ਇਸ ਤੋਂ ਬਾਅਦ ਔਰਤ ਨੂੰ ਹਸਪਤਾਲ ਜਾਣਾ ਪਿਆ ਅਤੇ ਉਸ ਦੀ ਸਰਜਰੀ ਕਰਵਾਈ ਗਈ।
ਅਮਰੀਕਾ- ਆਏ ਦਿਨ ਕੋਈ ਨਾ ਕੋਈ ਅਜੀਬੋ-ਗਰੀਬ ਘਟਨਾ ਸਾਹਮਣੇ ਆਈ ਹੀ ਰਹਿੰਦੀ ਹੈ ਹੁਣ ਅਮਰੀਕਾ ਤੋਂ ਇਕ ਅਜੀਬ ਹੀ ਘਟਨਾ ਸਾਹਮਣੇ ਆਈ ਹੈ। ਇਕ ਅਮਰੀਕੀ ਔਰਤ ਨੇ ਨੀਂਦ ਵਿਚ ਆਏ ਬੁਰੇ ਸੁਪਨੇ ਕਾਰਨ ਆਪਣੇ ਵਿਆਹ ਦੀ ਅੰਗੂਠੀ ਹੀ ਨਿਗਲ ਲਈ। ਇਸ ਤੋਂ ਬਾਅਦ ਔਰਤ ਨੂੰ ਹਸਪਤਾਲ ਜਾਣਾ ਪਿਆ ਅਤੇ ਉਸ ਦੀ ਸਰਜਰੀ ਕਰਵਾਈ ਗਈ। ਔਰਤ ਦਾ ਸੁਪਨਾ ਸੀ ਕਿ ਉਹ ਅਤੇ ਉਸ ਦਾ ਮੰਗੇਤਰ ਇਕ ਤੇਜ਼ ਰਫਤਾਰ ਰੇਲ ਗੱਡੀ ਵਿਚ ਸਫ਼ਰ ਕਰ ਰਹੇ ਸਨ ਅਤੇ ਇਸ ਦੌਰਾਨ ਕੁੱਝ ਬੁਰੇ ਲੋਕਾਂ ਤੋਂ ਅੰਗੂਠੀ ਨੂੰ ਬਚਾਉਣ ਲਈ ਔਰਤ ਨੇ ਅੰਗੂਠੀ ਹੀ ਨਿਗਲ ਲਈ।
ਔਰਤ ਲਈ ਬੁਰੀ ਗੱਲ ਇਹ ਹੋਈ ਕਿ ਉਸਨੇ ਨਾ ਸਿਰਫ ਸੁਪਨੇ ਵਿਚ ਬਲਕਿ ਹਕੀਕਤ ਵਿਚ ਵੀ ਅੰਗੂਠੀ ਨੂੰ ਨਿਗਲ ਲਿਆ। ਕੈਲੇਫੋਰਨੀਆਂ ਦੀ ਰਹਿਣ ਵਾਲੀ 29 ਸਾਲਾਂ ਜੇਨਾ ਇਵਾਂਸ ਜਦੋਂ ਨੀਂਦ ਤੋਂ ਜਾਗੀ ਤਾਂ ਉਸ ਨੇ ਦੇਖਿਆ ਕਿ ਉਸ ਦੀ ਉਂਗਲੀ ਵਿਚ ਹੀਰੇ ਦੀ ਅੰਗੂਠੀ ਨਹੀਂ ਸੀ। ਮਹਿਲਾ ਦਾ ਕਹਿਣਾ ਹੈ ਕਿ ਉਸ ਨੇ ਇਹ ਬੁਰੀ ਘਟਨਾ ਸੁਣਾਉਣ ਲਈ ਆਪਣੇ ਪਤੀ ਨੂੰ ਜਗਾਇਆ ਅਤੇ ਇਸ ਤੋਂ ਬਾਅਦ ਉਹ ਹਸਪਤਾਲ ਪਹੁੰਚੇ।
ਔਰਤ ਨੇ ਦੱਸਿਆ ਕਿ ਇਹ ਘਟਨਾ ਪਿਛਲੇ ਹਫ਼ਤੇ ਦੀ ਹੈ। ਜਦੋਂ ਐਕਸ-ਰੇ-ਸਕੈਨ ਕਰਾਈਆਂ ਗਈਆਂ ਤਾਂ ਔਰਤ ਦੇ ਪੇਟ ਵਿਚ 2.4 ਕੈਰੇਟ ਦੀ ਅੰਗੂਠੀ ਹੋਣ ਦੀ ਪੁਸ਼ਟੀ ਹੋਈ। ਇਵਾਂਸ ਨੇ ਕਿਹਾ ਕਿ ਜਦੋਂ ਉਸ ਦੀ ਸਰਜਰੀ ਹੋਣੀ ਸ਼ੁਰੂ ਹੋਈ ਤਾਂ ਪਹਿਲਾਂ ਉਸ ਤੋਂ ਮੌਤ ਹੋਣ ਦੇ ਸੰਬੰਧਿਤ ਕਾਗਜ਼ ਦਸਤਖ਼ਤ ਕਰਵਾਏ ਗਏ। ਇਵਾਂਸ ਨੇ ਕਿਹਾ ਕਿ ਇਸ ਸਮਨੇਂ ਮੈਂ ਬਹੁਤ ਰੋਈ ਕਿਉਂਕਿ ਜੇ ਉਹ ਮਰ ਗਈ ਤਾਂ ਤਾਂ ਬਹੁਤ ਪਾਗਲ ਕਹਿਲਾਵੇਗੀ। ਇਵਾਂਸ ਦਾ ਕਹਿਣਾ ਹੈ ਕਿ ਸਰਜਰੀ ਤੋਂ ਬਾਅਦ ਅੰਗੂਠੀ ਨੂੰ ਸਫ਼ਲਤਾ ਪੂਰਵਕ ਬਾਹਰ ਕੱਢ ਲਿਆ ਗਿਆ।