ਗ੍ਰਿਫ਼ਤਾਰ ਕੀਤੇ ਮੁਲਜ਼ਮ ਦਾ ਨਾਮ ਰਵਿੰਦਰਪਾਲ ਸੇਖੋ ਹੈ
ਬਰੈਂਪਟਨ : ਬਰੈਂਪਟਨ ਦੇ ਵਾਸੀ ਰਵਿੰਦਰਪਾਲ ਸੇਖੋਂ ਨੂੰ ਉਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ, ਜਿਸ ’ਤੇ ਹੈਰੋਇਨ ਤੇ ਹੋਰ ਨਸ਼ਾ ਰੱਖਣ ਦੇ ਦੋਸ਼ ਲੱਗੇ ਹਨ। ਉਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਦੱਸਿਆ ਕਿ 7 ਮਈ ਨੂੰ ਸ਼ਾਮ ਪੰਜ ਵਜੇ ਗੁਡਰੋ ਡੁਬਰੌਇਵਿਲ ਵਿਖੇ ਇੱਕ ਕਾਰੋਬਾਰੀ ਅਦਾਰੇ ਵਿਚੋਂ ਕੁੱਝ ਮਾਤਰਾ ਵਿਚ ਨਸ਼ਾ ਬਰਾਮਦ ਹੋਇਆ ਸੀ, ਜਿਸ ਵਿਚ ਹੈਰੋਇਨ ਤੇ ਮੈਥਮਫੈਟਾਮਾਈਨ ਸ਼ਾਮਲ ਹੈ। ਜਾਂਚ-ਪੜਤਾਲ ਮਗਰੋਂ ਪੁਲਿਸ ਟੀਮ ਨੇ ਇਸ ਮਾਮਲੇ ਵਿਚ ਬਰੈਂਪਟਨ ਦੇ ਵਾਸੀ 46 ਸਾਲ ਦੇ ਰਵਿੰਦਰਪਾਲ ਸੇਖੋਂ ਨੂੰ ਗ੍ਰਿਫ਼ਤਾਰ ਕਰ ਲਿਆ, ਜਿਸ ’ਤੇ ਪਾਬੰਦੀ ਸ਼ੁਧਾ ਨਸ਼ਾ ਹੈਰੋਇਨ ਤੇ ਮੈਥਮਫੈਟਾਮਾਈਨ ਰੱਖਣ ਦੇ ਦੋਸ਼ ਆਇਦ ਕੀਤੇ ਗਏ।