ਵਿਗਿਆਨੀਆਂ ਨੇ ਚਮਗਿੱਦੜਾਂ ਅੰਦਰ ਛੇ ਨਵੇਂ ਕੋਰੋਨਾ ਵਾਇਰਸ ਲੱਭੇ
Published : Apr 16, 2020, 8:32 am IST
Updated : Apr 16, 2020, 8:41 am IST
SHARE ARTICLE
File photo
File photo

ਵਿਗਿਆਨੀਆਂ ਨੇ ਮਿਆਂਮਾਰ ਵਿਚ ਚਮਗਿੱਦੜਾਂ ਅੰਦਰ ਛੇ ਨਵੇਂ ਕੋਰੋਨਾ ਜੀਵਾਣੂ ਲੱਭੇ ਹਨ। ਦੁਨੀਆਂ ਵਿਚ ਇਹ ਪਹਿਲੀ ਵਾਰ ਹੈ ਜਦ ਕਿਤੇ ਇਹ ਵਾਇਰਸ ਮਿਲੇ

ਵਾਸ਼ਿੰਗਟਨ, 15 ਅਪ੍ਰੈਲ : ਵਿਗਿਆਨੀਆਂ ਨੇ ਮਿਆਂਮਾਰ ਵਿਚ ਚਮਗਿੱਦੜਾਂ ਅੰਦਰ ਛੇ ਨਵੇਂ ਕੋਰੋਨਾ ਜੀਵਾਣੂ ਲੱਭੇ ਹਨ। ਦੁਨੀਆਂ ਵਿਚ ਇਹ ਪਹਿਲੀ ਵਾਰ ਹੈ ਜਦ ਕਿਤੇ ਇਹ ਵਾਇਰਸ ਮਿਲੇ ਹਨ। ਰਸਾਲੇ 'ਪੀਐਲਓਐਸ ਵਨ' ਵਿਚ ਛਪੀ ਖੋਜ ਰੀਪੋਰਟ ਚਮਗਿੱਦੜਾਂ ਵਿਚ ਕੋਰਨਾ ਜੀਵਾਣੂਆਂ ਦੀ ਵੰਨ-ਸੁਵੰਨਤਾ ਨੂੰ ਸਮਝਣ ਅਤੇ ਕੋਵਿਡ-19 ਮਹਾਮਾਰੀ ਕਾਰਨ ਲਾਗ ਦੇ ਰੋਗ ਦਾ ਪਤਾ ਲਾਉਣ, ਇਸ ਨੂੰ ਰੋਕਣ ਅਤੇ ਇਸ ਦਾ ਇਲਾਜ ਲੱਭਣ ਦੇ ਯਤਨਾਂ ਵਿਚ ਮਦਦ ਕਰੇਗੀ। ਸਿਮਥਸੋਨੀਐਂਸ ਨੈਸ਼ਨਲ ਜ਼ੂ ਅਤੇ ਅਮਰੀਕਾ ਦੀ ਕੰਜ਼ਰਵੇਸ਼ਨ ਬਾਇਉਲੋਜੀ ਇੰਸਟੀਚਿਊਟ ਦੇ ਖੋਜਕਾਰਾਂ ਦਾ ਇਹ ਅਧਿਐਨ ਮਨੁੱਖੀ ਸਿਹਤ ਪ੍ਰਤੀ ਜੋਖਮ ਨੂੰ ਬਿਹਤਰ ਰੂਪ ਵਿਚ ਸਮਝਣ ਲਈ ਤਮਾਮ ਨਸਲਾਂ ਵਿਚ ਪਸਾਰ ਦੀ ਸੰਭਾਵਨਾ ਦੇ ਵਿਸ਼ਲੇਸ਼ਣ ਵਿਚ ਸਹਾਇਤਾ ਕਰੇਗਾ।

