ਪ੍ਰਧਾਨ ਮੰਤਰੀ ਨੇ ਵਪਾਰੀਆਂ ਨਾਲ ਮੀਟਿੰਗ ਦੌਰਾਨ ਕੀਤਾ ਖੁਲਾਸਾ
ਇਸਲਾਮਾਬਾਦ : ਪਾਕਿਸਤਾਨ ਦੀ ਵਿਗੜ ਰਹੀ ਅਰਥ-ਵਿਵਸਥਾ ਕਾਰਨ ਜਿੱਥੇ ਆਮ ਲੋਕਾਂ ਨੂੰ ਦੋ ਵਕਤ ਦੀ ਰੋਟੀ ਲਈ ਸੰਘਰਸ਼ ਕਰਨਾ ਪੈ ਰਿਹੈ ਉਥੇ ਹੀ ਪਾਕਿ ਪ੍ਰਧਾਨ ਮੰਤਰੀ ਨੂੰ ਵੀ ਮਿਲਦੀ ਤਨਖ਼ਾਹ 'ਚ ਗੁਜ਼ਾਰਾ ਕਰਨਾ ਮੁਸ਼ਕਲਾ ਲੱਗ ਰਿਹੈ। ਖ਼ਬਰਾਂ ਮੁਤਾਬਕ ਇਮਰਾਨ ਖ਼ਾਨ ਨੂੰ ਜਿੰਨੀ ਸੈਲਰੀ ਮਿਲਦੀ ਹੈ, ਉਸ ਨਾਲ ਉਹ ਘਰ ਦਾ ਖ਼ਰਚਾ ਵੀ ਨਹੀਂ ਚਲਾ ਪਾ ਰਹੇ।
Photo
ਇਹ ਦਾ ਖ਼ੁਲਾਸਾ ਖੁਦ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਵਪਾਰੀਆਂ ਨਾਲ ਕੀਤੀ ਮੀਟਿੰਗ ਦੌਰਾਨ ਕੀਤਾ ਹੈ। ਅਸਲ ਵਿਚ ਇਮਰਾਨ ਖ਼ਾਨ ਵਪਾਰੀਆਂ ਨੂੰ ਟੈਕਸ ਭਰਨ ਦੀ ਅਹਿਮੀਅਤ ਬਾਰੇ ਸਮਝਾ ਰਹੇ ਸਨ। ਪਾਕਿਸਤਾਨ ਦੇ ਇਕ ਨਿਊਜ਼ ਚੈਨਲ ਦੇ ਦਾਅਵੇ ਅਨੁਸਾਰ ਉਸ ਨੂੰ ਪ੍ਰਧਾਨ ਮੰਤਰੀ ਦੀ ਸੈਲਰੀ ਸਲਿਪ ਮਿਲੀ ਹੈ। ਇਸ ਵਿਚ ਪ੍ਰਧਾਨ ਮੰਤਰੀ ਨੂੰ ਮਿਲਦੀ ਗ੍ਰੋਸ ਸੈਲਰੀ ਦੀ ਰਾਸ਼ੀ 2,01574 ਰੁਪਏ ਦਰਜ ਹੈ। ਇਸ ਵਿਚੋਂ ਟੈਕਸ ਬਗੈਰਾ ਕੱਟਣ ਬਾਅਦ ਇਮਰਾਨ ਖ਼ਾਨ ਨੂੰ ਮਿਲਦੀ ਕੁੱਲ ਸੈਲਰੀ ਦੀ ਰਕਮ 1,96,979 ਰੁਪਏ ਬਣਦੀ ਹੈ।
Photo
ਅਸਲ ਵਿਚ ਪਾਕਿਸਤਾਨ ਪ੍ਰਧਾਨ ਮੰਤਰੀ ਨੇ ਇਹ ਇਕਸਾਫ਼ ਆਮ ਲੋਕਾਂ ਦਾ ਦਿਲ ਜਿੱਤਣ ਲਈ ਕੀਤਾ ਹੈ। ਪਾਕਿਸਤਾਨ ਅੰਦਰ ਇਸ ਵੇਲੇ ਮਹਿੰਗਾਈ ਆਪਣੀ ਚਰਮ ਸੀਮਾ 'ਤੇ ਹੈ। ਆਮ ਲੋਕਾਂ ਨੂੰ ਰੋਟੀ ਦੇ ਲਾਲੇ ਪਏ ਹੋਏ ਹਨ। ਪਾਕਿਸਤਾਨ ਅੰਦਰ ਆਮ ਆਦਮੀ ਜ਼ਰੂਰਤ ਦੇ ਹਿਸਾਬ ਨਾਲ ਪੈਸੇ ਨਹੀਂ ਕਮਾ ਪਾ ਰਿਹਾ। ਕਿਉਂਕਿ ਪਾਕਿਸਤਾਨ ਅੰਦਰ ਰੋਜ਼ਮਰਾਂ ਦੀਆਂ ਜ਼ਰੂਰੀ ਚੀਜ਼ਾਂ ਦੀਆਂ ਕੀਮਤਾਂ ਵੀ ਅਸਮਾਨ ਛੂੰਹ ਰਹੀਆਂ ਹਨ।
Photo
ਇਥੋਂ ਤਕ ਕਿ ਰੋਟੀ, ਦਾਲ, ਚੌਲ ਤੇ ਹੋਰ ਖਾਣ-ਪੀਣ ਦੀਆਂ ਚੀਜ਼ਾਂ ਵੀ ਆਮ ਆਦਮੀ ਦੀ ਪਹੁੰਚ ਤੋਂ ਦੂਰ ਹੁੰਦੀਆਂ ਜਾ ਰਹੀਆਂ ਹਨ। ਇਮਰਾਨ ਖ਼ਾਨ ਵਲੋਂ ਤਨਖ਼ਾਹ ਨਾਲ ਗੁਜ਼ਾਰਾ ਨਾ ਹੋਣ ਦਾ ਰੌਣਾ ਵੀ ਲੋਕਾਂ ਨੂੰ ਇਹ ਜਿਤਾਉਣ ਲਈ ਰੋਇਆ ਜਾ ਰਿਹੈ ਕਿ ਉਹ ਵੀ ਆਮ ਲੋਕਾਂ ਵਾਂਗ ਮੁਸ਼ਕਲ ਦੌਰ ਵਿਚੋਂ ਗੁਜ਼ਰ ਰਹੇ ਹਨ।
Photo
ਉਥੇ ਹੀ ਕੁੱਝ ਲੋਕਾਂ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਨੂੰ ਮਿਲ ਰਹੀ ਬੇਸਿਕ ਸੈਲਰੀ ਨਾਲ ਵੀ ਆਮ ਆਦਮੀ ਦਾ ਘਰ ਸੌਖੀ ਤਰ੍ਹਾਂ ਚਲਾਇਆ ਜਾ ਸਕਦਾ ਹੈ। ਜਦਕਿ ਪ੍ਰਧਾਨ ਮੰਤਰੀ ਕੋਲ ਸਰਕਾਰੀ ਸੈਲਰੀ ਤੋਂ ਇਲਾਵਾ ਆਮਦਨੀ ਦੇ ਹੋਰ ਵੀ ਸਰੋਤ ਮੌਜੂਦ ਹਨ।
