ਚੀਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਲੂ ਕਾਂਗ ਨੇ ਕਿਹਾ ਕਿ ਬੀਜਿੰਗ ਨੇ ਇਸ ਮੁੱਦੇ 'ਤੇ ਅਮਰੀਕਾ ਦੇ ਸਾਹਮਣੇ ਸਖ਼ਤ ਵਿਰੋਧ ਦਰਜ ਕਰਵਾਇਆ ਹੈ।
ਬੀਜਿੰਗ : ਵਪਾਰਕ ਤਣਾਅ ਨੂੰ ਘੱਟ ਕਰਨ ਲਈ ਬੀਜਿੰਗ ਵਿਚ ਚਲ ਰਹੀ ਉੱਚ ਪੱਧਰੀ ਗੱਲਬਾਤ ਦੌਰਾਨ ਅਮਰੀਕੀ ਨੇਵੀ ਦੇ ਜੰਗੀ ਬੇੜੇ ਦੇ ਵਿਵਾਦਤ ਦੱਖਣੀ ਚੀਨ ਸਾਗਰ ਵਿਚੋਂ ਲੰਘਣ 'ਤੇ ਚੀਨ ਭੜਕ ਗਿਆ ਹੈ। ਇਸ ਨੂੰ ਲੈ ਕੇ ਚੀਨ ਨੇ ਅਮਰੀਕਾ ਦੇ ਸਾਹਮਣੇ ਵਿਰੋਧ ਦਰਜ ਕਰਵਾਇਆ। ਚੀਨ ਨੇ ਕਿਹਾ ਕਿ ਅਮਰੀਕਾ ਨੂੰ ਇਸ ਤਰ੍ਹਾਂ ਦੇ ਭੜਕਾਊ ਕਦਮ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ ਅਤੇ ਮੌਜੂਦਾ ਕਾਰੋਬਾਰੀ ਵਿਵਾਦ 'ਤੇ ਕਾਮਯਾਬੀਪੂਰਨ ਗੱਲਬਾਤ ਕਰਨ ਲਈ ਮਾਹੌਲ ਸਿਰਜਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।
USA
ਅਮਰੀਕਾ ਜੰਗੀ ਬੇੜਾ ਦੱਖਣੀ ਚੀਨ ਸਾਗਰ ਵਿਚ ਵਿਵਾਦਤ ਪਾਰਾਸੇਲ ਟਾਪੂ ਦੇ ਵਿਚੋਂ ਦੀ ਅਜਿਹੇ ਸਮੇਂ ਵਿਚ ਲੰਘਿਆ ਹੈ ਜਦ ਦੋਹਾਂ ਦੇਸ਼ਾਂ ਦੇ ਅਧਿਕਾਰੀ ਕਾਰੋਬਾਰੀ ਵਿਵਾਦ ਨੂੰ ਸੁਲਝਾਉਣ ਲਈ ਬੀਜਿੰਗ ਵਿਚ ਦੋ ਰੋਜ਼ਾ ਬੈਠਕ ਵਿਚ ਹਿੱਸਾ ਲੈ ਰਹੇ ਹਨ। ਦੁਨੀਆਂ ਦੀਆਂ ਦੋ ਸਿਖਰ ਅਰਥਵਿਵਸਥਾਵਾਂ ਨੇ ਇਕ ਦੂਜੇ ਦੇ ਉਤਪਾਦਾਂ 'ਤੇ 300 ਅਰਬ ਡਾਲਰ ਤੋਂ ਵੱਧ ਦੀ ਆਯਾਤ ਫੀਸ ਲਗਾਈ ਹੈ। ਪਾਰਾਸੇਲ ਟਾਪੂ ਦੇ ਵਿਚੋਂ ਦੀ ਅਮਰੀਕੀ ਜੰਗੀ ਬੇੜੇ ਦੇ ਲੰਘਣ 'ਤੇ ਚੀਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਲੂ ਕਾਂਗ ਨੇ ਕਿਹਾ ਕਿ ਬੀਜਿੰਗ ਨੇ ਇਸ ਮੁੱਦੇ 'ਤੇ ਅਮਰੀਕਾ ਦੇ ਸਾਹਮਣੇ ਸਖ਼ਤ ਵਿਰੋਧ ਦਰਜ ਕਰਵਾਇਆ ਹੈ।
Chinese Foreign Ministry spokesman LU Kang
ਅਮਰੀਕੀ ਜਹਾਜ਼ ਚੀਨ ਦੀ ਇਜਾਜ਼ਤ ਤੋਂ ਬਗ਼ੈਰ ਵਿਵਾਦਤ ਖੇਤਰ ਤੋਂ ਲੰਘਿਆ। ਅਮਰੀਕਾ ਦਾ ਇਹ ਕਦਮ ਅੰਤਰਰਾਸ਼ਠਰੀ ਕਾਨੂੰਨ ਦੀ ਉਲੰਘਣਾ ਹੈ ਅਤੇ ਇਸ ਨਾਲ ਖੇਤਰ ਦੀ ਸ਼ਾਂਤੀ 'ਤੇ ਅਸਰ ਪੈਂਦਾ ਹੈ। ਇਹ ਪੁੱਛਣ 'ਤੇ ਕੀ ਕਿ ਇਸ ਦਾ ਅਸਰ ਦੋਹਾਂ ਦੇਸ਼ਾਂ ਵਿਚਕਾਰ ਮੌਜੂਦਾ ਵਪਾਰ ਗੱਲਬਾਤ 'ਤੇ ਪਵੇਗਾ ? ਇਸ ਦਾ ਜਵਾਬ ਦਿੰਦੇ ਹੋਏ ਉਹਨਾਂ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਵਪਾਰਕ ਵਿਵਾਦ ਦਾ ਸਹੀ ਹੱਲ ਦੁਨੀਆਂ ਲਈ ਜ਼ਰੂਰੀ ਹੈ। ਦੋਹਾਂ ਪੱਖਾਂ ਦੇ ਲਈ ਇਹ ਜ਼ਰੂਰੀ ਹੈ;
Disputed Paracel island
ਕਿ ਗੱਲਬਾਤ ਲਈ ਮਾਹੌਲ ਬਣਾਇਆ ਜਾਵੇ। ਅਮਰੀਕੀ ਪ੍ਰਸ਼ਾਂਤ ਬੇੜੇ ਦੇ ਬੁਲਾਰੇ ਰਚੇਲ ਮੈਕਮਰ ਨੇ ਕਿਹਾ ਸਮੁੰਦਰੀ ਖੇਤਰ ਨੂੰ ਲੈ ਕੇ ਕੀਤੇ ਜਾ ਰਹੇ ਦਾਅਵੇ ਨੂੰ ਚੁਣੌਤੀ ਦੇਣ ਲਈ ਅਮਰੀਕੀ ਜੰਗੀ ਬੇੜਾ ਪਾਰਾਸੇਲ ਟਾਪੂ ਤੋਂ ਹੋ ਕੇ ਲੰਘਿਆ। ਜਿਥੇ ਵੀ ਅੰਤਰਰਾਸ਼ਟਰੀ ਕਾਨੂੰਨ ਇਸ ਦੀ ਇਜਾਜ਼ਤ ਦੇਵੇਗਾ, ਅਮਰੀਕੀ ਨੇਵੀ ਦੇ ਜਹਾਜ਼ ਉਸ ਖੇਤਰ ਤੋਂ ਲੰਘਣਗੇ।