ਖੋਜਕਾਰਾਂ ਨੇ ਕਿਹਾ ਕਿ ਖੋਜੇ ਗਏ ਕੋਰੋਨਾ ਵਾਇਰਸ ਸਾਰਸ ਕੋਵ-1, ਮਿਡਲ ਈਸਟ ਰੈਸਪੀਰੇਟਰੀ ਸਿੰਡਰਮ ਯਾਨੀ ਐਮਈਆਰਐਸ ਅਤੇ ਸਾਰਸ ਕੋਵ 2 ਸਬੰਧੀ ਕੋਰੋਨਾ ਜੀਵਾਣੂਆਂ ਦੇ ਕਰੀਬੀ ਸਬੰਧੀ ਨਹੀਂ ਹਨ। ਸੰਸਥਾ ਦੇ ਮਾਰਕ ਵੈਲੇਟੁਟੋ ਨੇ ਕਿਹਾ, 'ਵਿਸ਼ਾਣੂਆਂ ਤੋਂ ਪੈਦਾ ਹੋਣ ਵਾਲੀ ਮਹਾਮਾਰੀ ਸਾਨੂੰ ਯਾਦ ਕਰਾਉਂਦੀ ਹੈ ਕਿ ਇਨਸਾਨੀ ਸਿਹਤ ਕਿੰਨੀ ਨੇੜਿਉਂ ਜਾਨਵਰਾਂ ਦੀ ਸਿਹਤ ਅਤੇ ਵਾਤਾਰਵਣ ਨਾਲ ਜੁੜੀ ਹੋਈ ਹੈ। ਖੋਜਕਾਰਾਂ ਨੂੰ ਇਨ੍ਹਾਂ ਜੀਵਾਣੂਆਂ ਬਾਰੇ ਉਦੋਂ ਪਤਾ ਲੱਗਾ ਜਦ ਉਹ ਬੀਮਾਰੀ ਦੀਆਂ ਹਾਲਤਾਂ ਨੂੰ ਬਿਹਤਰ ਢੰਗ ਨਾਲ ਸਮਝਣ ਲਈ ਮਨੁੱਖ ਅਤੇ ਜਾਨਵਰਾਂ ਨਾਲ ਸਬੰਧਤ ਨਿਗਰਾਨੀ ਕਾਰਜ ਕਰ ਰਹੇ ਸਨ।

File photoFile photo

ਵਿਗਿਆਨੀਆਂ ਦੀ ਟੀਮ ਨੇ ਅਪਣੀ ਖੋਜ ਉਨ੍ਹਾਂ ਖੇਤਰਾਂ 'ਤੇ ਕੇਂਦਰਤ ਕੀਤੀ ਜਿਥੇ ਜ਼ਮੀਨ ਵਰਤੋਂ ਵਿਚ ਤਬਦੀਲੀ ਅਤੇ ਵਿਕਾਸ ਕਾਰਨ ਮਨੁੱਖਾਂ ਦੇ ਸਥਾਨਕ ਵਣ ਜੀਵਾਂ ਦੇ ਸੰਪਰਕ ਵਿਚ ਆਉਣ ਦੀ ਜ਼ਿਆਦਾ ਸੰਭਾਵਨਾ ਹੁੰਦੀ ਹੈ। ਮਈ 2016 ਤੋਂ ਅਗੱਸਤ 2018 ਤਕ ਇਨ੍ਹਾਂ ਜੰਗਲੀ ਖੇਤਰਾਂ ਵਿਚ ਚਮਗਿੱਦੜਾਂ ਦੀ ਲਾਰ ਅਤੇ ਮਲ ਦੇ 750 ਤੋਂ ਵੱਧ ਨਮੂਨੇ ਲਏ ਗਏ। ਮਾਹਰਾਂ ਦਾ ਮੰਨਣਾ ਹੈ ਕਿ ਚਮਗਿੱਦੜਾਂ ਅੰਦਰ ਹਜ਼ਾਰਾਂ ਤਰ੍ਹਾਂ ਦੇ ਕੋਰੋਨਾ ਵਾਇਰਸ ਹੁੰਦੇ ਹਨ ਜਿਨ੍ਹਾਂ ਵਿਚੋਂ ਕਈਆਂ ਦੀ ਖੋਜ ਹੋਣੀ ਹਾਲੇ ਬਾਕੀ ਹੈ। ਪਹਿਲੀ ਵਾਰ ਛੇ ਨਵੇਂ ਕੋਰੋਨਾ ਵਾਇਰਸ ਦੀ ਪਛਾਣ ਕੀਤੀ ਗਈ ਹੈ।  (ਏਜੰਸੀ)

ਚਮਗਿੱਦੜ ਤੋਂ ਮਨੁੱਖ ਵਿਚ ਕੋਰੋਨਾ ਵਾਇਰਸ ਆਉਣ ਦੀ ਘਟਨਾ ਹਜ਼ਾਰ ਸਾਲ ਵਿਚ ਇਕ-ਅੱਧੀ ਵਾਰ, ਵੱਡੀ ਗੱਲ ਨਹੀਂ : ਆਈਸੀਐਮਆਰ
ਨਵੀਂ ਦਿੱਲੀ, 15 ਅਪ੍ਰੈਲ : ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਦੇ ਵਿਗਿਆਨੀ ਰਮਨ ਗੰਗਾਖੇੜਕਰ ਨੇ ਦਸਿਆ ਕਿ ਚੀਨ ਵਿਚ ਹੋਏ ਅਧਿਐਨ ਵਿਚ ਵੇਖਿਆ ਗਿਆ ਹੈ ਕਿ ਕੋਰੋਨਾ ਵਾਇਰਸ ਚਮਗਿੱਦੜਾਂ ਵਿਚ ਮਿਲਦਾ ਹੈ ਪਰ ਇਹ ਚਮਗਿੱਦੜਾਂ ਦਾ ਹੀ ਵਾਇਰਸ ਹੁੰਦਾ ਹੈ, ਇਨਸਾਨਾਂ ਵਿਚ ਨਹੀਂ ਆ ਸਕਦਾ। ਚਮਗਿੱਦੜ ਤੋਂ ਇਹ ਪੈਂਗੁਲਿਨ ਵਿਚ ਜਾ ਸਕਦਾ ਸੀ। ਪੈਗੁਲਿਨ ਤੋਂ ਇਹ ਮਨੁੱਖਾਂ ਵਿਚ ਤਬਦੀਲ ਹੋਇਆ ਹੋਵੇਗਾ।

