ਇਜ਼ਰਾਈਲ ਨੇ ਕਿਹਾ- ਦੁਸ਼ਮਣ ਨੂੰ ਸ਼ਾਂਤ ਕਰ ਕੇ ਹੀ ਰਹਾਂਗੇ
ਗਾਜ਼ਾ - ਇਜ਼ਰਾਈਲ ਅਤੇ ਫਿਲਸਤੀਨ ਵਿਚਾਲੇ ਹਫ਼ਤਿਆਂ ਦੇ ਤਣਾਅ ਨੇ ਹੁਣ ਹਿੰਸਕ ਰੂਪ ਧਾਰਨ ਕਰ ਲਿਆ ਹੈ। ਹਮਾਸ, ਜਿਸ ਨੂੰ ਇਜ਼ਰਾਈਲ (ਫਿਲਸਤੀਨ ਵਿਚ ਇਕ ਅੱਤਵਾਦੀ ਸੰਗਠਨ ਮੰਨਿਆ ਜਾਂਦਾ ਹੈ) ਨੇ ਇਜ਼ਰਾਈਲ ਉੱਤੇ ਤਕਰੀਬਨ 3,000 ਰਾਕੇਟ ਚਲਾਏ ਹਨ। ਇਸ ਹਮਲੇ ਤੋਂ ਬਾਅਦ, ਇਜ਼ਰਾਈਲ ਨੇ ਆਪਣੀ ਸਭ ਤੋਂ ਸ਼ਕਤੀਸ਼ਾਲੀ ਹਵਾਈ ਸੈਨਾ ਨੂੰ ਜੰਗ ਦੇ ਮੈਦਾਨ ਵਿਚ ਉਤਾਰਿਆ, ਜਿਸ ਕਾਰਨ ਫਿਲਸਤੀਨ ਵਿਚ ਭਾਰੀ ਤਬਾਹੀ ਹੋਈ ਹੈ।
WATCH as the Iron Dome Aerial Defense System intercepts rockets over southern Israel: pic.twitter.com/xUz3bMuTzz
— Israel Defense Forces (@IDF) May 12, 2021
ਇਜ਼ਰਾਈਲ ਅਤੇ ਫਿਲਸਤੀਨ ਵਿਚਾਲੇ ਇਸ ਯੁੱਧ ਵਿਚ ਹੁਣ ਤਕ 6 ਇਜ਼ਰਾਇਲੀ ਅਤੇ 53 ਫਿਲਸਤੀਨੀ ਨਾਗਰਿਕਾਂ ਦੀ ਮੌਤ ਹੋ ਗਈ ਹੈ, ਇਕ ਭਾਰਤੀ ਜਿਸ ਵਿਚ ਇਕ ਭਾਰਤੀ ਔਰਤ ਵੀ ਸ਼ਾਮਲ ਹੈ। ਪਿਛਲੇ ਕਈ ਦਿਨਾਂ ਤੋਂ ਇਜ਼ਰਾਈਲ ਅਤੇ ਫਿਲਸਤੀਨ ਦਰਮਿਆਨ ਜਿਸ ਤਰ੍ਹਾਂ ਦੀ ਸਥਿਤੀ ਬਣੀ ਹੋਈ ਹੈ, ਉਸ ਨੂੰ ਵੇਖਦਿਆਂ ਕਿਹਾ ਜਾ ਰਿਹਾ ਹੈ ਕਿ ਖ਼ਤਰਾ ਹੋਰ ਵੀ ਵੱਧ ਸਕਦਾ ਹੈ। ਇਜ਼ਰਾਈਲ ਦੇ ਰੱਖਿਆ ਮੰਤਰੀ ਬੈਨੀ ਗੈਂਟਸ ਨੇ ਬੁੱਧਵਾਰ ਸ਼ਾਮ ਨੂੰ ਕਿਹਾ- ਸਾਡੀ ਫੌਜ ਹੁਣ ਗਾਜ਼ਾ ਪੱਟੀ ਅਤੇ ਫਿਲਸਤੀਨ ‘ਤੇ ਹਮਲੇ ਬੰਦ ਨਹੀਂ ਕਰੇਗੀ।
Israeli Attack
