ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ ਰੂਸ ਦੇ ਉਸ ਪ੍ਰਸਤਾਵ ਨੂੰ ਭਾਰੀ ਬਹੁਮਤ ਨਾਲ ਖ਼ਾਰਜ ਕਰ ਦਿਤਾ ਹੈ, ਜਿਸ ਵਿਚ ਉਸ ਨੇ ,..
ਸੰਯੁਕਤ ਰਾਸ਼ਟਰ : ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ ਰੂਸ ਦੇ ਉਸ ਪ੍ਰਸਤਾਵ ਨੂੰ ਭਾਰੀ ਬਹੁਮਤ ਨਾਲ ਖ਼ਾਰਜ ਕਰ ਦਿਤਾ ਹੈ, ਜਿਸ ਵਿਚ ਉਸ ਨੇ ਅਮਰੀਕਾ, ਬ੍ਰਿਟੇਨ ਅਤੇ ਫ਼ਰਾਂਸ ਦੁਆਰਾ ਸੀਰੀਆ 'ਤੇ ਕੀਤੇ ਗਏ ਹਮਲੇ ਦੀ ਨਿੰਦਾ ਦੀ ਗੱਲ ਆਖੀ ਸੀ। ਇਸ ਦੇ ਨਾਲ ਹੀ ਸੀਰੀਆ ਦੇ ਰਸਾਇਣਕ ਹਥਿਆਰਾਂ ਦੇ ਟਿਕਾਣਿਆਂ ਨੂੰ ਟੀਚਾ ਬਦਾ ਕੇ ਕੀਤੇ ਜਾ ਰਹੇ ਗਠਜੋੜ ਦੇ ਹਵਾਈ ਹਮਲਿਆਂ ਨੂੰ ਸੁਰੱਖਿਆ ਪ੍ਰੀਸ਼ਦ ਦਾ ਵੋਟ ਵੀ ਮਿਲ ਗਿਆ ਹੈ।
UN rejects Russia's proposal of condemning American attack on Syria
ਰੂਸ ਵਲੋਂ ਬੁਲਾਈ ਗਈ ਐਮਰਜੈਂਸੀ ਮੀਟਿੰਗ ਵਿਚ ਹਾਲਾਂਕਿ ਇਸ ਗੱਲ ਨੂੰ ਲੈ ਕੇ ਨਿਰਾਸ਼ਾ ਵੀ ਜ਼ਾਹਿਰ ਕੀਤੀ ਗਈ ਕਿ ਕੌਮਾਂਤਰੀ ਸੰਗਠਨ ਦੀ ਇਹ ਸਭ ਤੋਂ ਤਾਕਤਵਰ ਇਕਾਈ ਪਿਛਲੇ ਸੱਤ ਸਾਲਾਂ ਤੋਂ ਚਲੇ ਆ ਰਹੇ ਸੀਰੀਆਈ ਨਾਲ ਨਿਪਟਣ ਵਿਚ ਨਾਕਾਮ ਨਜ਼ਰ ਆਈ ਹੈ।
UN rejects Russia's proposal of condemning American attack on Syria
ਤਿੰਨ ਪੱਛਮੀ ਦੇਸ਼ਾਂ ਦੇ ਗਠਜੋੜ ਦੀਆਂ ਫ਼ੌਜਾਂ ਦੁਆਰਾ ਸੀਰੀਆ ਵਿਚ ਹਮਲੇ ਅਤੇ ਅੱਗੇ ਕਿਸੇ ਤਰ੍ਹਾਂ ਦੇ ਬਲ ਦੀ ਵਰਤੋਂ ਦੀ ਨਿੰਦਾ ਅਤੇ ਇਸ ਨੂੰ ਤੁਰਤ ਰੋਕੇ ਜਾਣ ਦੀ ਮੰਗ ਵਾਲੇ ਪ੍ਰਸਤਾਵ ਨੂੰ 15 ਮੈਂਬਰ ਦੇਸ਼ਾਂ ਵਾਲੀ ਸੁਰੱਖਿਆ ਪ੍ਰੀਸ਼ਦ ਦੇ ਸਿਰਫ਼ ਦੋ ਦੇਸ਼ਾਂ ਚੀਨ ਅਤੇ ਬੋਲੀਵਿਆ ਦਾ ਸਾਥ ਮਿਲਿਆ।
UN rejects Russia's proposal of condemning American attack on Syria
ਇਸ ਦੇ ਉਲਟ ਅੱਠ ਦੇਸ਼ਾਂ ਨੇ ਰੂਸੀ ਪ੍ਰਸਤਾਵ ਵਿਰੁਧ ਵੋਟ ਦਿਤਾ। ਇਨ੍ਹਾਂ ਵਿਚ ਅਮਰੀਕਾ, ਬ੍ਰਿਟੇਨ, ਫ਼ਰਾਂਸ, ਨੀਦਰਲੈਂਡ, ਸਵੀਡਨ, ਕੁਵੈਤ, ਪੋਲੈਂਡ ਅਤੇ ਆਈਵਰੀ ਕੋਸਟ ਸ਼ਾਮਲ ਹਨ। ਵੋਟਿੰਗ ਦੌਰਾਨ ਚਾਰ ਦੇਸ਼ ਇਥੋਪੀਆ, ਕਜ਼ਾਖਿ਼ਸਤਾਨ, ਇਕਵੇਟੋਰੀਅਲ ਗਿਨੀ ਅਤੇ ਪੇਰੂ ਗ਼ੈਰ ਹਾਜ਼ਰ ਰਹੇ।
