ਆਡੀ ਦੇ ਸੀਈਓ ਰੂਪਰਟ ਸਟੈਡਲਰ ਗ੍ਰਿਫ਼ਤਾਰ, ਫਾਕਸਵੈਗਨ ਡੀਜ਼ਲ ਉਤਸਰਜਨ ਘਪਲੇ 'ਚ ਸਬੂਤ ਮਿਟਾਉਣ ਦਾ ਸ਼ੱਕ
Published : Jun 19, 2018, 11:28 am IST
Updated : Jun 19, 2018, 11:28 am IST
SHARE ARTICLE
audi ceo rupert stadler
audi ceo rupert stadler

ਜਰਮਨ ਅਧਿਕਾਰੀਆਂ ਨੇ ਜਰਮਨੀ ਦੀ ਕਾਰ ਨਿਰਮਾਤਾ ਕੰਪਨੀ ਫਾਕਸਵੈਗਨ ਏਜੀ ਦੇ ਆਡੀ ਇਕਾਈ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ...

ਬਰਲਿਨ : ਜਰਮਨ ਅਧਿਕਾਰੀਆਂ ਨੇ ਜਰਮਨੀ ਦੀ ਕਾਰ ਨਿਰਮਾਤਾ ਕੰਪਨੀ ਫਾਕਸਵੈਗਨ ਏਜੀ ਦੇ ਆਡੀ ਇਕਾਈ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਰੂਪਰਟ ਸਟੈਡਲਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਉਹ ਇਸ ਸਮੂਹ ਦੁਆਰਾ ਡੀਜ਼ਲ ਗੱਡੀਆਂ ਵਿਚ ਕੀਤੀ ਗਈ ਧੋਖਾਧੜੀ ਦੀ ਜਾਂਚ ਵਿਚ ਗ੍ਰਿਫ਼ਤਾਰ ਕੀਤੇ ਗਏ ਸਭ ਤੋਂ ਵੱਡੇ ਪ੍ਰੋਫਾਈਲ ਦੇ ਵਿਅਕਤੀ ਹਨ। ਮਿਊਨਿਖ ਵਿਚ ਦੋਸ਼ੀ ਪੱਖ ਨੇ ਸੋਮਵਾਰ ਨੂੰ ਈਮੇਲ ਜ਼ਰੀਏ ਇਕ ਬਿਆਨ ਜਾਰੀ ਕੀਤਾ। ਉਨ੍ਹਾਂ ਨੇ ਦੱਖਣ ਜਰਮਨੀ ਦੇ ਬਵੇਰੀਆ ਰਾਜ ਦੀ ਰਾਜਧਾਨੀ ਮਿਊਨਿਖ ਵਿਚ ਪ੍ਰਬੰਧਕ ਨੂੰ ਗ੍ਰਿਫ਼ਤਾਰ ਕੀਤੇ ਜਾਣ ਦੀ ਪੁਸ਼ਟੀ ਕੀਤੀ ਹੈ।

rupert stadler rupert stadler

ਬਿਆਨ ਮੁਤਾਬਕ ਸਟੈਡਲਰ ਨੂੰ ਇਸ ਲਈ ਗ੍ਰਿਫ਼ਤਾਰ ਕੀਤਾ ਗਿਆ ਕਿਉਂਕਿ ਉਹ ਸਬੂਤ ਦੇ ਨਾਲ ਛੇੜਛਾੜ ਕਰ ਸਕਦੇ ਹਨ। ਪ੍ਰਬੰਧਕ 2015 ਦੇ ਡੀਜ਼ਲ ਉਤਸਰਜਨ ਘਪਲੇ ਵਿਚ ਆਡੀ ਦੀ ਭੂਮਿਕਾ ਦੀ ਜਾਂਚ ਕਰ ਰਹੇ ਹਨ। ਇਹ ਘਪਲਾ ਤਿੰਨ ਸਾਲ ਬਾਅਦ ਉਜਾਗਰ ਹੋਇਆ, ਹੁਣ ਜਦੋਂ ਇਹ ਗੱਲ ਸਾਹਮਣੇ ਨਿਕਲ ਕੇ ਆਈ ਕਿ ਕਾਰਾਂ ਦੇ ਉਤਸਰਜਨ ਪ੍ਰੀਖਣਾਂ ਵਿਚ ਧੋਖਾਧੜੀ ਲਈ ਖ਼ਾਸ ਡਿਜ਼ਾਇਨ ਕੀਤੇ ਗਏ ਉਪਕਰਨ ਲਗਾਏ ਗਏ ਸਨ। ਫਾਕਸਵੈਗਨ ਨੇ ਵੀ ਗ੍ਰਿਫ਼ਤਾਰੀ ਦੀ ਪੁਸ਼ਟੀ ਕੀਤੀ ਹੈ।

