FAA ਨੇ ਇਕ ਟਵੀਟ ਵਿਚ ਕਿਹਾ ਕਿ ਉਹ ਆਪਣੇ 'ਨੋਟਿਸ ਟੂ ਏਅਰ ਮਿਸ਼ਨ ਸਿਸਟਮ' ਨੂੰ ਬਹਾਲ ਕਰਨ 'ਤੇ ਕੰਮ ਕਰ ਰਿਹਾ ਹੈ।
ਨਿਊਯਾਰਕ: ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (ਐਫ.ਏ.ਏ.) ਵਿਚ ਕੰਪਿਊਟਰ ਦੀ ਖਰਾਬੀ ਤੋਂ ਬਾਅਦ ਅਮਰੀਕਾ ਵਿਚ ਸੈਂਕੜੇ ਜਹਾਜ਼ਾਂ ਦੀ ਆਵਾਜਾਈ ਠੱਪ ਹੋ ਗਈ ਹੈ। ਅਮਰੀਕੀ ਮੀਡੀਆ ਨੇ ਬੁੱਧਵਾਰ ਨੂੰ ਇਹ ਗੱਲ ਕਹੀ। 'ਫਾਕਸ ਨਿਊਜ਼' ਦੀ ਖਬਰ ਮੁਤਾਬਕ ਇਹ ਰੁਕਾਵਟ FAA ਦੇ 'NOTAM' (ਨੋਟਿਸ ਟੂ ਏਅਰ ਮਿਸ਼ਨ) ਸਿਸਟਮ 'ਚ ਖਰਾਬੀ ਤੋਂ ਬਾਅਦ ਸਾਹਮਣੇ ਆਈ ਹੈ। ਇਹ ਸਿਸਟਮ ਦੇਸ਼ ਭਰ ਦੇ ਹਵਾਈ ਅੱਡਿਆਂ 'ਤੇ ਫਲਾਈਟ ਮੁੱਦਿਆਂ ਅਤੇ ਹੋਰ ਸਹੂਲਤਾਂ ਵਿਚ ਦੇਰੀ ਬਾਰੇ ਪਾਇਲਟਾਂ ਅਤੇ ਹੋਰ ਕਰਮਚਾਰੀਆਂ ਨੂੰ ਸੁਚੇਤ ਕਰਦਾ ਹੈ।
FAA ਨੇ ਇਕ ਟਵੀਟ ਵਿਚ ਕਿਹਾ ਕਿ ਉਹ ਆਪਣੇ 'ਨੋਟਿਸ ਟੂ ਏਅਰ ਮਿਸ਼ਨ ਸਿਸਟਮ' ਨੂੰ ਬਹਾਲ ਕਰਨ 'ਤੇ ਕੰਮ ਕਰ ਰਿਹਾ ਹੈ। ਅਸੀਂ ਅੰਤਿਮ ਪ੍ਰਮਾਣਿਕਤਾ ਜਾਂਚ ਕਰ ਰਹੇ ਹਾਂ ਅਤੇ ਹੁਣ ਸਿਸਟਮ ਨੂੰ ਮੁੜ ਲੋਡ ਕਰ ਰਹੇ ਹਾਂ। ਰਾਸ਼ਟਰੀ ਏਅਰਸਪੇਸ ਸਿਸਟਮ ਵਿਚ ਸੰਚਾਲਨ ਪ੍ਰਭਾਵਿਤ ਹੈ। ਏਜੰਸੀ ਨੇ ਕਿਹਾ ਕਿ ਉਹ ਅਪਡੇਟ ਕੀਤੀ ਜਾਣਕਾਰੀ ਪ੍ਰਦਾਨ ਕਰਨਾ ਜਾਰੀ ਰੱਖੇਗੀ।
The FAA is working to restore its Notice to Air Missions System. We are performing final validation checks and reloading the system now.
Operations across the National Airspace System are affected.
We will provide frequent updates as we make progress.
FAA ਨੇ ਖਰਾਬੀ ਦੇ ਕਾਰਨ ਏਅਰਕ੍ਰਾਫਟ ਨੂੰ ਗਰਾਉਂਡ ਨਹੀਂ ਕੀਤਾ ਹੈ, ਜ਼ਿਆਦਾਤਰ ਏਅਰਲਾਈਨਾਂ ਨੇ ਸਿਸਟਮ ਦੀ ਖਰਾਬੀ ਦੇ ਕਾਰਨ ਆਪਣੇ ਖੁਦ ਦੇ ਜਹਾਜ਼ ਨੂੰ ਗਰਾਉਂਡ ਕਰਨ ਦੀ ਚੋਣ ਕੀਤੀ ਹੈ। ਫੌਕਸ ਨਿਊਜ਼ ਨੇ ਦੱਸਿਆ ਕਿ ਖਰਾਬੀ ਕਾਰਨ ਹੁਣ ਤੱਕ ਅਮਰੀਕਾ ਭਰ 'ਚ ਲਗਭਗ 400 ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।
