸੈਂਬਲੀ ਚੋਣਾਂ ਵਿਚ ਕਿਸਮਤ ਅਜ਼ਮਾਏਗੀ। ਮੁਸਲਿਮ ਬਹੁਗਿਣਤੀ ਵਾਲੇ ਪਾਕਿਸਤਾਨ ਵਿਚ ਪਹਿਲੀ ਵਾਰ ਘੱਟ ਗਿਣਤੀ ਭਾਈਚਾਰੇ ਦੀ ਕਿਸੇ ਔਰਤ ਨੇ ਚੋਣ ਲੜਕੇ ਇਤਹਾਸ ਰਚਿਆ ਹੈ। ਮੇਘਵਾੜ ਭਾਈਚਾਰੇ ਦੀ 31 ਸਾਲ ਦੀ ਸੁਨੀਤਾ ਪਰਮਾਰ ਨੇ ਥਾਰਪਰਕਰ ਜਿਲ੍ਹੇ ਵਿਚ ਸਿੰਧ ਅਸੈਂਬਲੀ ਚੋਣ ਖੇਤਰ ਪੀਏਸ - 56 ਲਈ ਆਜ਼ਾਦ ਉਮੀਦਵਾਰ ਦੇ ਤੌਰ 'ਤੇ ਨਾਮਜ਼ਦਗੀ ਕੀਤੀ ਹੈ। ਪਾਕਿਸਤਾਨ ਵਿਚ ਸਭ ਤੋਂ ਜ਼ਿਆਦਾ ਹਿੰਦੂ ਇਸ ਜ਼ਿਲ੍ਹੇ ਵਿਚ ਰਹਿੰਦੇ ਹਨ।
ਮੀਡੀਆ ਵਿਚ ਆਈ ਇੱਕ ਖ਼ਬਰ ਦੇ ਮੁਤਾਬਕ ਮੌਜੂਦਾ ਹਾਲਤ ਨੂੰ ਬਣਾਏ ਰੱਖਣ ਨੂੰ ਲੈ ਕੇ ਆਤਮਵਿਸ਼ਵਾਸ ਨਾਲ ਭਰੀ ਪਰਮਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਚੋਣ ਲੜਨ ਦਾ ਫੈਸਲਾ ਇਸ ਲਈ ਕੀਤਾ ਕਿਉਂਕਿ ਪਿਛਲੀਆਂ ਸਰਕਾਰਾਂ ਉਨ੍ਹਾਂ ਦੇ ਚੋਣ ਖੇਤਰ ਦੇ ਲੋਕਾਂ ਨਾਲ ਕੀਤੇ ਗਏ ਵਾਅਦਿਆਂ ਨੂੰ ਪੂਰਾ ਕਰਨ ਅਤੇ ਉਨ੍ਹਾਂ ਦਾ ਜੀਵਨ ਪੱਧਰ ਸੁਧਾਰਣ ਵਿਚ ਅਸਫਲ ਰਹੀਆਂ ਹਨ। ਸੁਨੀਤਾ ਪਰਮਾਰ ਦਾ ਕਹਿਣਾ ਹੈ ਕੇ 21ਵੀਆਂ ਸਦੀ ਵਿਚ ਰਹਿਣ ਦੇ ਬਾਵਜੂਦ ਔਰਤਾਂ ਲਈ ਮੂਲ ਸਿਹਤ ਸੁਵਿਧਾਵਾਂ ਅਤੇ ਸਿੱਖਿਅਕ ਸੰਸਥਾਵਾਂ ਨਹੀਂ ਹਨ।
ਪਰਮਾਰ ਨੇ ਕਿਹਾ ਕੇ ਪਿਛਲੀਆਂ ਸਰਕਾਰਾਂ ਨੇ ਇਸ ਇਲਾਕੇ ਲਈ ਕੁੱਝ ਵੀ ਨਹੀਂ ਕੀਤਾ। ਸੁਨੀਤਾ ਨੇ ਕਿਹਾ ਕੇ ਉਹ ਦਿਨ ਗਏ ਜਦੋਂ ਔਰਤਾਂ ਨੂੰ ਕਮਜ਼ੋਰ ਜਾਂ ਹੋਰਾਂ ਤੋਂ ਘੱਟ ਸਮਝਿਆ ਜਾਂਦਾ ਸੀ। ਉਨ੍ਹਾਂ ਕਿਹਾ ਕੇ ਮੈਨੂੰ ਇਸ ਲਈ ਇਹ ਚੋਣ ਮੁਕਾਬਲਾ ਜਿੱਤਣ ਦਾ ਯਕੀਨ ਹੈ। ਉਨ੍ਹਾਂ ਕਿਹਾ ਕੇ ਇਹ 21ਵੀ ਸਦੀ ਹੈ ਅਤੇ ਇਸ ਸਦੀ ਦੀਆਂ ਔਰਤਾਂ ਸ਼ੇਰ ਨਾਲ ਵੀ ਲੜਨ ਲਈ ਤਿਆਰ ਹਨ। ਸੁਨੀਤਾ ਨੇ ਅਪਣੇ ਖੇਤਰ ਦੀਆਂ ਔਰਤਾਂ ਲਈ ਸਿੱਖਿਆ ਦਾ ਪੱਧਰ ਸੁਧਾਰਨ ਅਤੇ ਸਿਹਤ ਸਹੂਲਤਾਂ ਨੂੰ ਬਿਹਤਰ ਕਰਨ ਪ੍ਰਤੀ ਵਚਨਬੱਧਤਾ ਜ਼ਾਹਰ ਕੀਤੀ।
