ਆਸਟਰੇਲੀਆ ਦੇ ਸ਼ਹਿਰ ਗੋਲਡ ਕੋਸਟ 'ਚ 21ਵੀਆਂ ਰਾਸ਼ਟਰਮੰਡਲ ਖੇਡਾਂ ਹੋ ਰਹੀਆਂ ਹਨ।

ਗੋਲਡ ਕੋਸਟ: ਆਸਟਰੇਲੀਆ ਦੇ ਸ਼ਹਿਰ ਗੋਲਡ ਕੋਸਟ 'ਚ 21ਵੀਆਂ ਰਾਸ਼ਟਰਮੰਡਲ ਖੇਡਾਂ ਹੋ ਰਹੀਆਂ ਹਨ। ਇਨ੍ਹਾਂ ਖੇਡਾਂ 'ਚ ਵੱਖ-ਵੱਖ ਦੇਸ਼ਾਂ ਦੇ ਖਿਡਾਰੀ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰ ਰਹੇ ਹਨ। ਆਸਟਰੇਲੀਆ, ਭਾਰਤ ਤੋਂ ਇਲਾਵਾ ਇਨ੍ਹਾਂ ਖੇਡਾਂ 'ਚ ਕੈਨੇਡਾ ਵੀ ਬਿਹਤਰੀਨ ਪ੍ਰਦਰਸ਼ਨ ਕਰ ਰਿਹਾ ਹੈ। ਕੈਨੇਡੀਅਨ ਤੈਰਾਕ ਟੇਲਰ ਰਕ ਨੇ ਰਾਸ਼ਟਰਮੰਡਲ ਖੇਡਾਂ 'ਚ 8 ਤਮਗ਼ੇ ਜਿੱਤੇ ਹਨ। ਇੰਨੇ ਤਮਗ਼ੇ ਜਿੱਤੇ ਕੇ ਉਸ ਨੇ ਕੌਮਾਂਤਰੀ ਖੇਡ ਸਟੇਜ 'ਤੇ ਇਤਿਹਾਸ ਰਚ ਦਿਤਾ ਹੈ। ਉਸ ਦਾ ਨਾਂ ਰਾਸ਼ਟਰਮੰਡਲ ਖੇਡਾਂ ਦੀ ਰਿਕਾਰਡ ਬੁੱਕ 'ਚ ਦਰਜ ਕੀਤਾ ਗਿਆ ਹੈ। Taylor Ruck17 ਸਾਲਾ ਕੈਨੇਡੀਅਨ ਤੈਰਾਕ ਟੇਲਰ ਨੇ 1 ਸੋਨੇ ਦਾ ਤਮਗ਼ਾ, 5 ਚਾਂਦੀ ਦੇ ਅਤੇ 2 ਕਾਸੀ ਦੇ ਤਮਗ਼ੇ ਜਿੱਤੇ ਹਨ। ਟੇਲਰ ਅਪਣੇ ਜਿੱਤੇ ਹੋਏ ਤਮਗ਼ਿਆਂ ਨੂੰ ਗਲ 'ਚ ਪਾ ਕੇ ਦਿਖਾਉਂਦੀ ਹੋਈ ਨਜ਼ਰ ਆ ਰਹੀ ਹੈ। ਟੇਲਰ ਤੋਂ ਪਹਿਲਾਂ ਇਸ ਰਿਕਾਰਡ ਨੂੰ ਕੋਈ ਨਹੀਂ ਬਣਾ ਸਕਿਆ। ਇਸ ਤੋਂ ਪਹਿਲਾਂ 1966 'ਚ ਕੈਨੇਡੀਅਨ ਤੈਰਾਕ ਈਲੇਨ ਟੈਂਨਰ ਨੇ 7 ਤਮਗ਼ੇ ਜਿੱਤੇ ਸਨ। ਟੇਲਰ ਰਾਸ਼ਟਰਮੰਡਲ ਖੇਡਾਂ ਵਿਚ ਹਿੱਸਾ ਲੈਣ ਵਾਲੀ ਇਕੱਲੀ ਕੈਨੇਡੀਅਨ ਫੀਮੇਲ ਖਿਡਾਰਣ ਹੈ। Taylor Ruckਇਸ ਤੋਂ ਪਹਿਲਾਂ ਟੇਲਰ 2016 ਦੀਆਂ ਰੀਉ ਉਲਪਿੰਕ ਖੇਡਾਂ 'ਚ ਕਾਸੀ ਦਾ ਤਮਗ਼ਾ ਜਿੱਤ ਚੁਕੀ ਹੈ। ਟੇਲਰ ਦਾ ਜਨਮ ਕੈਨੇਡਾ ਦੇ ਸੂਬੇ ਬ੍ਰਿਟਿਸ਼ ਕੋਲੰਬੀਆਂ ਦੇ ਸ਼ਹਿਰ ਕਲੋਨਾ 'ਚ ਸਾਲ 2000 'ਚ ਹੋਇਆ। ਉਸ ਦੇ ਮਾਪਿਆਂ ਦਾ ਕਹਿਣਾ ਹੈ ਕਿ ਸਾਨੂੰ ਖ਼ੁਸ਼ੀ ਹੈ ਕਿ ਸਾਡੀ ਧੀ ਤੈਰਾਕੀ ਦੀ ਚੰਗੀ ਖਿਡਾਰਣ ਹੈ ਅਤੇ ਉਸ ਨੇ 8 ਤਮਗ਼ੇ ਜਿੱਤੇ ਹਨ।