ਪਾਕਿਸਤਾਨ ਤੋਂ ਇਕ ਹੈਰਾਨ ਕਰਨ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿਚ ਦਿਖ ਰਿਹਾ ਹੈ ਕਿ ਐਕਸ-ਰੇ ਮਸ਼ੀਨ ਵਿਚੋਂ ਸਮਾਨ ਦੀ ਥਾਂ ਲੋਕ ਨਿਕਲ ਰਹੇ ਹਨ।
ਇਸਲਾਮਾਬਾਦ: ਪਾਕਿਸਤਾਨ ਤੋਂ ਇਕ ਹੈਰਾਨ ਕਰਨ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿਚ ਦਿਖ ਰਿਹਾ ਹੈ ਕਿ ਐਕਸ-ਰੇ ਮਸ਼ੀਨ ਵਿਚੋਂ ਸਮਾਨ ਦੀ ਥਾਂ ਲੋਕ ਨਿਕਲ ਰਹੇ ਹਨ। ਵੀਡੀਓ ‘ਤੇ ਪਾਕਿਸਤਾਨ ਦਾ ਮਜ਼ਾਕ ਉੱਡ ਰਿਹਾ ਹੈ। ਲੋਕ ਲਿਖ ਰਹੇ ਹਨ ਕਿ ਜਿਸ ਦੇਸ਼ ਦੇ ਮੰਤਰੀ ਬਿਨਾਂ ਸਿਰ ਪੈਰ ਦੀਆਂ ਗੱਲਾਂ ਕਰਦੇ ਹਨ, ਉਸ ਦੇਸ਼ ਦੇ ਲੋਕਾਂ ਤੋਂ ਕੀ ਉਮੀਦ ਕੀਤੀ ਜਾ ਸਕਦੀ ਹੈ।
ਦਰਅਸਲ ਵਾਇਰਲ ਹੋ ਰਹੀ ਵੀਡੀਓ ਪਾਕਿਸਤਾਨ ਦੇ ਪੇਸ਼ਾਵਰ ਏਅਰਪੋਰਟ ਦੀ ਹੈ। ਇੱਥੇ ਵੱਡੀ ਗਿਣਤੀ ਵਿਚ ਲੋਕ ਹਜ ਕਰਕੇ ਵਾਪਸ ਆ ਰਹੇ ਸਨ। ਵਾਪਸੀ ਸਮੇਂ ਹਵਾਈ ਅੱਡੇ ‘ਤੇ ਜਿੱਥੇ ਲਗੇਜ਼ ਚੈਕਿੰਗ ਲਈ ਐਕਸ-ਰੇ ਮਸ਼ੀਨ ਲਗਾਈ ਗਈ ਸੀ, ਉਸ ਵਿਚੋਂ ਲੋਕ ਨਿਕਲਣ ਲੱਗੇ। ਸੁਰੱਖਿਆ ਕਰਮਚਾਰੀ ਇਹਨਾਂ ਨੂੰ ਰੋਕਦੇ ਰਹੇ ਪਰ ਲੋਕ ਨਹੀਂ ਰੁਕੇ।
ਦਰਅਸਲ ਇਹ ਲੋਕ ਮੱਕਾ-ਮਦੀਨਾ ਤੋਂ ਪਾਣੀ ਲੈ ਕੇ ਵਾਪਸ ਆ ਰਹੇ ਸਨ। ਇਸ ਪਵਿੱਤਰ ਜਲ ਨੂੰ ਜਮਜਮ ਕਿਹਾ ਜਾਂਦਾ ਹੈ। ਇਸਲਾਮ ਨੂੰ ਮੰਨਣ ਵਾਲਿਆਂ ਲਈ ਇਹ ਜਲ ਬਹੁਤ ਮਾਇਨੇ ਰੱਖਦਾ ਹੈ। ਫਲਾਈਟ ਲੈਂਡ ਹੋਣ ਤੋਂ ਬਾਅਦ ਇਹਨਾਂ ਲੋਕਾਂ ਨੂੰ ਡਰ ਸੀ ਕਿ ਇਹਨਾਂ ਦਾ ਜਲ ਕੋਈ ਹੋਰ ਨਾ ਲੈ ਜਾਵੇ, ਇਸ ਲਈ ਇਹ ਲੋਕ ਖ਼ੁਦ ਵੀ ਪਾਣੀ ਨਾਲ ਹੀ ਕਨਵੇਅਰ ਬੈਲਟ ਵਿਚ ਬੈਠ ਗਏ। ਲੋਕਾਂ ਦੀ ਇਸ ਹਰਕਤ ਤੋਂ ਉੱਥੇ ਤੈਨਾਤ ਸੁਰੱਖਿਆ ਕਰਮਚਾਰੀ ਬਹੁਤ ਪਰੇਸ਼ਾਨ ਹੋਏ। ਇਸ ਵੀਡੀਓ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਪਾਕਿਸਤਾਨ ਦਾ ਬਹੁਤ ਮਜ਼ਾਕ ਉੱਡ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।