ਅਸੀਂ ਇਸ ਨਕਸਲਵਾਦ ਦੇ ਸਾਹਮਣੇ ਆਪਣੇ ਸਿੱਖ ਭਾਈਚਾਰੇ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਖੜ੍ਹੇ ਹਾਂ -ਮੇਅਰ ਪੈਟਰਿਕ ਬ੍ਰਾਊਨ
ਪੁਲਿਸ ਕਰ ਰਹੀ ਹੈ ਮਾਮਲੇ ਦੀ ਜਾਂਚ
ਕੈਨੇਡਾ : ਬਰੈਂਪਟਨ ਦੇ ਇੱਕ ਸਿੱਖ ਸਕੂਲ ਦੇ ਬਾਹਰ ਗ੍ਰੈਫਿਟੀ ਸਪਰੇਅ-ਪੇਂਟ ਨਾਲ ਨਫ਼ਰਤ ਭਰੇ ਸਿੱਖ ਵਿਰੋਧੀ ਸੰਦੇਸ਼ ਲਿਖੇ ਗਏ। ਇਸ ਘਟਨਾ ਨਾਲ ਸਿੱਖ ਭਾਈਚਾਰੇ ਵਿਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ।
hateful message
ਦੱਸ ਦੇਈਏ ਕਿ ਇਹ ਘਟਨਾ ਸ਼ੁੱਕਰਵਾਰ ਸਵੇਰ ਦੀ ਹੈ ਜਦੋਂ ਇਥੇ ਖ਼ਾਲਸਾ ਸਕੂਲ ਦੀ ਕੰਧ 'ਤੇ ਸਿੱਖ ਵਿਰੋਧੀ ਟਿੱਪਣੀਆਂ ਲਿਖੀਆਂ ਗਈਆਂ। ਇਨ੍ਹਾਂ ਹੀ ਨਹੀਂ ਸਗੋਂ ਇਥੇ ਭੰਨ-ਤੋੜ ਵੀ ਕੀਤੀ ਗਈ। ਸਥਾਨਕ ਮੀਡੀਆ ਏਜੰਸੀ ਵਲੋਂ ਇਸ ਬਾਬਤ ਆਪਣੇ ਟਵਿੱਟਰ ਅਕਾਊਂਟ 'ਤੇ ਜਾਣਕਾਰੀ ਸਾਂਝੀ ਕੀਤੀ ਹੈ ਕਿ ਇਹ ਸਕੂਲ ਇੱਕ ਮਾਲ ਵਿੱਚ ਉਪਰਲੀ ਮੰਜ਼ਿਲ 'ਤੇ ਬਣਿਆ ਹੋਇਆ ਹੈ।
BREAKING | A Khalsa school in Brampton has been targeted with Anti-Sikh and hateful messages.
— Baaz (@BaazNewsOrg) December 3, 2021
Young children and their parents have to walk past the racist spray painted messages to access stairs to the second floor school. pic.twitter.com/MHaFoUAihd
ਇਥੇ ਕੁਝ ਸ਼ਰਾਰਤੀ ਅਨਸਰਾਂ ਵਲੋਂ ਸਿੱਖ ਭਾਈਚਾਰੇ ਦੇ ਵਿਰੋਧ ਵਿਚ ਸੱਭਿਆਚਾਰਕ-ਵਿਸ਼ੇਸ਼ ਭਾਸ਼ਾ, ਖਾਸ ਤੌਰ 'ਤੇ "F-ਖ਼ਾਲਸਾ" ਲਿਖਿਆ ਗਿਆ ਹਾਂ। ਜਾਣਕਾਰੀ ਅਨੁਸਾਰ ਇਸ ਤੋਂ ਇਲਾਵਾ ਹੋਰ ਵੀ ਕਈ ਇਤਰਾਜ਼ਯੋਗ ਸ਼ਬਦ ਵਰਤੇ ਗਏ ਹਨ। ਬਰੈਂਪਟਨ-ਸਾਊਥ ਦੇ ਐਮਪੀਪੀ ਪ੍ਰਬਮੀਤ ਸਰਕਾਰੀਆ ਨੇ ਟਵੀਟ ਕਰਕੇ ਕਿਹਾ ਕਿ ਅਜਿਹੀਆਂ ਘਟਨਾਵਾਂ ਨਿੰਦਾਯੋਗ ਹਨ। ਕੈਨੇਡਾ ਵਿੱਚ ਇਸ ਤਰ੍ਹਾਂ ਦੀ ਨਫ਼ਰਤ ਲਈ ਕੋਈ ਥਾਂ ਨਹੀਂ ਹੈ।
Patric Brown
ਇਸ ਤੋਂ ਇਲਾਵਾ ਬਰੈਂਪਟਨ ਦੇ ਮੇਅਰ ਪੈਟਰਿਕ ਬ੍ਰਾਊਨ ਨੇ ਕਿਹਾ ਕਿ ਅਸੀਂ ਆਪਣੇ ਸ਼ਹਿਰ ਦੇ ਸਿੱਖ ਭਾਈਚਾਰੇ ਦੇ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਖੜ੍ਹੇ ਹਾਂ।
ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸ਼ੁੱਕਰਵਾਰ ਨੂੰ ਸਵੇਰੇ 10:47 ਵਜੇ ਪਲਾਜ਼ਾ ਵਿਖੇ ਜਾਇਦਾਦ ਦੇ ਨੁਕਸਾਨ ਦੀ ਜਾਣਕਾਰੀ ਮਿਲੀ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਪੁਲਿਸ ਵਲੋਂ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
