ਨਾਈਜੀਰੀਆ ਵਿਚ ਤੇਲ ਨਾਲ ਭਰੇ ਇਕ ਟੈਂਕਰ ਦੇ ਪਲਟਣ ਤੋਂ ਬਾਅਦ ਹੋਏ ਵਿਸਫੋਟ ਵਿਚ ਦਰਜਨਾਂ ਲੋਕਾਂ ਦੀ ਮੌਤ ਦਾ ਸੰਦੇਹ ਹੈ। ਟੈਂਕਰ ਵਿਚੋਂ ਵਗ ਰਹੇ ਤੇਲ ਨੂੰ ਜਮਾਂ ਕਰਨ...
ਨਾਈਜੀਰੀਆ : ਨਾਈਜੀਰੀਆ ਵਿਚ ਤੇਲ ਨਾਲ ਭਰੇ ਇਕ ਟੈਂਕਰ ਦੇ ਪਲਟਣ ਤੋਂ ਬਾਅਦ ਹੋਏ ਵਿਸਫੋਟ ਵਿਚ ਦਰਜਨਾਂ ਲੋਕਾਂ ਦੀ ਮੌਤ ਦਾ ਸੰਦੇਹ ਹੈ। ਟੈਂਕਰ ਵਿਚੋਂ ਵਗ ਰਹੇ ਤੇਲ ਨੂੰ ਜਮਾਂ ਕਰਨ ਲਈ ਲੋਕ ਇਕੱਠੇ ਹੋਏ ਸਨ। ਪੁਲਿਸ ਦੇ ਬੁਲਾਰੇ ਇਰੇਨਾ ਉਗਬੋ ਨੇ ਨਿਊਜ਼ ਏਜੰਸੀ 'ਦ ਐਸੋਸੀਏਟਡ ਪ੍ਰੈਸ ਨੂੰ ਦੱਸਿਆ ਕਿ ਸ਼ੁੱਕਰਵਾਰ ਨੂੰ ਕ੍ਰਾਸ ਰੀਵਰ ਰਾਜ ਦੇ ਓਡੁਕਪਾਨੀ ਵਿਚ ਹੋਏ ਵਿਸਫੋਟ ਵਿਚ 12 ਲੋਕਾਂ ਦੀ ਮੌਤ ਹੋ ਗਈ ਅਤੇ 22 ਲੋਕ ਬੁਰੀ ਤਰ੍ਹਾਂ ਝੁਲਸ ਗਏ ਪਰ ਉੱਥੋਂ ਦੇ ਨਿਵਾਸੀ ਲਾਸ਼ਾਂ ਦੀ ਗਿਣਤੀ 60 ਤੱਕ ਦੱਸ ਰਹੇ ਹਨ।
ਇਸ ਘਟਨਾ ਦੇ ਸਾਹਮਣੇ ਦੇਖਣ ਵਾਲਾ ਰਿਚਰਡ ਜਾਨਸਨ ਨੇ ਕਿਹਾ ਕਿ ਕਈ ਲੋਕ ਬੁਰੀ ਤਰ੍ਹਾਂ ਨਾਲ ਸੜ੍ਹ ਗਏ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਦਰਜਨ ਲੋਕ ਬਾਲਣ ਜਮਾਂ ਕਰ ਰਹੇ ਸਨ ਅਤੇ ਉਨ੍ਹਾਂ ਵਿਚੋਂ ਕਿਸੇ ਦੀ ਵੀ ਬਚਨ ਦੀ ਆਸ ਨਹੀਂ ਹੈ। ਜਾਨਸਨ ਨੇ ਸ਼ੱਕ ਜ਼ਾਹਿਰ ਕੀਤਾ ਕਿ ਹੋ ਸਕਦਾ ਹੈ, ਬਾਲਣ ਨੂੰ ਪੰਪ ਕਰਕੇ ਜਮਾਂ ਕਰਨ ਦੇ ਉਦੇਸ਼ ਤੋਂ ਲਿਆਏ ਗਏ ਬਿਜਲੀ ਦੇ ਜਨਰੇਟਰ ਨਾਲ ਅੱਗ ਲਗੀ ਹੋਵੇ। ਨਾਈਜੀਰੀਆ ਵਿਚ ਹਾਲ ਦੇ ਸਾਲਾਂ ਵਿਚ ਇਸੇ ਤਰ੍ਹਾਂ ਦੀ ਦੁਰਘਟਨਾ ਵਿਚ ਕਈ ਲੋਕਾਂ ਦੀ ਮੌਤ ਹੋਈ ਹੈ।