ਇੱਥੇ ਬਿਰਧ ਆਸ਼ਰਮਾਂ ਵਿਚ ਹੋਈਆਂ ਮੌਤਾਂ ਪੂਰੇ ਅਮਰੀਕਾ ਵਿਚ ਹੋਣ ਵਾਲੀਆਂ ਮੌਤਾਂ ਦਾ ਇਕ ਤਿਹਾਈ ਹਿੱਸਾ ਹਨ।
ਪੂਰੀ ਦੁਨੀਆਂ ਨੂੰ ਆਪਣੀ ਲਪੇਟ ਵਿਚ ਲੈਣ ਵਾਲੇ ਕਰੋਨਾ ਵਾਇਰਸ ਨੇ ਅਮਰੀਕਾ ਵਿਚ ਸਭ ਤੋਂ ਵੱਧ ਮਾਰ ਕੀਤੀ ਹੈ। ਪਰ ਕੱਲ ਅਮਰੀਕਾ ਵਿਚ ਕਰੋਨਾ ਵਾਇਰਸ ਦੇ ਕੇਸਾਂ ਅਤੇ ਮੌਤਾਂ ਦੀ ਗਿਣਤੀ ਦੀ ਦਰ ਵਿਚ ਕਮੀਂ ਦਰਜ਼ ਕੀਤੀ ਗਈ ਹੈ। ਕੱਲ ਐਤਵਾਰ ਨੂੰ ਇੱਥੇ 20,329 ਕੇਸ ਸਾਹਮਣੇ ਆਏ ਅਤੇ 750 ਲੋਕਾਂ ਦੀ ਮੌਤ ਹੋਈ ਹੈ।
Coronavirus
ਉੱਥੇ ਹੀ ਜੇਕਰ ਇਸ ਤੋਂ ਇਕ ਦਿਨ ਪਹਿਲਾਂ ਦੇ ਕੇਸਾਂ ਦੀ ਗੱਲ ਕਰੀਏ ਤਾਂ ਇੱਥੇ 25,524 ਕੇਸ ਦਰਜ਼ ਹੋਏ ਅਤੇ 1422 ਲੋਕਾਂ ਦੀ ਮੌਤ ਹੋਈ ਸੀ। ਦੱਸ ਦੱਈਏ ਕਿ ਪੂਰੀ ਦੁਨੀਆਂ ਦੇ ਕਰੀਬ ਇੱਕ ਤਿਹਾਈ ਕਰੋਨਾ ਮਰੀਜ਼ ਇਕੱਲੇ ਅਮਰੀਕਾ ਵਿਚ ਹੀ ਹਨ। ਜਿੱਥੇ ਇਸ ਵਾਇਰਸ ਨਾਲ 13 ਲੱਖ ਤੋਂ ਜ਼ਿਆਦਾ ਲੋਕ ਪ੍ਰਭਾਵਿਤ ਹੋ ਚੁੱਕੇ ਹਨ।
covid 19
ਨਿਊਯਾਰਕ, ਨਵਿਊਜਰਸੀ ਤੇ ਕੈਲੇਫੋਰਨੀਆ 'ਚ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ। ਵਰਲਡੋਮੀਟਰ ਮੁਤਾਬਕ ਅਮਰੀਕਾ 'ਚ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦੀ ਸੰਖਿਆਂ ਸੋਮਵਾਰ ਸਵੇਰ ਤੱਕ ਵਧ ਕੇ 13, 67,638 ਹੋ ਗਈ। ਉੱਥੇ ਹੀ ਕੁੱਲ 80,787 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਹਾਲਾਂਕਿ 2,56,000 ਲੋਕ ਠੀਕ ਵੀ ਹੋਏ ਹਨ। ਨਿਊਯਾਰਕ 'ਚ ਸਭ ਤੋਂ ਵੱਧ 3,45,406 ਕੇਸ ਸਾਹਮਣੇ ਆਏ ਹਨ ਤੇ 26,812 ਲੋਕਾਂ ਦੀ ਮੌਤ ਹੋਈ ਹੈ।
Coronavirus
ਦੱਸ ਦੱਈਏ ਕਿ ਅਮਰੀਕਾ ਵਿਚ ਬਿਰਧ ਆਸ਼ਰਮ ਅਤੇ ਅਜਿਹੀਆਂ ਹੋਰ ਸੰਸਥਾਵਾਂ ਵਿਚ ਕਰੀਬ 25,600 ਦੇ ਕਰੀਬ ਬਜੁਰਗ ਅਤੇ ਕਰਮਚਾਰੀ ਇਸ ਵਾਇਰਸ ਨਾਲ ਮਾਰੇ ਜਾ ਚੁੱਕੇ ਹਨ। ਇਨ੍ਹਾਂ ਬਿਰਧ ਆਸ਼ਰਮਾਂ ਵਿਚ ਹੋਈਆਂ ਮੌਤਾਂ ਪੂਰੇ ਅਮਰੀਕਾ ਵਿਚ ਹੋਣ ਵਾਲੀਆਂ ਮੌਤਾਂ ਦਾ ਇਕ ਤਿਹਾਈ ਹਿੱਸਾ ਹਨ।
covid 19
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
