ਹਥਿਆਰ ਦੀ ਨੋਕ 'ਤੇ ਸਟੋਰ 'ਚ ਡਕੈਤੀ ਕਰਨ ਆਇਆ ਸੀ ਲੁਟੇਰਾ
ਲੰਡਨ : ਅਪਣੀ ਸਖ਼ਤ ਮਿਹਨਤ, ਲਗਨ ਤੇ ਨਿਡਰਤਾ ਕਾਰਨ ਪੰਜਾਬੀਆਂ ਨੇ ਵਿਦੇਸ਼ਾਂ ਵਿਚ ਵੀ ਚੰਗਾ ਨਾਮਨਾ ਖੱਟਿਆ ਹੈ। ਭਾਵੇਂ ਵਿਦੇਸ਼ਾਂ ਵਿਚ ਪੰਜਾਬੀਆਂ ਨੂੰ ਅਨੇਕਾਂ ਮੁਸ਼ਕਲਾਂ ਦਾ ਸਾਹਮਣਾ ਵੀ ਕਰਨਾ ਪੈਂਦਾ ਹੈ, ਪਰ ਅਪਣੀ ਬਹਾਦਰੀ ਤੇ ਦਲੇਰੀ ਕਾਰਨ ਇਨ੍ਹਾਂ ਨੇ ਹਰ ਤਰ੍ਹਾਂ ਦੇ ਔਖੇ ਹਾਲਾਤਾਂ 'ਚ ਵੀ ਅਪਣੀ ਸਰਦਾਰੀ ਕਾਇਮ ਰੱਖੀ ਹੋਈ ਹੈ।
My cousins get mugged and he’s the calmest guy in the world ??just listen to him #teripehndi pic.twitter.com/Fua1mLTMcP
— Harmit Arora (@harmit360) January 14, 2020
ਵਿਦੇਸ਼ਾਂ ਵਿਚ ਪੰਜਾਬੀਆਂ ਵਲੋਂ ਅਪਣੀ ਬਹਾਦਰੀ ਦੇ ਲੋਹਾ ਮਨਵਾਉਣ ਦੀਆਂ ਖ਼ਬਰਾਂ ਵੀ ਪੜ੍ਹਨ ਸੁਣਨ ਨੂੰ ਮਿਲਦੀਆਂ ਹੀ ਰਹਿੰਦੀਆਂ ਹਨ। ਅਜਿਹੀ ਹੀ ਇਕ ਖ਼ਬਰ ਆਈ ਹੈ ਇੰਗਲੈਂਡ ਦੇ ਸ਼ਹਿਰ ਡੁਡਲੀ ਵੈੱਸਟ ਮਿਡਲੈਂਡ 'ਚ ਜਿਥੇ ਇਕ ਸਟੋਰ ਨੂੰ ਲੁੱਟਣ ਆਏ ਹਥਿਆਰਬੰਦ ਲੁਟੇਰੇ ਨੂੰ ਪੰਜਾਬੀ ਨੌਜਵਾਨ ਦੀ ਦਲੇਰੀ ਕਾਰਨ ਦੂਭ ਦਬਾਅ ਕੇ ਭੱਜਣ ਲਈ ਮਜਬੂਰ ਹੋਣਾ ਪਿਆ।
Photo
ਇਹ ਲਟੇਰਾ ਸਟੋਰ ਅੰਦਰ ਲੁੱਟ ਦੇ ਮਕਸਦ ਨਾਲ ਦਾਖ਼ਲ ਹੋਇਆ। ਉਸ ਸਮੇਂ ਸਟੋਰ ਅੰਦਰ ਇਕ ਪੰਜਾਬੀ ਦਸਤਾਰਧਾਰੀ ਨੌਜਵਾਨ ਮੌਜੂਦ ਸੀ। ਲੁਟੇਰੇ ਨੇ ਹਥਿਆਰ ਦੀ ਨੌਕ 'ਤੇ ਨੌਜਵਾਨ ਨੂੰ ਧਮਕਾਉਂਦਿਆਂ ਪੈਸਿਆਂ ਦੀ ਮੰਗ ਕੀਤੀ। ਨੌਜਵਾਨ ਬਿਨਾਂ ਡਰੇ ਲੁਟੇਰੇ ਦੀਆਂ ਧਮਕੀਆਂ ਨੂੰ ਸੁਣਦਾ ਰਿਹਾ ਤੇ ਅਚਾਨਕ ਕਾਊਂਟਰ ਹੇਠ ਪਏ ਪਾਈਪ ਨੂੰ ਚੁੱਕ ਲਿਆ।
Photo
ਨੌਜਵਾਨ ਦੀ ਨਿਡਰਤਾ ਵੇਖ ਲੁਟੇਰੇ ਨੂੰ ਅਪਣੀ ਜਾਨ ਦੇ ਲਾਲੇ ਪੈ ਗਏ। ਜਦੋਂ ਨੌਜਵਾਨ ਨੇ ਪੂਰੇ ਦੇਸੀ ਅੰਦਾਜ਼ 'ਚ ਗਾਲ੍ਹਾ ਕੱਢਦਿਆਂ ਲੁਟੇਰੇ ਨੂੰ ਲਲਕਾਰਿਆ ਤਾਂ ਉਹ ਦੂਭ ਦਬਾ ਕੇ ਭੱਜ ਨਿਕਲਿਆ, ਜਿਸਦਾ ਨੌਜਵਾਨ ਨੇ ਬਾਹਰ ਤਕ ਪਿੱਛਾ ਵੀ ਕੀਤਾ। ਇਸ ਸਾਰੀ ਘਟਨਾ ਦੀ ਵੀਡੀਓ ਸਟੋਰ 'ਚ ਲੱਗੇ ਸੀਸੀਟੀਵੀ ਕੈਮਰੇ ਵਿਚ ਰਿਕਾਰਡ ਹੋ ਗਈ।
Photo
ਇਸ ਪੰਜਾਬੀ ਨੌਜਵਾਨ ਦਾ ਨਾਂ ਦਮਨਪ੍ਰੀਤ ਸਿੰਘ ਦਸਿਆ ਜਾ ਰਿਹਾ ਹੈ। ਕਾਬਲੇਗੌਰ ਹੈ ਕਿ ਯੂਕੇ ਅੰਦਰ ਅਜਿਹੀਆਂ ਘਟਨਾਵਾਂ ਆਮ ਵਾਪਰਦੀਆਂ ਰਹਿੰਦੀਆਂ ਹਨ ਜਿੱਥੇ ਲੁਟੇਰੇ ਦੁਕਾਨਦਾਰਾਂ ਨੂੰ ਹਥਿਆਰਾਂ ਦੀ ਨੋਕ 'ਤੇ ਲੁੱਟ ਕੇ ਲੈ ਜਾਂਦੇ ਹਨ। ਇਸੇ ਤਰ੍ਹਾਂ ਦੀਆਂ ਕਈ ਘਟਨਾਵਾਂ 'ਚ ਦੁਕਾਨਦਾਰਾਂ ਦੇ ਜ਼ਖ਼ਮੀ ਹੋਣ ਦੇ ਮਾਮਲੇ ਵੀ ਸਾਹਮਣੇ ਆਉਂਦੇ ਰਹੇ ਹਨ।
