ਦੁਬਈ ਦੀ ਇਮਾਰਤ 'ਚ ਲੱਗੀ ਅੱਗ ਵਿਚ ਗਈ ਦੋਹਾਂ ਦੀ ਜਾਨ
ਦੁਬਈ : ਦੁਬਈ ਵਿੱਚ ਆਪਣੇ ਅਪਾਰਟਮੈਂਟ ਵਿੱਚ ਲੱਗੀ ਭਿਆਨਕ ਅੱਗ ਵਿੱਚ ਜਾਨ ਗੁਆਉਣ ਵਾਲਾ ਭਾਰਤੀ ਜੋੜਾ ਆਪਣੇ ਗੁਆਂਢੀਆਂ ਲਈ ਇਫ਼ਤਾਰ ਦੀ ਤਿਆਰੀ ਕਰ ਰਿਹਾ ਸੀ ਜਦੋਂ ਇਹ ਹਾਦਸਾ ਵਾਪਰਿਆ। ਕੇਰਲ ਦੇ ਰਿਜੇਸ਼ ਕਲੰਗਦਾਨ (38) ਅਤੇ ਉਸ ਦੀ ਪਤਨੀ ਜੇਸ਼ੀ ਕੰਦਮੰਗਲਾਥ (32) ਸ਼ਨੀਵਾਰ ਸ਼ਾਮ ਨੂੰ ਹਿੰਦੂਆਂ ਦੇ ਵਾਢੀ ਦੇ ਤਿਉਹਾਰ ਵਿਸ਼ੁਸਾਦਿਆ ਦੀ ਤਿਆਰੀ ਕਰ ਰਹੇ ਸਨ ਤਾਂ ਜੋ ਉਨ੍ਹਾਂ ਦੇ ਮੁਸਲਮਾਨ ਗੁਆਂਢੀ ਆਪਣਾ ਰੋਜ਼ਾ ਖੋਲ੍ਹ ਸਕਣ।
ਦੱਸਣਯੋਗ ਹੈ ਕਿ ਦੁਬਈ ਦੇ ਸਭ ਤੋਂ ਪੁਰਾਣੇ ਇਲਾਕਿਆਂ ਵਿੱਚੋਂ ਇੱਕ ਅਲ ਰਾਸ ਵਿੱਚ ਭਿਆਨਕ ਅੱਗ ਲੱਗਣ ਕਾਰਨ ਘੱਟੋ-ਘੱਟ 16 ਲੋਕ ਮਾਰੇ ਗਏ ਅਤੇ 9 ਹੋਰ ਜ਼ਖ਼ਮੀ ਹੋ ਗਏ। ਕਲੰਗਦਾਨ ਇੱਕ ਟਰੈਵਲ ਐਂਡ ਟੂਰਿਜ਼ਮ ਕੰਪਨੀ ਵਿੱਚ ਬਿਜ਼ਨਸ ਡਿਵੈਲਪਮੈਂਟ ਮੈਨੇਜਰ ਸੀ, ਜਦੋਂ ਕਿ ਕੰਦਮੰਗਲਥ ਸਕੂਲ ਅਧਿਆਪਕਾ ਸੀ।
'ਗਲਫ ਨਿਊਜ਼' ਦੀ ਖ਼ਬਰ ਮੁਤਾਬਕ ਇਹ ਜੋੜਾ ਸ਼ਨੀਵਾਰ ਨੂੰ ਵਿਸ਼ੂ ਦਾ ਜਸ਼ਨ ਮਨਾ ਰਿਹਾ ਸੀ। ਉਹ ਕੇਲੇ ਦੇ ਪੱਤੇ 'ਤੇ ਪਰੋਸਿਆ ਜਾਣ ਵਾਲਾ ਸ਼ਾਕਾਹਾਰੀ ਭੋਜਨ ਵਿਸ਼ੁਸਾਦਿਆ ਬਣਾ ਰਹੇ ਸਨ ਅਤੇ ਉਨ੍ਹਾਂ ਨੇ ਕੇਰਲ ਤੋਂ ਆਪਣੇ ਮੁਸਲਿਮ ਗੁਆਂਢੀਆਂ ਨੂੰ ਇਫ਼ਤਾਰ ਲਈ ਬੁਲਾਇਆ ਸੀ। ਅਪਾਰਟਮੈਂਟ ਨੰਬਰ 409 ਵਿੱਚ ਸੱਤ ਹੋਰਾਂ ਨਾਲ ਰਹਿੰਦੇ ਰਿਆਸ ਕਕੰਬਮ ਨੇ ਕਿਹਾ ਕਿ ਫਲੈਟ 406 ਵਿੱਚ ਰਹਿ ਰਿਹਾ ਜੋੜੇ ਦਾ ਸੁਭਾਅ ਮਿੱਤਰਤਾ ਵਾਲਾ ਸੀ। ਉਹ ਅਕਸਰ ਉਨ੍ਹਾਂ ਨੂੰ ਆਪਣੇ ਤਿਉਹਾਰਾਂ 'ਤੇ ਬੁਲਾਇਆ ਕਰਦੇ ਸਨ। ਜੋੜੇ ਦੇ ਨਾਲ ਵਾਲੇ ਫਲੈਟ ਵਿੱਚ ਅੱਗ ਲੱਗ ਗਈ।
ਇਹ ਵੀ ਪੜ੍ਹੋ: ਜਲੰਧਰ ਜ਼ਿਮਨੀ ਚੋਣ : 'ਆਪ' ਉਮੀਦਵਾਰ ਸੁਸ਼ੀਲ ਰਿੰਕੂ ਨੇ ਭਰੇ ਨਾਮਜ਼ਦਗੀ ਕਾਗ਼ਜ਼
