ਵਿਗਿਆਨੀਆਂ ਨੇ ਇਕ ਸਰਲ ਤਰੀਕਾ ਖੋਜਿਆ ਹੈ ਜਿਸ ਦੇ ਜ਼ਰੀਏ ਸੂਰਜ ਦੀ ਰੋਸ਼ਨੀ ਦਾ ਇਸਤੇਮਾਲ ਕਰਦੇ ਹੋਏ ਪਾਣੀ ਵਿਚ ਮੌਜੂਦ ਪ੍ਰਦੂਸ਼ਕਾਂ ਨੂੰ ਹਟਾਇਆ ਜਾ ਸਕਦਾ ਹੈ। ...
ਬਰਲਿਨ (ਪੀਟੀਆਈ) : ਵਿਗਿਆਨੀਆਂ ਨੇ ਇਕ ਸਰਲ ਤਰੀਕਾ ਖੋਜਿਆ ਹੈ ਜਿਸ ਦੇ ਜ਼ਰੀਏ ਸੂਰਜ ਦੀ ਰੋਸ਼ਨੀ ਦਾ ਇਸਤੇਮਾਲ ਕਰਦੇ ਹੋਏ ਪਾਣੀ ਵਿਚ ਮੌਜੂਦ ਪ੍ਰਦੂਸ਼ਕਾਂ ਨੂੰ ਹਟਾਇਆ ਜਾ ਸਕਦਾ ਹੈ। ਜਰਮਨੀ ਵਿਚ ਮਾਰਟਿਨ ਲੂਥਰ ਯੂਨੀਵਰਸਿਟੀ (MLU) ਦੇ ਜਾਂਚ ਕਰਮੀਆਂ ਨੇ ਘੁਲੇ ਹੋਏ ਪ੍ਰਦੂਸ਼ਕਾਂ ਨੂੰ ਹਟਾਉਣ ਲਈ ਪਾਣੀ ਵਿਚ ਆਸਾਨੀ ਨਾਲ ਗਤੀਸ਼ੀਲ ਇਲੈਕਟ੍ਰੌਨ ਮਤਲਬ ਹਾਈਡਰੇਟਡ ਇਲੈਕਟ੍ਰੌਨ ਦਾ ਉਪਯੋਗ ਕੀਤਾ।
Martin Luther University (MLU)
MLU ਵਿਚ ਪ੍ਰੋਫੈਸਰ ਮਾਰਟਿਨ ਗੋਏਜ ਨੇ ਦੱਸਿਆ ‘‘ਇਹ ਇਲੈਕਟਰਾਨ ਕਾਫ਼ੀ ਪ੍ਰਤੀਕਿਰਿਆਸ਼ੀਲ ਹੈ ਅਤੇ ਪ੍ਰਤੀਕਿਰਿਆ ਲਈ ਇਸ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਇਹ ਸਖ਼ਤ ਪ੍ਰਦੂਸ਼ਕਾਂ ਨੂੰ ਵੀ ਤੋੜਨ ਵਿਚ ਸਮਰੱਥਾਵਾਨ ਹੈ। ਇਸ ਕੰਮ ਲਈ ਇਲੈਕਟਰਾਨ ਨੂੰ ਮਾਲਿਕਿਊਲਰ ਕੰਪਾਉਂਡ ਰਾਹੀਂ ਛੱਡਣਾ ਪੈਂਦਾ ਹੈ, ਜਿੱਥੇ ਇਨ੍ਹਾਂ ਨੂੰ ਪੂਰੀ ਤਰ੍ਹਾਂ ਨਾਲ ਬੰਦ ਰੱਖਿਆ ਜਾਂਦਾ ਹੈ।
Water
ਹੁਣ ਤੱਕ ਅਜਿਹੇ ਇਲੈਕਟ੍ਰੋਨ ਨੂੰ ਪੈਦਾ ਕਰਨਾ ਬਹੁਤ ਮੁਸ਼ਕਲ ਅਤੇ ਖ਼ਰਚੀਲਾ ਰਿਹਾ ਹੈ ਪਰ ਹੁਣ ਖੋਜ ਕਰਮਚਾਰੀਆਂ ਨੇ ਇਕ ਨਵੀਂ ਪ੍ਰਕਿਰਿਆ ਵਿਕਸਿਤ ਕੀਤੀ ਹੈ ਜਿਸ ਵਿਚ ਊਰਜਾ ਦੇ ਇਕਮਾਤਰ ਸਰੋਤ ਦੇ ਰੂਪ ਵਿਚ ਗਰੀਨ ਲਾਈਟ ਐਮਿਟਿੰਗ ਡਾਇਡ ਦੀ ਜ਼ਰੂਰਤ ਹੁੰਦੀ ਹੈ। ਲੋੜੀਂਦੀ ਪ੍ਰਤੀਕਿਰਿਆ ਕਰਾਉਣ ਲਈ ਉਤਪ੍ਰਰੇਕ ਦੇ ਤੌਰ 'ਤੇ ਵਿਟਾਮਿਨ C ਅਤੇ ਧਾਤੂ ਮਿਸ਼ਰਣ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ।
Green Light Emitting Diode
ਨਵੀਂ ਪ੍ਰਕਿਰਿਆ ਦੀ ਅੱਗੇ ਜਾਂਚ ਤੋਂ ਪਤਾ ਲਗਿਆ ਕਿ ਹਾਈਡਰੇਟਡ ਇਲੈਕਟ੍ਰੌਨ ਪੈਦਾ ਕਰਨ ਦਾ ਇਹ ਸਮਰੱਥਾਵਾਨ ਤਰੀਕਾ ਹੈ ਅਤੇ ਨਾਲ ਹੀ ਇਸ ਦਾ ਹੋਰ ਵੀ ਉਪਯੋਗ ਹੋ ਸਕਦਾ ਹੈ। ਖੋਜਕਰਤਾਵਾਂ ਨੇ ਨਵੇਂ ਤਰੀਕੇ ਦਾ ਇਸਤਮਾਲ ਪ੍ਰਦੂਸ਼ਿਤ ਪਾਣੀ 'ਤੇ ਕੀਤਾ। ਛੋਟੇ ਸੈਂਪਲ ਵਿਚ ਇਸ ਢੰਗ ਨਾਲ ਪਾਣੀ ਦੇ ਪ੍ਰਦੂਸ਼ਕਾਂ ਨੂੰ ਹਟਾਉਣ ਵਿਚ ਸਹਾਇਤਾ ਮਿਲੀ ਹੈ।
