Advertisement
  ਖ਼ਬਰਾਂ   ਕੌਮਾਂਤਰੀ  18 Nov 2019  ਕੰਬੋਡੀਆ ਦੀ ਰਾਜਕੁਮਾਰੀ ਬੋਫ਼ਾ ਦੇਵੀ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ

ਕੰਬੋਡੀਆ ਦੀ ਰਾਜਕੁਮਾਰੀ ਬੋਫ਼ਾ ਦੇਵੀ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਗੁਰਬਿੰਦਰ ਸਿੰਘ
Published Nov 18, 2019, 6:52 pm IST
Updated Nov 18, 2019, 6:52 pm IST
ਕੰਬੋਡੀਆ ਦੀ ਰਾਜਕੁਮਾਰੀ ਨੋਰਡੋਮ ਬੋਫਾ ਦੇਵੀ ਜੋ ਕਿ ਸੱਭਿਆਚਾਰਕ ਮਾਮਲਿਆਂ ਦੀ ਸਾਬਕਾ ਮੰਤਰੀ...
Bofa Devi
 Bofa Devi

ਕੰਬੋਡੀਆ: ਕੰਬੋਡੀਆ ਦੀ ਰਾਜਕੁਮਾਰੀ ਨੋਰਡੋਮ ਬੋਫਾ ਦੇਵੀ ਜੋ ਕਿ ਸੱਭਿਆਚਾਰਕ ਮਾਮਲਿਆਂ ਦੀ ਸਾਬਕਾ ਮੰਤਰੀ ਵੀ ਸੀ ਦਾ 76 ਸਾਲ ਦੀ ਉਮਰ 'ਚ ਥਾਈਲੈਂਡ ਦੇ ਇਕ ਹਸਪਤਾਲ ਵਿਚ ਦੇਹਾਂਤ ਹੋ ਗਿਆ। ਸ਼ਾਹੀ ਪੈਲੇਸ ਅਨੁਸਾਰ ਰਾਜਕੁਮਾਰੀ ਦੀ ਮੌਤ ਕੁਦਰਤੀ ਸੀ। 1970 'ਚ ਖਮੇਰ ਰੌਗ ਸ਼ਾਸਨ ਸਮੇਂ ਉਨ੍ਹਾਂ ਰਵਾਇਤੀ ਅਪਸਰਾ ਡਾਂਸ ਨੂੰ ਬਚਾਉਣ ਲਈ ਅਹਿਮ ਯੋਗਦਾਨ ਪਾਇਆ ਸੀ। ਰਾਜਕੁਮਾਰੀ ਦੀ ਮੌਤ ਬਾਰੇ ਸ਼ਾਹੀ ਪੈਲੇਸ ਨੇ ਫੇਸਬੁੱਕ ਪੋਸਟ ਰਾਹੀਂ ਜਾਣਕਾਰੀ ਦਿੱਤੀ।

ਕੰਬੋਡੀਆ ਦੇ ਸਾਬਕਾ ਰਾਜਾ ਨੋਰਡੋਮ ਸਿਹਾਨੌਕ ਦੀ ਧੀ ਅਤੇ ਮੌਜੂਦਾ ਰਾਜਾ ਨੋਰਡੋਮ ਸਿਹਾਮੋਨੀ ਦੀ ਮਤਰੇਈ ਭੈਣ ਬੋਫਾ ਦੇਵੀ ਜਵਾਨੀ 'ਚ ਕੰਬੋਡੀਅਨ ਬੈਲੇਟ ਦੀ ਡਾਂਸਰ ਬਣ ਗਈ ਸੀ। ਖਮੇਰ ਰੌਗ ਦੇ ਪਤਨ ਤੇ ਦੇਸ਼ ਦੀ ਸਿਵਲ ਵਾਰ ਪਿੱਛੋਂ ਉਹ 1998 ਤੋਂ 2004 ਤਕ ਦੇਸ਼ ਦੀ ਸੱਭਿਆਚਾਰਕ ਮਾਮਲਿਆਂ ਦੀ ਮੰਤਰੀ ਰਹੀ। ਬੋਫਾ ਦੇਵੀ ਦੇ ਰਿਸ਼ਤੇਦਾਰ ਪਿ੍ਰੰਸ ਸਿਸੋਵਾਥ ਥੋਮਿਕੋ ਨੇ ਦੱਸਿਆ ਕਿ 1990 ਦੇ ਸ਼ੁਰੂ ਵਿਚ ਕੰਬੋਡੀਆ ਪਰਤਣ 'ਤੇ ਰਾਜਕੁਮਾਰੀ ਨੇ ਰਾਇਲ ਬੈਲੇਟ ਗਰੁੱਪ ਦੀ ਸਥਾਪਨਾ ਕੀਤੀ। ਕੰਬੋਡੀਆ ਦੇ ਰਾਇਲ ਬੈਲੇਟ ਨੂੰ ਵਿਸ਼ਵ ਦੀ ਵਿਰਾਸਤ ਵਜੋਂ ਦਰਜਾ ਹਾਸਲ ਹੈ।

Advertisement
Advertisement

 

Advertisement