ਬੋਇੰਗ ਨੇ 737 ਮੈਕਸ ਜਹਾਜ਼ਾਂ ਦੀ ਸਪਲਾਈ ਰੋਕੀ
Published : Mar 15, 2019, 7:33 pm IST
Updated : Mar 15, 2019, 7:33 pm IST
SHARE ARTICLE
Boeing 787 Max
Boeing 787 Max

ਇਥੋਪੀਆ ਵਿਚ ਵਾਪਰੇ ਜਹਾਜ਼ ਹਾਦਸੇ 'ਚ 157 ਲੋਕਾਂ ਦੀ ਹੋਈ ਸੀ ਮੌਤ

ਵਾਸ਼ਿੰਗਟਨ : ਇਥੋਪੀਆ ਵਿਚ ਜਹਾਜ਼ ਹਾਦਸਾ ਹੋਣ ਤੋਂ ਬਾਅਦ ਜਹਾਜ਼ ਬਣਾਉਣ ਵਾਲੀ ਕੰਪਨੀ ਬੋਇੰਗ ਨੇ ਅਪਣੇ ਸਭ ਤੋਂ ਜ਼ਿਆਦਾ ਵਿਕਣ ਵਾਲੇ 737 ਮੈਕਸ ਜਹਾਜ਼ ਦੀ ਸਪਲਾਈ ਨੂੰ ਫ਼ਿਲਹਾਲ ਰੋਕ ਦਿਤਾ ਹੈ। ਇਥੋਪਿਆਈ ਏਅਰਲਾਈਨਜ਼ ਦੇ ਹਾਦਸਾਗ੍ਰਸਤ ਹੋਏ ਜਹਾਜ਼ ਦਾ ਬਲੈਕ ਬਾਕਸ ਮਿਲਣ ਤੋਂ ਬਾਅਦ ਕੰਪਨੀ ਨੇ ਇਹ ਕਾਰਵਾਈ ਕੀਤੀ ਹੈ। 

ਇਸ ਹਾਦਸੇ ਵਿਚ ਜਹਾਜ਼ 'ਚ ਸਵਾਰ ਸਾਰੇ 157 ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ। ਇਸ ਘਟਨਾ ਤੋਂ ਬਾਅਦ ਦੁਨੀਆਂ ਦੇ ਕਈ ਦੇਸ਼ਾਂ ਨੇ ਅਪਣੀਆਂ ਘਰੇਲੂ ਜਹਾਜ਼ ਕੰਪਨੀਆਂ ਨੂੰ 737 ਮੈਕਸ ਜਹਾਜ਼ਾਂ ਨੂੰ ਨਾ ਉਡਾਉਣ ਦਾ ਨਿਰਦੇਸ਼ ਦਿਤਾ ਸੀ। ਪੰਜ ਮਹੀਨੇ ਦੇ ਅੰਦਰ ਬੋਇੰਗ 737 ਮੈਕਸ ਦਾ ਇਹ ਦੂਜਾ ਜਹਾਜ਼ ਹੈ ਜੋ ਹਾਦਸਾਗ੍ਰਸਤ ਹੋਇਆ ਹੈ। ਬੋਇੰਗ ਦੇ ਬੁਲਾਰੇ ਨੇ ਕਿਹਾ ਕਿ ਜਦ ਤਕ ਹੋਰ ਹਲ ਲੱਭ ਨਹੀਂ ਲਿਆ ਜਾਂਦਾ, ਉਦੋਂ ਕੰਪਨੀ ਨੇ 737 ਮੈਕਸ ਜਹਾਜ਼ ਦੀ ਸਪਲਾਈ ਰੋਕਣ ਦਾ ਫ਼ੈਸਲਾ ਕੀਤਾ ਹੈ।

Ethiopian Airlines flight crashEthiopian Airlines flight crash

ਫ਼ਰਾਂਸ ਦੀ ਹਵਾਈ ਸੁਰੱਖਿਆ ਏਜੰਸੀ ਬੀਈਏ ਨੇ ਪੁਸ਼ਟੀ ਕੀਤੀ ਹੈ ਕਿ ਉਸ ਨੂੰ ਜਹਾਜ਼ ਦਾ ਬਲੈਕ ਬਾਕਸ ਰਿਕਾਰਡਰ ਮਿਲ ਗਿਆ ਹੈ। ਬੀਈਏ ਦੇ ਅਧਿਕਾਰੀ ਕਾਕਪਿਟ ਵਾਇਸ ਤੇ ਫ਼ਲਾਈਟ ਡਾਟਾ ਰਿਕਾਰਡਜ਼ ਤੋਂ ਹੋਰ ਜਾਣਕਾਰੀ ਹਾਸਲ ਕਰਨ ਦੀ ਕੋਸ਼ਿਸ਼ ਕਰਨਗੇ। ਇਥੋਪਿਆਈ ਏਅਰਲਾਈਨਜ਼ ਨੇ ਜਹਾਜ਼ ਦੇ ਬਲੈਕ ਬਾਕਸ ਨੂੰ ਫ਼ਰਾਂਸ ਭੇਜਿਆ ਹੈ ਕਿਉਂਕਿ ਉਸ ਦੇ ਕੋਲ ਅੰਕੜਿਆਂ ਦਾ ਵਿਸ਼ਲੇਸ਼ਣ ਕਰਨ ਲਈ ਉਪਕਰਨ ਨਹੀਂ ਹਨ। ਅਮਰੀਕੀ ਏਜੰਸੀਆਂ ਨੇ ਕੁੱਝ ਦਿਨ ਪਹਿਲਾਂ ਕਿਹਾ ਸੀ ਕਿ ਇਥੋਪਿਆਈ ਜਹਾਜ਼ ਹਾਦਸੇ ਤੇ ਪਿਛਲੇ ਸਾਲ ਅਕਤੂਬਰ ਵਿਚ ਹੋਏ ਜਹਾਜ਼ ਹਾਦਸੇ ਵਿਚ ਕੁੱਝ ਸਮਾਨਤਾਵਾਂ ਹਨ। ਇੰਡੋਨੇਸ਼ੀਆ ਦੀ ਲਾਇਨ ਏਅਰਲਾਈਨਜ਼ ਦਾ ਜਿਹੜਾ ਜਹਾਜ਼ ਹਾਦਸਾਗ੍ਰਸਤ ਹੋਇਆ ਸੀ, ਉਸ ਵਿਚ ਲਗਭਗ 189 ਵਿਅਕਤੀਆਂ ਦੀ ਮੌਤ ਹੋਈ ਸੀ। 

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement