ਸਾਲ 2020 ਵਿਚ ਨਾਸਾ ਮੰਗਲ ਗ੍ਰਹਿ 'ਤੇ ਇਕ ਅਪਣੇ ਆਪ ਚੱਲਣ ਵਾਲਾ ਹੈਲੀਕਾਪਟਰ ਭੇਜਣ ਦੀ ਤਿਆਰੀ ਕਰ ਰਿਹਾ ਹੈ ਜੋ ਮਾਰਸ ਰੋਵਰ ...
ਵਾਸ਼ਿੰਗਟਨ : ਸਾਲ 2020 ਵਿਚ ਨਾਸਾ ਮੰਗਲ ਗ੍ਰਹਿ 'ਤੇ ਇਕ ਅਪਣੇ ਆਪ ਚੱਲਣ ਵਾਲਾ ਹੈਲੀਕਾਪਟਰ ਭੇਜਣ ਦੀ ਤਿਆਰੀ ਕਰ ਰਿਹਾ ਹੈ ਜੋ ਮਾਰਸ ਰੋਵਰ ਮਿਸ਼ਨ ਦੇ ਨਾਲ ਜਾਏਗਾ। ਨਾਸਾ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਛੋਟਾ ਹਲਕਾ ਮਾਰਸ ਹੈਲੀਕਾਪਟਰ ਇਸ ਲਾਲ ਗ੍ਰਹਿ 'ਤੇ ਹਵਾ ਤੋਂ ਭਾਰੀ ਵਾਹਨਾਂ ਦੇ ਵਿਵਹਾਰ ਅਤੇ ਸਮਰੱਥਾ ਦਾ ਪ੍ਰਦਰਸ਼ਨ ਕਰੇਗਾ।
nasa is sending helicopter to mars
ਨਾਸਾ ਦੇ ਪ੍ਰਸ਼ਾਸਕ ਜਿਮ ਬ੍ਰਿਡੈਂਸਟੀਨ ਨੇ ਇਕ ਬਿਆਨ ਵਿਚ ਕਿਹਾ ਕਿ ਕਿਸੇ ਹੋਰ ਗ੍ਰਹਿ ਦੇ ਆਸਮਾਨ ਵਿਚ ਹੈਲੀਕਾਪਟਰ ਨੂੰ ਉਡਾਉਣ ਦਾ ਵਿਚਾਰ ਰੋਮਾਂਚਕ ਹੈ,। ਮਾਰਸ ਹੈਲੀਕਾਪਟਰ ਮੰਗਲ ਗ੍ਰਹਿ ਲਈ ਸਾਡੇ ਭਵਿੱਖ ਦੇ ਵਿਗਿਆਨ, ਖੋਜ ਅਤੇ ਖੋਜ ਮਿਸ਼ਨ ਲਈ ਬਹੁਤ ਕੁੱਝ ਮੁਹੱਈਆ ਕਰਵਾਏਗਾ।
nasa is sending helicopter to mars
ਇਸ ਯੋਜਨਾ ਦੀ ਸ਼ੁਰੂਆਤ ਨਾਸਾ ਦੇ ਜੈੱਟ ਪ੍ਰੋਪਲਸਨ ਲੈਬਾਰਟਰੀ (ਜੇਪੀਐਲ) ਵਿਚ ਸਾਲ 2013 ਵਿਚ ਅਗੱਸਤ ਵਿਚ ਇਕ ਤਕਨੀਕ ਵਿਕਾਸ ਯੋਜਨਾ ਦੇ ਰੂਪ ਵਿਚ ਹੋਈ ਸੀ।
nasa is sending helicopter to mars
ਮਾਰਸ ਹੈਲੀਕਾਪਟਰ ਦਾ ਵਜ਼ਨ ਮਹਿਜ਼ 1.8 ਕਿਲੋਗ੍ਰਾਮ ਹੈ। ਇਹ ਹੈਲੀਕਾਪਟਰ ਮਾਰਸ ਦੇ ਪਤਲੇ ਵਾਯੂ ਮੰਡਲ ਵਿਚ ਕੰਟਰੋਲ ਵਾਲੇ ਤਰੀਕੇ ਨਾਲ ਉਡਾਨ ਭਰਨ ਦੀ ਕੋਸ਼ਿਸ਼ ਕਰੇਗਾ। ਇਸ ਵਿਚ ਸੋਲਰ ਬੈਟਰੀਆਂ ਹਨ, ਜੋ ਇਸ ਦੀਆਂ ਲੀਥੀਅਮ ਆਇਨ ਬੈਟਰੀਆਂ ਨੂੰ ਚਾਰਜ ਕਰਨਗੀਆਂ।
nasa is sending helicopter to mars
ਇਸ ਵਿਚ ਨਾਲ ਹੀ ਇਸ ਨੂੰ ਗਰਮ ਰੱਖਣ ਦੀ ਵਿਵਸਥਾ ਤਕਨੀਕ ਦੁਆਰਾ ਕੀਤੀ ਗਈ ਹੈ ਤਾਕਿ ਮੰਗਲ 'ਤੇ ਰਾਤ ਦੇ ਠੰਡੇ ਵਾਤਾਵਰਣ ਵਿਚ ਇਹ ਗਰਮ ਰਹਿ ਸਕੇ।