ਸਾਡੀ ਫੌਜ ਉਦੋਂ ਤੱਕ ਨਹੀਂ ਰੁਕੇਗੀ ਜਦੋਂ ਤੱਕ ਦੁਸ਼ਮਣ ਪੂਰੀ ਤਰ੍ਹਾਂ ਸ਼ਾਂਤ ਨਹੀਂ ਹੋ ਜਾਂਦਾ। ਦੁਸ਼ਮਣ ਦੇ ਮੁਕੰਮਲ ਖਾਤਮੇ ਤੋਂ ਬਾਅਦ ਹੀ ਸ਼ਾਂਤੀ ਬਹਾਲੀ ਬਾਰੇ ਕੋਈ ਗੱਲਬਾਤ ਕੀਤੀ ਜਾਵੇਗੀ। ਦੱਸ ਦਈਏ ਕਿ ਗਾਜਾ ਦੇ ਕੱਟੜਪੰਥੀਆਂ ਨੇ ਸੋਮਵਾਰ ਸ਼ਾਮ ਤੋਂ ਇਜਰਾਈਲ ‘ਤੇ ਸੈਂਕੜੇ ਰਾਕੇਟ ਦਾਗੇ ਅਤੇ ਮੰਗਲਵਾਰ ਰਾਤ 9 ਵਜੇ ਤਕ (ਸਥਾਨਕ ਸਮੇਂ ਮੁਤਾਬਕ) ਹਿੰਸਾ ਵਿਚ ਘੱਟੋ-ਘੱਟ 31 ਲੋਕਾਂ ਦੀ ਮੌਤ ਹੋ ਗਈ। ਇਸ ਦੌਰਾਨ ਲਾਡ ਸ਼ਹਿਰ ਵਿਚ ਹਿੰਸਾ ਨੂੰ ਦੇਖਦੇ ਹੋਏ ਐਮਰਜੈਂਸੀ ਲਾਗੂ ਕਰ ਦਿਤੀ ਗਈ ਸੀ। ਇਜ਼ਰਾਈਲ ਨੇ ਗਾਜਾ ਪੱਟੀ ਵਿਚ ਹਮਾਸ ਅਤੇ ਇਸਲਾਮਿਕ ਜਿਹਾਦ ਨੂੰ ਨਿਸ਼ਾਨਾ ਬਣਾ ਕੇ ਸੈਂਕੜੇ ਹਵਾਈ ਹਮਲੇ ਕੀਤੇ ਹਨ।
ਅਜਿਹਾ ਦਸਿਆ ਜਾ ਰਿਹਾ ਹੈ ਕਿ ਫ਼ਲਸਤੀਨੀ ਕੱਟੜਪੰਥੀਆ ਦੇ ਹਮਲੇ ਵਿਚ ਮਾਰੀ ਗਈ ਭਾਰਤੀ ਔਰਤ ਪਿਛਲੇ 7 ਸਾਲ ਤੋਂ ਇਜ਼ਰਾਈਲ ਵਿਚ ਰਹਿ ਰਹੀ ਸੀ ਅਤੇ ਉਸ ਦਾ 9 ਸਾਲ ਦਾ ਬੇਟਾ ਹੈ ਜੋ ਉਸ ਦੇ ਪਤੀ ਕੋਲ ਕੇਰਲ ਵਿਚ ਰਹਿੰਦਾ ਹੈ। ਸਥਾਨਕ ਮੀਡੀਆ ਵਿਚ ਆਈਆਂ ਖ਼ਬਰਾਂ ਵਿਚ ਦਸਿਆ ਗਿਆ ਹੈ ਕਿ ਭਾਰਤੀ ਔਰਤ ਜਿਸ 80 ਸਾਲਾ ਬਜ਼ੁਰਗ ਔਰਤ ਦੀ ਦੇਖਭਾਲ ਕਰਦੀ ਸੀ ਉਸ ਘਰ ’ਤੇ ਸਿੱਧੇ ਡਿੱਗੇ ਰਾਕੇਟ ਹਮਲੇ ਵਿਚ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਈ ਅਤੇ ਉਸ ਨੂੰ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਜਿਥੇ ਉਸ ਦੀ ਮੌਤ ਹੋ ਗਈ।
