ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੁਧਵਾਰ (ਸਥਾਨਕ ਸਮੇਂ ਅਨੁਸਾਰ) ਚੀਨ ’ਤੇ ਟੈਰਿਫ਼ ਨੂੰ ਤੁਰਤ 125 ਫ਼ੀ ਸਦੀ ਤਕ ਵਧਾਉਣ ਦਾ ਐਲਾਨ ਕੀਤਾ।
Chinese Foreign Ministry: ਚੀਨ ਅਤੇ ਅਮਰੀਕਾ ਵਿਚਕਾਰ ਚੱਲ ਰਹੀ ਟੈਰਿਫ਼ ਜੰਗ ਦੇ ਵਿਚਕਾਰ, ਚੀਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਮਾਓ ਨਿੰਗ ਨੇ ਕਿਹਾ ਕਿ ਚੀਨ “ਉਕਸਾਉਣ ਤੋਂ ਨਹੀਂ ਡਰਦਾ, ਅਤੇ ਪਿੱਛੇ ਨਹੀਂ ਹਟੇਗਾ।’’
ਮਾਓ ਨਿੰਗ ਨੇ 1953 ’ਚ ਅਮਰੀਕਾ ਨਾਲ ਜੰਗ ਦੌਰਾਨ ਸਾਬਕਾ ਚੀਨੀ ਨੇਤਾ ਮਾਓ ਜੇ-ਤੁੰਗ ਦਾ ਇਕ ਵੀਡੀਉ ਸਾਂਝਾ ਕੀਤਾ। “ਅਸੀਂ ਚੀਨੀ ਹਾਂ। ਅਸੀਂ ਭੜਕਾਹਟ ਤੋਂ ਨਹੀਂ ਡਰਦੇ। ਅਸੀਂ ਪਿੱਛੇ ਨਹੀਂ ਹਟਦੇ, “ਮਾਓ ਨਿੰਗ ਨੇ ’ਤੇ ਵੀਡੀਉ ਸਾਂਝਾ ਕਰਦੇ ਹੋਏ ਕਿਹਾ “ਇਹ ਜੰਗ ਕਿੰਨੀ ਦੇਰ ਚੱਲੇਗੀ ਇਹ ਅਸੀਂ ਫ਼ੈਸਲਾ ਨਹੀਂ ਕਰ ਸਕਦੇ। “ਇਹ ਰਾਸ਼ਟਰਪਤੀ ਟਰੂਮੈਨ ’ਤੇ ਨਿਰਭਰ ਕਰਦਾ ਸੀ ਅਤੇ ਇਹ ਰਾਸ਼ਟਰਪਤੀ ਆਈਜਨਹਾਵਰ ’ਤੇ ਨਿਰਭਰ ਕਰੇਗਾ ਜਾਂ ਜੋ ਵੀ ਅਗਲਾ ਅਮਰੀਕੀ ਰਾਸ਼ਟਰਪਤੀ ਬਣਦਾ ਹੈ। ਇਹ ਉਨ੍ਹਾਂ ’ਤੇ ਨਿਰਭਰ ਕਰਦਾ ਹੈ।’’ ਉਨ੍ਹਾਂ ਕਿਹਾ, “ਇਹ ਜੰਗ ਭਾਵੇਂ ਕਿੰਨੀ ਵੀ ਦੇਰ ਚੱਲੇ, ਅਸੀਂ ਕਦੇ ਹਾਰ ਨਹੀਂ ਮੰਨਾਂਗੇ। ਅਸੀਂ ਪੂਰੀ ਤਰ੍ਹਾਂ ਜਿੱਤਣ ਤਕ ਲੜਾਂਗੇ।’’
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੁਧਵਾਰ (ਸਥਾਨਕ ਸਮੇਂ ਅਨੁਸਾਰ) ਚੀਨ ’ਤੇ ਟੈਰਿਫ਼ ਨੂੰ ਤੁਰਤ 125 ਫ਼ੀ ਸਦੀ ਤਕ ਵਧਾਉਣ ਦਾ ਐਲਾਨ ਕੀਤਾ। ਅਮਰੀਕੀ ਰਾਸ਼ਟਰਪਤੀ ਦਾ ਇਹ ਕਦਮ ਚੀਨ ਵਲੋਂ 10 ਅਪ੍ਰੈਲ ਤੋਂ ਅਮਰੀਕੀ ਸਾਮਾਨਾਂ ’ਤੇ ਅਪਣੇ ਟੈਰਿਫ਼ 34 ਫ਼ੀ ਸਦੀ ਤੋਂ ਵਧਾ ਕੇ 84 ਫ਼ੀ ਸਦੀ ਕਰਨ ਤੋਂ ਬਾਅਦ ਆਇਆ ਹੈ।
ਅਲ ਜਜੀਰਾ ਦੀ ਰੀਪੋਰਟ ਅਨੁਸਾਰ, ਚੀਨ ਨੇ ਐਲਾਨ ਕੀਤਾ ਹੈ ਕਿ ਉਹ 10 ਅਪ੍ਰੈਲ ਤੋਂ ਅਮਰੀਕੀ ਸਾਮਾਨਾਂ ’ਤੇ ਅਪਣੇ ਟੈਰਿਫ਼ 34 ਫ਼ੀ ਸਦੀ ਤੋਂ ਵਧਾ ਕੇ 84 ਫ਼ੀ ਸਦੀ ਕਰੇਗਾ। ਇਸ ਤੋਂ ਪਹਿਲਾਂ ਐਤਵਾਰ ਨੂੰ, ਟਰੰਪ ਨੇ ਚੀਨ ’ਤੇ ਟੈਰਿਫ਼ 50 ਫ਼ੀ ਸਦੀ ਵਾਧੂ ਵਧਾਉਣ ਦੀ ਧਮਕੀ ਦਿਤੀ ਸੀ ਜਦੋਂ ਬੀਜਿੰਗ ਨੇ 2 ਅਪ੍ਰੈਲ ਨੂੰ ਲਿਬਰੇਸ਼ਨ ਡੇਅ ਦੌਰਾਨ ਅਮਰੀਕੀ ਰਾਸ਼ਟਰਪਤੀ ਦੁਆਰਾ ਪਰਸਪਰ ਟੈਰਿਫ਼ ਦਾ ਐਲਾਨ ਕਰਨ ਤੋਂ ਬਾਅਦ 34 ਫ਼ੀ ਸਦੀ ਜਵਾਬੀ ਟੈਰਿਫ਼ ਵਾਧੇ ਨੂੰ ਲਾਗੂ ਕੀਤਾ ਸੀ।
