ਸ਼ਰਾਬ ਕਾਰੋਬਾਰੀ ਵਿਜੈ ਮਾਲਿਆ ਦੀ ਫਰਾਂਸੀਸੀ ਟਾਪੂ ‘ਤੇ 17 ਲਗਜਰੀ ਬੈਡਰੂਮ...
ਲੰਦਨ: ਸ਼ਰਾਬ ਕਾਰੋਬਾਰੀ ਵਿਜੈ ਮਾਲਿਆ ਦੀ ਫਰਾਂਸੀਸੀ ਟਾਪੂ ‘ਤੇ 17 ਲਗਜਰੀ ਬੈਡਰੂਮ ਦੀ ਹਵੇਲੀ ਲੰਬੇ ਸਮੇਂ ਤੋਂ ਖਾਲੀ ਪਈ ਹੈ। ਮੀਡਿਆ ਰਿਪੋਰਟਸ ਦੇ ਮੁਤਾਬਕ, ਇੱਕ ਵੱਡੇ ਬੈਂਕ ਨੇ ਕੋਰਟ ਵਿੱਚ ਮੰਗ ਦਰਜ ਕਰ ਕਿਹਾ ਹੈ ਕਿ ਵਿਜੈ ਮਾਲਿਆ ਦੀ ਫਰਾਂਸੀਸੀ ਟਾਪੂ ਇਲੇ ਸੈਂਟ ਮਾਰਗੁਏਰਾਇਟ ਉੱਤੇ 1.3-ਹੇਕਟੇਅਰ ਦੀ ਪ੍ਰਾਪਰਟੀ ਲੰਬੇ ਸਮੇਂ ਤੋਂ ਖਾਲੀ ਪਈ ਹੈ ਅਤੇ ਉਹ ਇਸਨੂੰ ਨਿਲਾਮ ਕਰਨ ਦੀ ਇਜਾਜਤ ਚਾਹੁੰਦੇ ਹਨ।
Vijay Mallya
ਬਲੂਮਬਰਗ ਦੀ ਇੱਕ ਰਿਪੋਰਟ ਮੁਤਾਬਿਕ, ਇਸ ਪ੍ਰਾਪਰਟੀ ਵਿੱਚ ਹਵੇਲੀ ਨਾਲ ਇੱਕ ਸਿਨੇਮਾ ਹਾਲ, ਹੈਲੀਪੈਡ ਅਤੇ ਨਾਇਟਕਲੱਬ ਵੀ ਹੈ। ਹਵੇਲੀ ‘ਚ 17 ਲਗਜਰੀ ਬੈਡਰੂਮ ਹਨ।
Vijay Mallya
ਦੱਸ ਦਈਏ ਕਿ ਨਵੇਂ ਸਾਲ ਦੀ ਸ਼ੁਰੁਆਤ ਵਿੱਚ ਮੁੰਬਈ ਦੀ ਸਪੈਸ਼ਲ ਕੋਰਟ Prevention of Money Laundering Act ( PMLA ) ਨੇ ਸਟੇਟ ਬੈਂਕ ਆਫ ਇੰਡੀਆ ਸਮੇਤ ਕਈ ਬੈਂਕਾਂ ਨੂੰ ਆਰਥਿਕ ਅਪਰਾਧੀ ਵਿਜੈ ਮਾਲਿਆ ਦੀ ਜਾਇਦਾਦ ਨੂੰ ਵੇਚਕੇ ਕਰਜ ਵਸੂਲਣ ਦੀ ਆਗਿਆ ਦੇ ਦਿੱਤੀ ਹੈ।
vijay
ਮਾਲਿਆ ਨੇ ਕਤਰ ਨੈਸ਼ਨਲ ਬੈਂਕ ਦੀ ਇਕਾਈ Ansbacher & Co ਤੋਂ 30 ਮਿਲੀਅਨ ਡਾਲਰ (ਕਰੀਬ 210 ਕਰੋੜ ਰੁਪਏ ) ਦਾ ਲੋਨ ਲੈ ਕੇ ਹਵੇਲੀ ਖਰੀਦੀ ਸੀ। ਮਾਲਿਆ ਦੁਆਰਾ ਕਰਜ ਦਾ ਵਿਸਥਾਰ ਕਰਨ ਦੇ ਅਨੁਰੋਧ ਤੋਂ ਬਾਅਦ, ਬੈਂਕ ਨੇ ਕਥਿਤ ਤੌਰ ‘ਤੇ ਜਾਇਦਾਦ ਦੀ ਵੈਲਿਊ ਪਰਖਣ ਦਾ ਨਿਰਦੇਸ਼ ਦਿੱਤਾ। ਰਿਅਲ ਅਸਟੇਟ ਏਜੇਂਟਾਂ ਨੇ ਪਾਇਆ ਕਿ ਇਸਦੀ ਕੀਮਤ ਵਿੱਚ 10 ਮਿਲੀਅਨ ਯੂਰੋ ਦੀ ਗਿਰਾਵਟ ਆਈ ਹੈ।
Vijay Mallya
ਕਿੱਥੇ ਹੈ ਮਾਲਿਆ-ਭਾਰਤ ਦੇ ਬੈਂਕਾਂ ਨਾਲ ਧੋਖਾਧੜੀ ਦੇ ਮਾਮਲੇ ਵਿੱਚ ਦੋਸ਼ੀ ਵਿਜੈ ਮਾਲਿਆ ਜਾਂਚ ਦੇ ਦੌਰਾਨ ਹੀ ਮਾਰਚ 2016 ਵਿੱਚ ਲੰਦਨ ਭੱਜ ਗਿਆ ਸੀ। ਵਿਜੈ ਮਾਲਿਆ ਨੂੰ ਵਾਪਸ ਲਿਆਉਣ ਲਈ ਕੇਂਦਰ ਸਰਕਾਰ ਅਤੇ ਭਾਰਤੀ ਜਾਂਚ ਏਜੰਸੀਆਂ ਲਗਾਤਾਰ ਕੋਸ਼ਿਸ਼ ਕਰ ਰਹੀਆਂ ਹਨ, ਲੇਕਿਨ ਹੁਣ ਤੱਕ ਸਫਲ ਨਹੀਂ ਹੋ ਸਕੀ।