audi ceo rupert stadler audi ceo rupert stadler

ਕਾਰ ਨਿਰਮਾਤਾ ਕੰਪਨੀ ਫਾਕਸਵੈਗਨ ਨੇ ਪਿਛਲੇ ਹਫ਼ਤੇ ਜਰਮਨ ਇਸਤਗਾਸਾ ਪੱਖ ਵਲੋਂ ਲਗਾਏ ਗਏ 1 ਬਿਲੀਅਨ ਯੂਰੋ (1.2 ਬਿਲੀਅਨ ਡਾਲਰ) ਦਾ ਜੁਰਮਾਨਾ ਅਦਾ ਕਰਨ 'ਤੇ ਰਜ਼ਾਮੰਦੀ ਦੇ ਚੁੱਕੀ ਹੈ। ਭਾਰਤੀ ਕਰੰਸੀ ਵਿਚ ਇਹ ਰਾਸ਼ੀ ਕਰੀਬ 78 ਅਰਬ 99 ਕਰੋੜ 54 ਲੱਖ 53 ਹਜ਼ਾਰ ਰੁਪਏ ਬਣਣੀ ਹੈ।ਘਪਲੇ ਨੂੰ ਹੋਏ ਲਗਭਗ ਤਿੰਨ ਸਾਲ ਬੀਤ ਗਏ ਹਨ ਪਰ ਫਾਕਸਵੈਗਨ ਜਰਮਨੀ ਅਤੇ ਵਿਦੇਸ਼ਾਂ ਵਿਚ ਕਈ ਜਾਂਚਾਂ ਦਾ ਸਾਹਮਣਾ ਕਰ ਰਹੀ ਹੈ। 55 ਦੇਸ਼ਾਂ ਵਿਚ ਕਾਨੂੰਨੀ ਕਾਰਵਾਈ ਲਟਕ ਰਹੀ ਹੈ ਅਤੇ

 rupert stadler rupert stadler

ਇਸ ਦੇ ਘਰੇਲੂ ਬਾਜ਼ਾਰ ਵਿਚ ਸਟਾਕ ਮਾਰਕਿਟ ਵਿਚ ਹੇਰਾਫੇਰੀ ਦੀ ਜਾਂਚ ਹੋ ਰਹੀ ਹੈ। ਕੰਪਨੀ ਨੇ ਜੁਰਮਾਨਾ, ਵਿਕੇ ਹੋਏ ਮਾਲ ਨੂੰ ਵਾਪਸ ਖ਼ਰੀਦਣ ਅਤੇ ਲਾਗਤ ਵਿਚ 27 ਮਿਲੀਅਨ ਯੂਰੋ ਤੋਂ ਜ਼ਿਆਦਾ ਦੀ ਰਾਸ਼ੀ ਨਿਰਧਾਰਤ ਕਰ ਰੱਖੀ ਹੈ। ਕੰਪਨੀ ਦੇ ਨਿਵੇਸ਼ਕਾਂ ਨੇ ਜਾਂਚ ਸਬੰਧੀ ਕੰਪਨੀ ਦੁਆਰਾ ਨਿਵੇਸ਼ਕਾਂ ਨੂੰ ਬਹੁਤ ਦੇਰ ਨਾਲ ਸੂਚਿਤ ਕੀਤੇ ਜਾਣ ਦਾ ਦੋਸ਼ ਲਗਾਇਆ ਹੈ। ਹਾਲਾਂਕਿ ਕਾਰ ਨਿਰਮਾਤਾ ਕੰਪਨੀ ਨੇ ਇਸ ਦੋਸ਼ ਨੂੰ ਗ਼ਲਤ ਦੱਸਿਆ ਹੈ। ਕੰਪਨੀ ਮੁਤਾਬਕ ਉਨ੍ਹਾਂ ਨੂੰ ਇਹ ਪਤਾ ਨਹੀਂ ਸੀ ਕਿ ਇਹ ਮੁੱਦਾ ਇੰਨਾ ਵੱਡਾ ਹੋ ਜਾਵੇਗਾ। 

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Kulgam Encounter: ਸ਼ਹੀਦ ਜਵਾਨ Pritpal Singh ਦੀ ਮ੍ਰਿਤਕ ਦੇਹ ਪਿੰਡ ਪਹੁੰਚਣ ਤੇ ਭੁੱਬਾਂ ਮਾਰ ਮਾਰ ਰੋਇਆ ਸਾਰਾ ਪਿੰਡ

10 Aug 2025 3:08 PM

Kulgam Encounter : ਫੌਜੀ ਸਨਮਾਨਾਂ ਨਾਲ਼ ਸ਼ਹੀਦ ਪ੍ਰਿਤਪਾਲ ਸਿੰਘ ਦਾ ਹੋਇਆ ਅੰਤਿਮ ਸਸਕਾਰ

10 Aug 2025 3:07 PM

Shaheed Udham singh grandson Story : 'ਮੈਨੂੰ ਚਪੜਾਸੀ ਦੀ ਹੀ ਨੌਕਰੀ ਦੇ ਦਿਓ, ਕੈਪਟਨ ਨੇ ਨੌਕਰੀ ਦੇਣ ਦਾ ਐਲਾਨ...

09 Aug 2025 12:37 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 09/08/2025

09 Aug 2025 12:34 PM

ਕਿਉਂ ਪੰਜਾਬੀਆਂ 'ਚ ਸਭ ਤੋਂ ਵੱਧ ਵਿਦੇਸ਼ ਜਾਣ ਦਾ ਜਨੂੰਨ, ਕਿਵੇਂ ਘਟੇਗੀ ਵੱਧਦੀ ਪਰਵਾਸ ਦੀ ਪਰਵਾਜ਼ ?

06 Aug 2025 9:27 PM
Advertisement