ਮਾਰਚ ਵਿਚ ਇੱਕ ਹੋਰ ਹਿੰਦੂ ਦਲਿਤ ਔਰਤ ਕ੍ਰਿਸ਼ਨਾ ਕੁਮਾਰੀ ਕੋਲਹੀ ਪਾਕਿਸਤਾਨ ਦੀ ਪਹਿਲੀ ਮਹਿਲਾ ਸੀਨੇਟਰ ਬਣੀ ਸੀ। ਪਾਕਿਸਤਾਨ ਦੇ ਦੋ ਸਾਬਕਾ ਪ੍ਰਧਾਨ ਮੰਤਰੀਆਂ ਸਮੇਤ ਕਈ ਦਿੱਗਜ ਨੇਤਾ ਅਜਿਹੇ ਹਨ ਜਿਨ੍ਹਾਂ ਦੇ ਕੋਲ ਅਪਣੀਆਂ ਕਾਰਾਂ ਵੀ ਨਹੀਂ ਹਨ। ਦੇਸ਼ ਵਿਚ 25 ਜੁਲਾਈ ਨੂੰ ਹੋਣ ਜਾ ਰਹੇ ਆਮ ਚੋਣ ਵਿਚ ਪਾਕਿਸਤਾਨ ਦੇ ਚੋਣ ਕਮਿਸ਼ਨ ਦੇ ਸਾਹਮਣੇ ਦਾਖਲ ਨਾਮਜ਼ਦ ਪੱਤਰਾਂ ਵਿਚ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਰਿਪੋਰਟ ਦੇ ਅਨੁਸਾਰ ਸਾਬਕਾ ਪ੍ਰਧਾਨ ਮੰਤਰੀ ਯੂਸੁਫ ਰਜਾ ਗਿਲਾਨੀ ਦੇ ਕੋਲ 7 ਕਰੋੜ 75 ਲੱਖ ਰੂਪਏ ਦੀ ਜਾਇਦਾਦ ਹੈ ਪਰ ਕੋਈ ਵਾਹਨ ਨਹੀਂ ਹੈ।
ਇਸ ਪ੍ਰਕਾਰ ਸਾਬਕਾ ਪ੍ਰਧਾਨ ਮੰਤਰੀ ਜਫਰਉੱਲਾਹ ਖਾਨ ਜਮਾਲੀ ਦੇ ਕੋਲ ਵੀ ਕਾਰ ਨਹੀਂ ਹੈ। ਪਾਕਿਸਤਾਨ ਪੀਪਲਜ਼ ਪਾਰਟੀ ਦੇ ਨੇਤਾ ਬਿਲਾਵਲ ਭੁੱਟੋ ਜ਼ਰਦਾਰੀ ਦੇ ਕੋਲ ਇੱਕ ਵੀ ਕਾਰ ਨਹੀਂ ਹੈ ਹਾਲਾਂਕਿ ਉਨ੍ਹਾਂ ਦੇ ਨਾਮਜ਼ਦ ਪੱਤਰ ਦੇ ਅਨੁਸਾਰ ਉਹ ਸਬ ਤੋਂ ਜ਼ਿਆਦਾ ਅਮੀਰ ਨੇਤਾਵਾਂ ਵਿਚੋਂ ਇੱਕ ਹਨ। ਜੂਨ 2017 ਵਿਚ ਉਨ੍ਹਾਂ ਦੇ ਕੋਲ 1.54 ਅਰਬ ਦੀ ਜਾਇਦਾਦ ਸੀ ਅਤੇ ਉਨ੍ਹਾਂ ਦੇ ਕੋਲ 30 ਲੱਖ ਰੂਪਏ ਦੇ ਹਥਿਆਰ ਵੀ ਸਨ।
ਉਥੇ ਹੀ ਬਿਲਾਵਲ ਦੇ ਪਿਤਾ ਆਸਿਫ ਅਲੀ ਜ਼ਰਦਾਰੀ ਦੇ ਕੋਲ 6 ਬਖਤਰਬੰਦ ਗੱਡੀਆਂ ਸਨ। ਉਨ੍ਹਾਂ ਦੀ ਪਾਰਟੀ ਦੇ ਇੱਕ ਹੋਰ ਨੇਤਾ ਅਤੇ ਸਿੰਧ ਦੇ ਸਾਬਕਾ ਮੁੱਖ ਮੰਤਰੀ ਮੁਰਾਦ ਅਲੀ ਸ਼ਾਹ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਕੋਲ 17 ਕਾਰਾਂ ਹਨ।