File photoFile photo

ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨਿਗਰਾਨੀ ਕੀਤੀ ਹੈ ਜਿਸ ਵਿਚ ਵੇਖਿਆ ਕਿ ਚਮਗਿੱਦੜ ਦੋ ਤਰ੍ਹਾਂ ਦੇ ਹੁੰਦੇ ਹਨ ਜਿਨ੍ਹਾਂ ਵਿਚ ਕੋਰੋਨਾ ਵਾਇਰਸ ਮਿਲਦਾ ਹੈ ਪਰ ਇਹ ਮਨੁੱਖਾਂ ਨੂੰ ਪ੍ਰਭਾਵਤ ਕਰਨ ਦੇ ਸਮਰੱਥ ਨਹੀਂ ਹੁੰਦੇ ਸਨ। ਇਹ ਇਨਸਾਨ ਵਿਚ ਨਹੀਂ ਆ ਸਕਦਾ। ਇਹ ਦੁਰਲੱਭ ਹੈ। ਚਮਗਿੱਦੜਾਂ ਤੋਂÎ ਇਨਸਾਨ ਵਿਚ ਕੋਰੋਨਾ ਵਾਇਰਸ ਆਉਣ ਦੀ ਘਟਨਾ ਹਜ਼ਾਰ ਸਾਲ ਵਿਚ ਇਕ-ਅੱਧੀ ਵਾਰ ਹੋ ਜਾਵੇ ਤਾਂ ਇਹ ਬਹੁਤ ਵੱਡੀ ਗੱਲ ਨਹੀਂ। ਆਈਸੀਐਮਆਰ ਨੇ ਦਸਿਆ ਕਿ ਚਮਗਿੱਦੜ ਦੇ ਵਾਇਰਸ ਵਿਚ ਅਜਿਹੀ ਤਬਦੀਲੀ ਹੋਈ ਜਿਸ ਨਾਲ ਉਸ ਅੰਦਰ ਇਨਸਾਨ ਵਿਚ ਜਾਣ ਦੀ ਸਮਰੱਥਾ ਪੈਦਾ ਹੋਈ। ਇਹ ਅਜਿਹਾ ਵਿਸ਼ਾਣੂ ਬਣ ਗਿਆ ਹੋਵੇਗਾ ਜਿਹੜਾ ਇਨਸਾਨਾਂ ਵਿਚ ਆ ਕੇ ਬੀਮਾਰੀ ਕਰਨ ਦੇ ਸਮਰੱਥ ਹੋ ਗਿਆ ਸੀ। (ਏਜੰਸੀ)

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Brother Died hearing Brother Death news: ਤਿੰਨ ਸਕੇ ਭਰਾਵਾਂ ਨੂੰ ਪਿਆ ਦਿਲ ਦਾ ਦੌਰਾ

11 Aug 2025 3:14 PM

Giani Harpreet Singh Speech LIVE-ਪ੍ਰਧਾਨ ਬਣਨ ਮਗਰੋ ਹਰਪ੍ਰੀਤ ਸਿੰਘ ਦਾ ਸਿੱਖਾਂ ਲਈ ਵੱਡਾ ਐਲਾਨ| Akali Dal News

11 Aug 2025 3:14 PM

Kulgam Encounter: ਸ਼ਹੀਦ ਜਵਾਨ Pritpal Singh ਦੀ ਮ੍ਰਿਤਕ ਦੇਹ ਪਿੰਡ ਪਹੁੰਚਣ ਤੇ ਭੁੱਬਾਂ ਮਾਰ ਮਾਰ ਰੋਇਆ ਸਾਰਾ ਪਿੰਡ

10 Aug 2025 3:08 PM

Kulgam Encounter : ਫੌਜੀ ਸਨਮਾਨਾਂ ਨਾਲ਼ ਸ਼ਹੀਦ ਪ੍ਰਿਤਪਾਲ ਸਿੰਘ ਦਾ ਹੋਇਆ ਅੰਤਿਮ ਸਸਕਾਰ

10 Aug 2025 3:07 PM

Shaheed Udham singh grandson Story : 'ਮੈਨੂੰ ਚਪੜਾਸੀ ਦੀ ਹੀ ਨੌਕਰੀ ਦੇ ਦਿਓ, ਕੈਪਟਨ ਨੇ ਨੌਕਰੀ ਦੇਣ ਦਾ ਐਲਾਨ...

09 Aug 2025 12:37 PM
Advertisement