Canada News: ਕੈਨੇਡੀਅਨ ਸਰਕਾਰ ਹੁਣ ਯੋਜਨਾ ਨੂੰ ਗ੍ਰੈਜੂਏਟਾਂ ਤਕ ਸੀਮਤ ਕਰ ਸਕਦੀ ਹੈ
Will Canada change the Post Graduate Work Permit (PGWP) program: ਕੈਨੇਡਾ ਦਾ ਪੋਸਟ ਗ੍ਰੈਜੂਏਟ ਵਰਕ ਪਰਮਿਟ (PGWP) ਪ੍ਰੋਗਰਾਮ, ਜੋ ਕੁੱਝ ਸੰਸਥਾਵਾਂ ਤੋਂ ਗ੍ਰੈਜੂਏਟ ਹੋਣ ਵਾਲੇ ਵਿਦਿਆਰਥੀਆਂ ਨੂੰ ਅਸਥਾਈ ਤੌਰ ’ਤੇ ਕੰਮ ਕਰਨ ਲਈ ਕੈਨੇਡਾ ’ਚ ਰਹਿਣ ਦੀ ਇਜਾਜ਼ਤ ਦਿੰਦਾ ਹੈ, ’ਚ ਤਬਦੀਲੀਆਂ ਹੋ ਸਕਦੀਆਂ ਹਨ ਜਿਸ ਨਾਲ ਭਾਰਤੀ ਵਿਦਿਆਰਥੀ ਵੀ ਪ੍ਰਭਾਵਤ ਹੋ ਸਕਦੇ ਹਨ।
ਪਰਮਿਟ ਦੀ ਮਿਆਦ ਅਧਿਐਨ ਪ੍ਰੋਗਰਾਮ ਦੇ ਪੱਧਰ ਅਤੇ ਮਿਆਦ ਜਾਂ ਵਿਦਿਆਰਥੀ ਦੇ ਪਾਸਪੋਰਟ ਦੀ ਮਿਆਦ ਖਤਮ ਹੋਣ ਦੀ ਮਿਤੀ, ਜੋ ਵੀ ਪਹਿਲਾਂ ਆਉਂਦੀ ਹੈ, ’ਤੇ ਨਿਰਭਰ ਕਰਦੀ ਹੈ। ਵਿਦਿਆਰਥੀਆਂ ਨੂੰ ਕੁੱਝ ਮਾਪਦੰਡਾਂ ਨੂੰ ਪੂਰਾ ਕਰਨਾ ਲਾਜ਼ਮੀ ਹੈ, ਜਿਸ ’ਚ ਇਕ ਨਿਰਧਾਰਤ ਸਿਖਲਾਈ ਸੰਸਥਾ (ਡੀ.ਐਲ.ਆਈ.) ’ਚ ਇਕ ਪੂਰੇ ਸਮੇਂ ਦਾ ਵਿਦਿਆਰਥੀ ਹੋਣਾ ਅਤੇ ਘੱਟੋ-ਘੱਟ 18 ਸਾਲ ਦਾ ਹੋਣਾ ਸ਼ਾਮਲ ਹੈ।
ਇਹ ਵੀ ਪੜ੍ਹੋ: Ujjain Betting News: ਭਾਰਤ ਵਿਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਰੇਡ, ਮਿਲਿਆ ਕਰੋੜਾਂ ਦਾ ਖ਼ਜ਼ਾਨਾ, ਨੋਟ ਗਿਣਦੇ-ਗਿਣਦੇ ਥੱਕੇ ਅਧਿਕਾਰੀ
ਕੈਨੇਡੀਅਨ ਸਰਕਾਰ ਹੁਣ PGWP ਯੋਗਤਾ ਨੂੰ ਕਿਰਤ ਬਾਜ਼ਾਰ ਦੀਆਂ ਜ਼ਰੂਰਤਾਂ ਨਾਲ ਜੋੜਨ ਅਤੇ PGWP ਧਾਰਕਾਂ ਦੀ ਸਮੁੱਚੀ ਮਾਤਰਾ ਨੂੰ ਘਟਾਉਣ ’ਤੇ ਵਿਚਾਰ ਕਰ ਰਹੀ ਹੈ। ਇਸ ਦਾ ਮਤਲਬ ਇਹ ਹੈ ਕਿ ਇਹ ਯੋਜਨਾ ਗ੍ਰੈਜੂਏਟਾਂ ਤਕ ਸੀਮਤ ਹੋ ਸਕਦੀ ਹੈ ਜੋ ਮਜ਼ਦੂਰਾਂ ਦੀ ਘਾਟ ਦਾ ਸਾਹਮਣਾ ਕਰ ਰਹੇ ਖੇਤਰਾਂ ’ਚ ਕੰਮ ਕਰਨਗੇ। ਸਰਕਾਰ ਦਾ ਟੀਚਾ ਜਨਵਰੀ 2025 ਤਕ ਇਨ੍ਹਾਂ ਤਬਦੀਲੀਆਂ ਨੂੰ ਲਾਗੂ ਕਰਨਾ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਤਬਦੀਲੀਆਂ ਲਾਗੂ ਹੋਣ ਦੀ ਹਾਲਤ ’ਚ ਕੀ ਕਰ ਸਕਦੇ ਹਨ ਭਾਰਤੀ ਵਿਦਿਆਰਥੀ?
