ਸਾਲ 2020-21 ਵਿਚ ਦਿਤੇ ਗਏ ਹੁਨਰਮੰਦ ਸੁਤੰਤਰ ਵੀਜ਼ਿਆਂ ਦੀ ਗਿਣਤੀ ਬੀਤੇ 20 ਸਾਲਾਂ ਵਿਚ ਸਭ ਤੋਂ ਘੱਟ ਹੈ।
ਪਰਥ, (ਪਿਆਰਾ ਸਿੰਘ ਨਾਭਾ) : ਆਸਟ੍ਰੇਲੀਆ ਸਰਕਾਰ ਨੇ ਸਾਲ 2021 ਦੇ ਪਹਿਲੇ ਗੇੜ ਵਿਚ ਵੱਖ-ਵੱਖ ਵੀਜ਼ਾ ਕੈਟਾਗਿਰੀ ਵਿਚ 363 ਬਿਨੈਕਾਰਾਂ ਨੂੰ ਵੀਜ਼ੇ ਦੇਣ ਲਈ ਸੱਦਾ ਦਿਤਾ ਹੈ। ਜਾਣਕਾਰੀ ਮੁਤਾਬਕ ਗ੍ਰਹਿ ਵਿਭਾਗ ਵਲੋਂ ਵੱਖ-ਵੱਖ ਵੀਜ਼ਾ ਕੈਟਾਗਿਰੀ ਵਿਚ 21 ਜਨਵਰੀ ਨੂੰ ਵੀਜ਼ਾ ਸੱਦੇ ਦਾ ਐਲਾਨ ਕੀਤਾ ਗਿਆ ਸੀ। ਸਾਲ 2020-21 ਵਿਚ ਦਿਤੇ ਗਏ ਹੁਨਰਮੰਦ ਸੁਤੰਤਰ ਵੀਜ਼ਿਆਂ ਦੀ ਗਿਣਤੀ ਬੀਤੇ 20 ਸਾਲਾਂ ਵਿਚ ਸੱਭ ਤੋਂ ਘੱਟ ਹੈ। ਦਸ ਦਈਏ ਕਿ ਇਸ ਨਵੇਂ ਐਲਾਨ ਵਿਚ ਹੁਨਰਮੰਦ ਸੁਤੰਤਰ ਵੀਜ਼ਾ (ਸਬਕਲਾਸ 189) ਲਈ 200 ਸੱਦੇ ਭੇਜੇ ਗਏ ਹਨ,
Australianਜਦੋਂ ਕਿ 163 ਬਿਨੈਕਾਰਾਂ ਨੂੰ ਹੁਨਰਮੰਦ ਕਾਰਜ ਖੇਤਰੀ (ਪ੍ਰੋਵੀਜ਼ਨਲ) ਵੀਜ਼ਾ (ਸਬਕਲਾਸ 491) ਪ੍ਰਵਾਰਕ ਸਪਾਂਸਰ ਧਾਰਾ ਵਿਚ ਬੁਲਾਇਆ ਜਾਵੇਗਾ। ਵਿਭਾਗ ਅਨੁਸਾਰ ਜੇ ਸਾਰੀਆਂ ਥਾਵਾਂ ਸਬ-ਕਲਾਸ 189 ਵੀਜ਼ਾ ਬਿਨੇਕਾਰਾਂ ਨੂੰ ਮੁਹਈਆਂ ਕਰ ਦਿਤੀਆਂ ਜਾਣ ਤਾਂ ਸਬ-ਕਲਾਸ 491 ਵੀਜ਼ਾ ਲਈ ਕੋਈ ਸੱਦਾ ਜਾਰੀ ਨਹੀਂ ਕੀਤਾ ਜਾ ਸਕਦਾ। ਹੁਣ ਤਕ ਵਿੱਤੀ ਸਾਲ 2020-21 ਵਿਚ ਕੁੱਲ 1,773 ਸੱਦੇ ਜਾਰੀ ਕੀਤੇ ਗਏ ਹਨ। ਇਨ੍ਹਾਂ ਅੰਕੜਿਆਂ ਵਿਚ ਰਾਜ, ਅਤੇ ਪ੍ਰਦੇਸ਼ ਸਰਕਾਰ ਦੁਆਰਾ ਨਾਮਜ਼ਦ ਵੀਜ਼ਾ ਸਬ-ਕਲਾਸਾਂ ਲਈ ਦਿਤੇ ਗਏ ਸੱਦੇ ਸ਼ਾਮਲ ਨਹੀਂ ਹਨ।
Australian government invites 363 visa applicantsਸਬੰਧਤ ਵਿਭਾਗ ਅਨੁਸਾਰ ਹੁਨਰ ਦੀ ਚੋਣ ਪ੍ਰੋਗਰਾਮ ਤਹਿਤ ਪਹਿਲਾਂ ਹੁਨਰਮੰਦ ਸੁਤੰਤਰ ਵੀਜ਼-ਸਬਕਲਾਸ 189 ਦੇ ਬਿਨੇਕਾਰਾਂ ਨੂੰ ਉਪਲਬਧ ਸਥਾਨਾਂ ਲਈ ਤਰਜੀਹ ਦਿਤੀ ਜਾਂਦੀ ਹੈ ਅਤੇ ਇਸ ਤੋਂ ਬਾਅਦ ਬਾਕੀ ਬਚੇ ਸਥਾਨ ਹੁਨਰਮੰਦ ਕਾਰਜ ਖੇਤਰੀ (ਪ੍ਰੋਵੀਜ਼ਨਲ) ਵੀਜ਼ਾ (ਸਬਕਲਾਸ 491) ਪ੍ਰਵਾਰ ਦੁਆਰਾ ਸਪਾਂਸਰ ਲੋਕਾਂ ਨੂੰ ਦਿਤੇ ਜਾਂਦੇ ਹਨ।