ਰਿਆਸ ਨੇ ਕਿਹਾ, “ਉਸਨੇ ਸਾਨੂੰ ਪਹਿਲਾਂ ਵੀ ਓਨਮ ਅਤੇ ਵਿਸ਼ੂ ਦੌਰਾਨ ਦੁਪਹਿਰ ਦੇ ਖਾਣੇ ਲਈ ਬੁਲਾਇਆ ਸੀ। ਇਸ ਵਾਰ ਉਨ੍ਹਾਂ ਨੇ ਸਾਨੂੰ ਇਫ਼ਤਾਰ ਲਈ ਸੱਦਾ ਦਿੱਤਾ ਕਿਉਂਕਿ ਰਮਜ਼ਾਨ ਚੱਲ ਰਿਹਾ ਹੈ।” ਰਿਆਸ ਨੇ ਦੱਸਿਆ ਕਿ ਉਸ ਨੇ ਜੋੜੇ ਨੂੰ ਆਖਰੀ ਵਾਰ ਉਨ੍ਹਾਂ ਦੇ ਅਪਾਰਟਮੈਂਟ ਦੇ ਬਾਹਰ ਦੇਖਿਆ ਸੀ। ਉਸ ਨੇ ਦੱਸਿਆ, “ਮੈਂ ਅਧਿਆਪਕ ਨੂੰ ਰੋਂਦੇ ਦੇਖਿਆ। ਬਾਅਦ ਵਿੱਚ ਫ਼ੋਨ ਦਾ ਕੋਈ ਜਵਾਬ ਨਹੀਂ ਆਇਆ। ਮੈਂ ਦੇਖਿਆ ਕਿ ਰਿਜੇਸ਼ ਆਖਰੀ ਵਾਰ 12:35 ਵਜੇ WhatsApp 'ਤੇ ਆਨਲਾਈਨ ਸੀ। ਮੈਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਐਤਵਾਰ ਨੂੰ ਮੇਰੀ ਫਲਾਈਟ ਟਿਕਟ ਬੁੱਕ ਕਰਨ ਵਿੱਚ ਮੇਰੀ ਮਦਦ ਕਰਨ ਵਾਲਾ ਆਦਮੀ, ਜਿਸ ਨੇ ਮੈਨੂੰ ਇਫ਼ਤਾਰ ਲਈ ਬੁਲਾਇਆ ਅਤੇ ਉਸ ਦੀ ਪਤਨੀ ਨਹੀਂ ਰਹੇ।
ਅਧਿਕਾਰੀਆਂ ਨੇ ਦੱਸਿਆ ਕਿ ਦੁਬਈ ਸਿਵਲ ਡਿਫੈਂਸ ਆਪ੍ਰੇਸ਼ਨ ਰੂਮ ਨੂੰ ਸ਼ਨੀਵਾਰ ਦੁਪਹਿਰ ਕਰੀਬ 12.35 ਵਜੇ ਅੱਗ ਲੱਗਣ ਦੀ ਸੂਚਨਾ ਮਿਲੀ, ਜਿਸ ਤੋਂ ਬਾਅਦ ਦੁਬਈ ਸਿਵਲ ਡਿਫੈਂਸ ਹੈੱਡਕੁਆਰਟਰ ਦੀ ਇਕ ਟੀਮ ਘਟਨਾ ਸਥਾਨ 'ਤੇ ਪਹੁੰਚੀ ਅਤੇ ਇਮਾਰਤ 'ਚ ਮੌਜੂਦ ਲੋਕਾਂ ਨੂੰ ਬਾਹਰ ਕੱਢਣਾ ਸ਼ੁਰੂ ਕਰ ਦਿੱਤਾ।
'ਗਲਫ ਨਿਊਜ਼' ਦੀ ਖ਼ਬਰ ਮੁਤਾਬਕ ਅੱਗ 'ਤੇ ਸਥਾਨਕ ਸਮੇਂ ਮੁਤਾਬਕ ਦੁਪਹਿਰ 2.42 ਵਜੇ ਕਾਬੂ ਪਾਇਆ ਜਾ ਸਕਿਆ। ਖਬਰਾਂ ਮੁਤਾਬਕ ਬਾਅਦ ਦੁਪਹਿਰ ਕਰੀਬ 3 ਵਜੇ ਸਿਵਲ ਡਿਫੈਂਸ ਦੀ ਟੀਮ ਨੇ ਕਰੇਨ ਦੀ ਮਦਦ ਨਾਲ ਤੀਜੀ ਮੰਜ਼ਿਲ 'ਤੇ ਫਸੇ ਲੋਕਾਂ ਨੂੰ ਬਚਾਇਆ। ਦੁਬਈ ਵਿੱਚ ਭਾਰਤੀ ਵਣਜ ਦੂਤਘਰ ਨੇ ਹਾਦਸੇ ਵਿੱਚ ਚਾਰ ਭਾਰਤੀਆਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ।
ਭਾਰਤੀ ਵਣਜ ਦੂਤਘਰ ਦੇ ਸੀਨੀਅਰ ਅਧਿਕਾਰੀ ਬਿਜੇਂਦਰ ਸਿੰਘ ਦੇ ਹਵਾਲੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, "ਮ੍ਰਿਤਕਾਂ ਵਿੱਚ ਰਿਜੇਸ਼ ਕਲੰਗਦਾਨ (38), ਉਸ ਦੀ ਪਤਨੀ ਜੇਸ਼ੀ ਕੰਦਮੰਗਲਥ (32), ਗੁਡੂ ਸਾਲਿਆਕੁੰਡੂ (49) ਅਤੇ ਇਮਾਮਕਾਸਿਮ ਅਬਦੁਲ ਖਦੇਰ (43) ਸ਼ਾਮਲ ਹਨ।
