ਬਰਫ਼ ਦੀ ਢਿੱਗਾਂ ਹੇਠ ਆ ਗਿਆ ਸੀ ਘਰ
ਮੁਸ਼ੱਫਰਾਬਾਦ : ਮਕਬੂਜ਼ਾ ਕਸ਼ਮੀਰ ਦੇ ਨੀਲਮ ਘਾਟੀ ਇਲਾਕੇ ਅੰਦਰ ਬਰਫ਼ ਦੀਆਂ ਢਿੱਗਾਂ ਹੇਠ 18 ਘੰਟੇ ਤਕ ਦੱਬੀ ਰਹੀ 12 ਸਾਲਾ ਬੱਚੀ ਅਖੀਰ ਮੌਤ ਨੂੰ ਮਾਤ ਦੇਣ 'ਚ ਕਾਮਯਾਬ ਹੋ ਗਈ ਹੈ। ਖ਼ਬਰਾਂ ਮੁਤਾਬਕ ਇਹ ਬੱਚੀ ਬਰਫ਼ ਦੀਆਂ ਢਿੱਗਾਂ ਡਿੱਗਣ ਕਾਰਨ ਤਬਾਹ ਹੋਏ ਘਰ ਅੰਦਰ ਦੱਬੀ ਗਈ ਸੀ।
Photo
ਸਮੀਨਾ ਬੀਬੀ ਨਾਂ ਦੀ ਇਸ ਬੱਚੀ ਨੂ ਜਦੋਂ ਰਾਹਤ ਟੀਮ ਨੇ ਬਾਹਰ ਕੱਢਿਆ ਤਾਂ ਉਸ ਦੇ ਮੂੰਹ ਵਿਚੋਂ ਖ਼ੂਨ ਨਿਕਲ ਰਿਹਾ ਸੀ। ਇਸ ਤੋਂ ਇਲਾਵਾ ਉਸ ਦਾ ਇਕ ਪੈਰ ਵੀ ਟੁੱਟ ਗਿਆ ਸੀ।
Photo
ਬੇਹੱਦ ਮੁਸ਼ਕਲ ਹਾਲਾਤ 'ਚ ਉਸ ਦਾ ਜਿਊਦਾ ਰਹਿਣਾ ਕਿਸੇ ਵੱਡੇ ਚਮਤਕਾਰ ਤੋਂ ਘੱਟ ਨਹੀਂ ਹੈ। ਇਸ ਸਮੇਂ ਸਮੀਨਾ ਦਾ ਮੁਜ਼ੱਫਰਾਬਾਦ ਦੇ ਇਕ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਡਾਕਟਰਾਂ ਮੁਤਾਬਕ ਬੱਚੀ ਦੀ ਹਾਲਤ ਹੁਣ ਖ਼ਤਰੇ 'ਚੋਂ ਬਾਹਰ ਹੈ।
Photo
ਸਮੀਨਾ ਦੀ ਮਾਂ ਸ਼ਹਿਨਾਜ਼ ਬੀਬੀ ਨੇ ਦਸਿਆ ਕਿ ਬਰਫ਼ ਦੀਆਂ ਢਿੱਗਾਂ ਡਿੱਗਣ ਕਾਰਨ ਉੁਸ ਦੇ ਪਰਵਾਰ ਦੇ ਦੋ ਬੱਚਿਆਂ ਦੀ ਮੌਤ ਗਈ ਹੈ। ਸਮੀਨਾ ਦੀ ਵੀ ਜਿਊਂਦੇ ਬਚਣ ਦੀ ਉਨ੍ਹਾਂ ਨੂੰ ਕੋਈ ਉਮੀਦ ਨਹੀਂ ਸੀ ਪਰ ਜਦੋਂ ਰਾਹਤ ਟੀਮ ਨੇ ਜਦੋਂ ਉਸ ਨੂੰ ਬਾਹਰ ਕੱਢਿਆ ਤਾਂ ਉਹ ਚਮਤਕਾਰੀ ਢੰਗ ਨਾਲ ਜਿਊਦੀ ਨਿਕਲੀ।
Photo
ਸਮੀਨਾ ਦੀ ਮਾਂ ਮੁਤਾਬਕ ਮੰਗਲਵਾਰ ਨੂੰ ਬਰਫ਼ਬਾਰੀ ਸਮੇਂ ਸ਼ਹਿਨਾਜ਼ ਦੇ ਤਿੰਨ ਮੰਜ਼ਿਲਾ ਮਕਾਨ 'ਚ ਕਈ ਲੋਕ ਸਰਦੀ ਤੋਂ ਬਚਣ ਲਈ ਧੂਣੀ ਬਾਲ ਕੇ ਬੈਠੇ ਸਨ। ਇਸੇ ਦੌਰਾਨ ਬਰਫ਼ ਦੀਆਂ ਢਿੱਗਾਂ ਡਿੱਗਣ ਕਾਰਨ ਉਹ ਇਸ ਦੀ ਲਪੇਟ ਵਿਚ ਆ ਗਏ ਸਨ।
Photo
ਦੱਸ ਦਈਏ ਕਿ ਪਾਕਿਸਤਾਨ ਦੇ ਰਾਸ਼ਟਰੀ ਆਫ਼ਤ ਪ੍ਰਬੰਧਨ ਅਥਾਰਟੀ ਅਨੁਸਾਰ ਪਾਕਿਸਤਾਨ 'ਚ ਭਿਆਨਕ ਬਰਫ਼ਬਾਰੀ ਕਾਰਨ 100 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਕੱਲੇ ਮਕਬੂਜ਼ਾ ਕਸ਼ਮੀਰ 'ਚ 76 ਲੋਕ ਮੌਤ ਦੇ ਮੂੰਹ ਵਿਚ ਜਾ ਚੁੱਕੇ ਹਨ। ਜਦਕਿ ਆਉਂਦੇ ਸਮੇਂ 'ਚ ਹੋਰ ਬਰਫ਼ਬਾਰੀ ਹੋਣ ਦੀ ਸੰਭਾਵਨਾ ਹੈ।
