ਸੰਯੁਕਤ ਰਾਸ਼ਟਰ ਵਿਚ ਭਾਰਤ ਨੇ ਹਾਸਲ ਕੀਤੀ ਵੱਡੀ ਜਿੱਤ
ਵਾਸ਼ਿੰਗਟਨ: ਸੰਯੁਕਤ ਰਾਸ਼ਟਰ ਵਿਚ ਭਾਰਤ ਨੇ ਵੱਡੀ ਜਿੱਤ ਹਾਸਲ ਕੀਤੀ ਹੈ। ਸੰਯੁਕਤ। ਭਾਰਤੀ ਡਿਪਲੋਮੈਟ ਵਿਦਿਸ਼ਾ ਮੈਤਰਾ ਨੂੰ ਪ੍ਰਬੰਧਕੀ ਅਤੇ ਬਜਟ ਨਾਲ ਜੁੜੇ ਪ੍ਰਸ਼ਨਾਂ (ਏਸੀਏਬੀਕਿਊ ) ਦੀ ਸੰਯੁਕਤ ਰਾਸ਼ਟਰ ਦੀ ਸਲਾਹਕਾਰ ਕਮੇਟੀ ਦਾ ਮੈਂਬਰ ਚੁਣਿਆ ਗਿਆ ਹੈ।
United Nations
ਸੰਯੁਕਤ ਰਾਸ਼ਟਰ ਵਿਚ ਭਾਰਤ ਦੇ ਸਥਾਈ ਮਿਸ਼ਨ ਦੀ ਪਹਿਲੀ ਸੈਕਟਰੀ ਵਿਦਿਸ਼ਾ ਮੈਤਰਾ ਨੇ ਏਸ਼ੀਆ ਪੈਸੀਫਿਕ ਰਾਸ਼ਟਰ ਸਮੂਹ ਵਿਚ 126 ਵੋਟਾਂ ਹਾਸਲ ਕੀਤੀਆਂ। ਮੈਤਰਾ ਏਸ਼ੀਆ-ਪ੍ਰਸ਼ਾਂਤ ਸੂਬਿਆਂ ਦੇ ਸਮੂਹ ਦੇ ਦੋ ਨਾਮਜ਼ਦ ਉਮੀਦਵਾਰਾਂ ਵਿਚੋਂ ਇਕ ਸੀ। ਸਮੂਹ ਵਿਚ ਈਰਾਕ ਦੇ ਅਲੀ ਮੁਹੰਮਦ ਫੇਕ ਅਲ ਦਬਗ ਨੇ 64 ਵੋਟਾਂ ਪ੍ਰਾਪਤ ਕੀਤੀਆਂ ਸੀ।
Vidisha Maitra
ਸੰਯੁਕਤ ਰਾਸ਼ਟਰ 'ਚ ਭਾਰਤ ਦੇ ਸਥਾਈ ਪ੍ਰਤੀਨਿਧ ਟੀਐੱਸ ਤਿਰੂਮੂਰਤੀ ਨੇ ਇਕ ਵੀਡੀਓ ਸੰਦੇਸ਼ 'ਚ ਕਿਹਾ ਕਿ ਮੈਤਰਾ ਨੂੰ ਸ਼ੁੱਕਰਵਾਰ ਨੂੰ ਸੰਯੁਕਤ ਰਾਸ਼ਟਰ ACABQ 'ਚ ਸੰਯੁਕਤ ਰਾਸ਼ਟਰ ਦੇ ਮੈਂਬਰ ਸੂਬਿਆਂ ਦੁਆਰਾ ਭਾਰੀ ਸਮਰਥਨ ਨਾਲ ਚੁਣਿਆ ਗਿਆ ਹੈ। ਉਹਨਾਂ ਨੇ ਵਿਸ਼ਵਾਸ ਪ੍ਰਗਟਾਇਆ ਕਿ ਮੈਤਰਾ ਏਸੀਏਬੀਕਿਊ ਦੇ ਕੰਮਕਾਜ ਲਈ ਇਕ ਸੁਤੰਤਰ, ਉਦੇਸ਼ਪੂਰਨ ਤੇ ਬਹੁਤ ਜ਼ਰੂਰੀ ਲਿੰਗ ਸਮਾਨਤਾ ਦੇ ਦ੍ਰਿਸ਼ਟੀਕੋਣ ਨੂੰ ਧਿਆਨ 'ਚ ਰੱਖ ਕੇ ਕੰਮ ਕਰੇਗੀ।
