ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਕਾਫ਼ੀ ਲੰਬੇ ਸਮੇਂ ਤਕ ਵਕੀਲ ਰਹੇ ਮਾਈਕਲ ਕੋਹੇਨ ਦੇ ਦਫ਼ਤਰ 'ਤੇ ਐਫਬੀਆਈ ਨੇ ਛਾਪੇਮਾਰੀ ਕੀਤੀ।
ਨਿਊਯਾਰਕ : ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਕਾਫ਼ੀ ਲੰਬੇ ਸਮੇਂ ਤਕ ਵਕੀਲ ਰਹੇ ਮਾਈਕਲ ਕੋਹੇਨ ਦੇ ਦਫ਼ਤਰ 'ਤੇ ਐਫਬੀਆਈ ਨੇ ਛਾਪੇਮਾਰੀ ਕੀਤੀ। ਐਫਬੀਆਈ ਦੀ ਇਸ ਕਾਰਵਾਈ ਤੋਂ ਬਾਅਦ ਰਾਸ਼ਟਰਪਤੀ ਟਰੰਪ ਤਿਲਮਿਲਾ ਗਏ ਹਨ। ਉਨ੍ਹਾਂ ਨੇ ਐਫਬੀਆਈ ਦੀ ਇਸ ਕਾਰਵਾਈ ਨੂੰ ਦੇਸ਼ 'ਤੇ ਹਮਲਾ ਕਰਾਰ ਦਿਤਾ ਹੈ।
trump decries attack on our country after fbi raids his lawyers office
ਦਸਣਯੋਗ ਹੈ ਕਿ ਮਾਈਕਲ ਨੇ ਅਸ਼ਲੀਲ ਫਿ਼ਲਮਾਂ ਦੀ ਅਦਾਕਾਰਾ ਨੂੰ 130000 ਅਮਰੀਕੀ ਡਾਲਰ ਦਾ ਭੁਗਤਾਨ ਕੀਤਾ ਸੀ, ਜਿਸ ਨੇ ਸਾਬਕਾ ਰੀਅਲ ਸਟੇਟ ਦਾ ਕਾਰੋਬਾਰ ਕਰਨ ਵਾਲੇ ਦਿੱਗਜ਼ ਨੇਤਾ ਨਾਲ ਸਬੰਧਾਂ ਦੀ ਗੱਲ ਮੰਨੀ ਸੀ। ਇਸੇ ਕਾਰਨ ਐਫਬੀਆਈ ਨੇ ਇਹ ਕਾਰਵਾਈ ਕੀਤੀ ਹੈ।
trump decries attack on our country after fbi raids his lawyers office
ਇਸ ਛਾਪੇ ਦੇ ਕੁੱਝ ਘੰਟਿਆਂ ਦੇ ਬਾਅਦ ਹੀ ਅਮਰੀਕੀ ਰਾਸ਼ਟਰਪਤੀ ਨੇ ਸਖ਼ਤ ਟਿੱਪਣੀ ਕਰਦਿਆਂ ਕਿਹਾ ਕਿ ਇਹ ਛਾਪਾ ਬੜੀ ਸ਼ਰਮਨਾਕ ਘਟਨਾ ਹੈ, ਸਿੱਧੇ ਤੌਰ 'ਤੇ ਇਹ ਦੇਸ਼ 'ਤੇ ਹਮਲਾ ਹੈ। ਟਰੰਪ ਨੇ ਕਿਹਾ ਕਿ ਇੰਝ ਲਗਦਾ ਹੈ ਕਿ ਵਿਸ਼ੇਸ਼ ਜਾਂਚ ਕਰ ਰਹੇ ਵਕੀਲ ਰਾਬਰਟ ਮੁਲਰ ਰੂਸ ਦੇ ਇਸ਼ਾਰੇ 'ਤੇ ਇਹ ਸਭ ਕੁੱਝ ਕਰ ਰਹੇ ਹਨ।
trump decries attack on our country after fbi raids his lawyers office
ਦੂਜੇ ਪਾਸੇ ਦਸਿਆ ਇਹ ਜਾ ਰਿਹਾ ਹੈ ਕਿ ਟਰੰਪ ਦੇ ਨਿੱਜੀ ਵਕੀਲ ਰਹੇ ਮਾਈਕਲ ਕੋਹੇਨ ਨੇ ਅਦਾਕਾਰਾ ਨੂੰ ਇਹ ਪੈਸੇ ਇਸ ਕਰ ਕੇ ਦਿਤੇ ਸਨ ਕਿ ਉਹ ਟਰੰਪ ਨਾਲ ਅਪਣੇ ਸਬੰਧਾਂ ਨੂੰ ਲੈ ਕੇ ਮੂੰਹ ਬੰਦ ਰੱਖੇ। ਕੋਹੇਨ ਟਰੰਪ ਦੇ ਨਿੱਜੀ ਵਕੀਲ ਹਨ ਅਤੇ ਸਾਲਾਂ ਤੋਂ ਉਨ੍ਹਾਂ ਦੇ ਵਿਸ਼ਵਾਸਪਾਤਰ ਰਹੇ ਹਨ। ਉਹ ਰੀਅਲ ਸਟੇਟ ਮਾਮਲਿਆਂ ਵਿਚ ਵੀ ਟਰੰਪ ਨੂੰ ਸਲਾਹ ਦਿੰਦੇ ਰਹੇ ਹਨ।