ਜੇ ਇਹ ਤਬਦੀਲੀਆਂ ਲਾਗੂ ਕੀਤੀਆਂ ਜਾਂਦੀਆਂ ਹਨ ਤਾਂ ਭਾਰਤੀ ਵਿਦਿਆਰਥੀ ਪ੍ਰਭਾਵਤ ਹੋ ਸਕਦੇ ਹਨ। ਮਾਹਰ ਸੁਝਾਅ ਦਿੰਦੇ ਹਨ ਕਿ ਵਿਦਿਆਰਥੀਆਂ ਨੂੰ PGWP ਅਤੇ ਵੀਜ਼ਾ ਪ੍ਰਾਪਤ ਕਰਨ ਦੀਆਂ ਸੰਭਾਵਨਾਵਾਂ ਨੂੰ ਵਧਾਉਣ ਲਈ ਆਮ ਕੋਰਸਾਂ ਦੀ ਬਜਾਏ ਹੁਨਰ-ਅਧਾਰਤ, ਵਿਸ਼ੇਸ਼ ਪ੍ਰੋਗਰਾਮਾਂ ਦੀ ਚੋਣ ਕਰਨੀ ਚਾਹੀਦੀ ਹੈ। ਸਿਫਾਰਸ਼ ਕੀਤੇ ਖੇਤਰਾਂ ’ਚ ਅਕਾਊਂਟੈਂਸੀ, ਰਸੋਈ ਕਲਾਵਾਂ, ਵਿਗਿਆਨ, ਬੈਂਕਿੰਗ, ਨਰਸਿੰਗ, ਇੰਜੀਨੀਅਰਿੰਗ, ਆਈ.ਟੀ., ਬਾਇਓਸਾਇੰਸਜ਼, ਮਾਰਕੀਟਿੰਗ ਅਤੇ ਪ੍ਰਬੰਧਨ, ਮਨੁੱਖੀ ਸਰੋਤ, ਆਰਟੀਫਿਸ਼ੀਅਲ ਇੰਟੈਲੀਜੈਂਸ, ਬਿਜ਼ਨਸ ਇੰਟੈਲੀਜੈਂਸ, ਕਲਾਉਡ ਆਰਕੀਟੈਕਚਰ, ਸੁਰੱਖਿਆ ਵਿਸ਼ਲੇਸ਼ਣ ਅਤੇ ਫਾਰਮੇਸੀ ਸ਼ਾਮਲ ਹਨ।
ਹਾਲਾਂਕਿ, ਕੁੱਝ ਆਲੋਚਕ ਦਲੀਲ ਦਿੰਦੇ ਹਨ ਕਿ ਅਜਿਹੀਆਂ ਤਬਦੀਲੀਆਂ ਇਕ ਕੌਮਾਂਤਰੀ ਅਧਿਐਨ ਮੰਜ਼ਿਲ ਵਜੋਂ ਕੈਨੇਡਾ ਦੀ ਸਾਖ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ ਅਤੇ ਹੁਨਰਮੰਦ ਵਿਦਿਆਰਥੀਆਂ ਨੂੰ ਆਕਰਸ਼ਿਤ ਕਰਨ ਦੀ ਇਸ ਦੀ ਯੋਗਤਾ ਨੂੰ ਕਮਜ਼ੋਰ ਕਰ ਸਕਦੀਆਂ ਹਨ। ਉਹ ਚੇਤਾਵਨੀ ਦਿੰਦੇ ਹਨ ਕਿ ਇਸ ਕਦਮ ਨਾਲ ਦੇਸ਼ ਦੇ ਚੋਟੀ ਦੇ ਨਿਰਯਾਤ ਖੇਤਰਾਂ ’ਚੋਂ ਇਕ ਨੂੰ ਜੋਖਮ ’ਚ ਪੈ ਸਕਦਾ ਹੈ ਅਤੇ ਉਦਯੋਗ ਨੂੰ ਠੀਕ ਹੋਣ ’ਚ ਕਈ ਸਾਲ ਲੱਗ ਸਕਦੇ ਹਨ।
(For more Punjabi news apart from Will Canada change the Post Graduate Work Permit (PGWP) program? stay tuned to Rozana Spokesman)
