ਈਸਟਚਰਚ ਹਮਲੇ ਦੇ ਦੋਸ਼ੀ ਨੇ ਅਦਾਲਤ ਦੇ ਵਿਚ ਪੇਸ਼ੀ ਦੌਰਾਨ ਅਪਣਾ ਗੁਨਾਹ ਕਬੂਲਣ ਤੋਂ ਇਨਕਾਰ ਕਰ ਦਿਤਾ।
ਔਕਲੈਂਡ (ਹਰਜਿੰਦਰ ਸਿੰਘ ਬਸਿਆਲਾ): ਬੀਤੀ 15 ਮਾਰਚ ਨੂੰ ਕ੍ਰਾਈਸਟਚਰਚ ਸ਼ਹਿਰ ਦੀਆਂ ਦੋ ਮਸਜਿਦਾਂ ਦੇ ਵਿਚ ਨਮਾਜ ਅਦਾ ਕਰਨ ਪਹੁੰਚੇ ਨਮਾਜੀਆਂ ਨੂੰ ਜਿਸ ਬੇਹੱਦ ਘਿਨਾਉਣੇ ਸਖਸ਼ (ਬਰੈਨਟਨ ਟਾਰੈਂਟ-28) ਨੇ ਸ਼ਰੇਆਮ ਗੋਲੀਆਂ ਦਾ ਮੀਂਹ ਵਰਾਉਂਦਿਆਂ 51 ਨਿਹੱਥੇ ਲੋਕਾਂ ਨੂੰ ਮਾਰ ਮੁਕਾਇਆ ਸੀ, ਨੇ ਅਦਾਲਤ ਦੇ ਵਿਚ ਪੇਸ਼ੀ ਦੌਰਾਨ ਅਪਣਾ ਗੁਨਾਹ ਕਬੂਲਣ ਤੋਂ ਇਨਕਾਰ ਕਰ ਦਿਤਾ।
Christchurch mosque attack
ਹੁਣ ਅਦਾਲਤ ਨੂੰ ਅਤੇ ਸਰਕਾਰੀ ਤੰਤਰ ਨੂੰ ਬਹਿਸ ਦੇ ਵਿਚ ਇਹ ਸਾਬਿਤ ਕਰਨਾ ਹੋਵੇਗਾ ਕਿ ਤੂੰ ਹੀ ਸਾਰ ਨਿਹੱਥੇ ਲੋਕਾਂ ਨੂੰ ਮਾਰਿਆ ਹੈ। ਇਹ ਅਦਾਲਤੀ ਬਹਿਸ ਅਗਲੇ ਸਾਲ 4 ਮਈ 2020 ਨੂੰ ਸ਼ੁਰੂ ਹੋਵੇਗੀ ਅਤੇ ਲਗਪਗ ਦੋ ਮਹੀਨਿਆਂ ਤਕ ਚੱਲ ਸਕਦੀ ਹੈ। 51 ਕਤਲਾਂ ਅਤੇ 40 ਇਰਾਦਾ ਏ ਕਤਲ ਦਾ ਦੋਸ਼ ਇਸਦੇ ਸਿਰ ਉਤੇ ਹੈ, ਇਸਨੇ ਸ਼ੋਸਲ ਮੀਡੀਆ ਉਤੇ ਲਾਈਵ ਹੋ ਕੇ ਇਹ ਕਾਰਾ ਕੀਤਾ ਅਤੇ ਬੇਸ਼ਰਮੀ ਦੇ ਨਾਲ ਕਹਿ ਦਿਤਾ ਕਿ ਮੈਂ ਨਹੀਂ ਕੀਤਾ।
Christchurch mosque attack
ਕ੍ਰਾਈਸਟਚਰਚ ਹਾਈਕੋਰਟ ਦੇ ਵਿਚ ਇਸਦੀ ਪੇਸ਼ੀ ਆਡੀਓ-ਵਾਡੀਓ ਲਿੰਕ ਰਾਹੀਂ ਕੀਤੀ ਗਈ ਜਦ ਕਿ ਇਸਨੂੰ ਪਾਰੇਮੋਰੀਮੋ ਜ਼ੇਲ੍ਹ ਔਕਲੈਂਡ ਦੇ ਵਿਚ ਰਖਿਆ ਹੋਇਆ ਹੈ। ਪੇਸ਼ੀ ਦੌਰਾਨ ਇਹ ਮਿੰਨਾ ਮਿੰਨਾ ਹੱਸਿਆ ਵੀ ਅਤੇ ਇਧਰ ਉਧਰ ਵੇਖਦਾ ਰਿਹਾ। 16 ਅਗਸਤ ਤਕ ਇਸ ਦੋਸ਼ੀ ਦਾ ਰਿਮਾਂਡ ਫਿਰ ਦੇ ਦਿਤਾ ਗਿਆ ਹੈ ਤੇ ਉਸ ਦਿਨ ਸਵਾ 9 ਵਜੇ ਫਿਰ ਪੇਸ਼ੀ ਹੋਵੇਗੀ। ਇਸ ਦੋਸ਼ੀ ਉਤੇ ਅਤਿਵਾਦ ਕਾਨੂੰਨ ਦੇ ਤਹਿਤ ਵੀ ਦੋ ਦੋਸ਼ ਆਇਦ ਕੀਤੇ ਗਏ ਹਨ।
