Amit Shah News : ਕਿਹਾ, ਪ੍ਰਧਾਨ ਮੰਤਰੀ ਖੁਦ ਓ.ਬੀ.ਸੀ. ਤੋਂ ਆਉਂਦੇ ਹਨ, ਭਾਜਪਾ ਰਾਖਵਾਂਕਰਨ ਹਟਾਉਣ ਦੀ ਕਦੇ ਇਜਾਜ਼ਤ ਨਹੀਂ ਦੇਵੇਗੀ
Amit Shah News: ਜੈਪੁਰ/ਕੋਟਾ: ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਸਨਿਚਰਵਾਰ ਨੂੰ ਕਾਂਗਰਸ ਨੂੰ ਹੋਰ ਪੱਛੜੀਆਂ ਸ਼੍ਰੇਣੀਆਂ (ਓ.ਬੀ.ਸੀ.) ਦੀ ਸੱਭ ਤੋਂ ਵੱਡੀ ਵਿਰੋਧੀ ਪਾਰਟੀ ਦਸਿਆ ਅਤੇ ਕਿਹਾ ਕਿ ਉਹ ਅਨੁਸੂਚਿਤ ਜਾਤੀਆਂ, ਅਨੁਸੂਚਿਤ ਕਬੀਲਿਆਂ ਅਤੇ ਹੋਰ ਪੱਛੜੀਆਂ ਸ਼੍ਰੇਣੀਆਂ ਲਈ ਰਾਖਵਾਂਕਰਨ ਬਾਰੇ ਝੂਠ ਫੈਲਾ ਰਹੀ ਹੈ। ਸ਼ਾਹ ਨੇ ਕਿਹਾ ਕਿ ਜੇਕਰ ਕਾਂਗਰਸ ਰਾਖਵਾਂਕਰਨ ਹਟਾਉਣਾ ਚਾਹੁੰਦੀ ਹੈ ਤਾਂ ਵੀ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਇਸ ਦੀ ਇਜਾਜ਼ਤ ਨਹੀਂ ਦੇਵੇਗੀ। ਸ਼ਾਹ ਨੇ ਕਿਹਾ ਕਿ ਪੂਰੀ ਦੁਨੀਆਂ ’ਚ ਦੇਸ਼ ਦਾ ਸਨਮਾਨ ਵਧਾਉਣ ਵਾਲੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖੁਦ ਓ.ਬੀ.ਸੀ. ਤੋਂ ਆਉਂਦੇ ਹਨ ਅਤੇ ਕਾਂਗਰਸ ਰਾਖਵਾਂਕਰਨ ਨੂੰ ਲੈ ਕੇ ਝੂਠ ਫੈਲਾ ਰਹੀ ਹੈ।
ਇਹ ਵੀ ਪੜੋ:Delhi News : ਨਵੇਂ ਅਪਰਾਧਕ ਨਿਆਂ ਕਾਨੂੰਨ ਸਾਡੇ ਸਮਾਜ ਲਈ ਇਤਿਹਾਸਕ ਪਲ : ਚੀਫ਼ ਜਸਟਿਸ
ਸ਼ਾਹ ਕੋਟਾ ’ਚ ਪਾਰਟੀ ਉਮੀਦਵਾਰ ਅਤੇ ਲੋਕ ਸਭਾ ਸਪੀਕਰ ਓਮ ਬਿਰਲਾ ਦੇ ਸਮਰਥਨ ’ਚ ਇਕ ਚੋਣ ਰੈਲੀ ਨੂੰ ਸੰਬੋਧਨ ਕਰ ਰਹੇ ਸਨ। ਸ਼ਾਹ ਨੇ ਕਿਹਾ, ‘‘ਜੇਕਰ ਅਸੀਂ 400 ਨੂੰ ਪਾਰ ਕਰਨ ਦੀ ਗੱਲ ਕਰੀਏ ਤਾਂ ਕਾਂਗਰਸ ਦਾ ਪੇਟ ਦਰਦ ਕਰਦਾ ਹੈ। ਉਹ ਝੂਠ ਫੈਲਾ ਰਹੇ ਹਨ ਕਿ ਜੇ ਭਾਜਪਾ ਨੂੰ 400 ਸੀਟਾਂ ਮਿਲਦੀਆਂ ਹਨ ਤਾਂ ਰਾਖਵਾਂਕਰਨ ਖਤਮ ਹੋ ਜਾਵੇਗਾ। ਇਹ ਝੂਠ ਦੇ ਮੁਖੀ ਹਨ। ਸਾਡੇ ਕੋਲ ਦਸ ਸਾਲਾਂ ਤੋਂ ਪੂਰਨ ਬਹੁਮਤ ਹੈ। ਤੁਸੀਂ 2014 ’ਚ ਵੀ ਪੂਰਨ ਬਹੁਮਤ ਦਿਤਾ ਸੀ, 2019 ’ਚ ਵੀ ਪੂਰਨ ਬਹੁਮਤ ਦਿਤਾ ਸੀ। ਅਸੀਂ ਰਾਖਵਾਂਕਰਨ ਹਟਾਉਣ ਲਈ ਬਹੁਮਤ ਦੀ ਵਰਤੋਂ ਨਹੀਂ ਕੀਤੀ। ਕਾਂਗਰਸ ਵਾਲਿਉ, ਤੁਹਾਨੂੰ ਬਹੁਮਤ ਮਿਲਿਆ, ਤੁਸੀਂ ਐਮਰਜੈਂਸੀ ਲਗਾ ਦਿਤੀ। ਸਾਨੂੰ ਬਹੁਮਤ ਮਿਲਿਆ, ਅਸੀਂ 370 ਨੂੰ ਖਤਮ ਕਰ ਦਿਤਾ। ਸਾਨੂੰ ਬਹੁਮਤ ਮਿਲਿਆ, ਅਸੀਂ ਰਾਮ ਜਨਮ ਭੂਮੀ ’ਤੇ ਮੰਦਰ ਬਣਾਇਆ। ਅਸੀਂ ਹਿੰਦੂ, ਸਿੱਖ, ਬੋਧੀ ਸ਼ਰਨਾਰਥੀਆਂ ਨੂੰ ਨਾਗਰਿਕਤਾ ਦੇਣ ਲਈ ਸੀ.ਏ.ਏ. (ਨਾਗਰਿਕਤਾ ਸੋਧ ਕਾਨੂੰਨ) ਲਿਆਏ।’’
ਇਹ ਵੀ ਪੜੋ:Amravati News :ਨਵਨੀਤ ਰਾਣਾ ਨੇ ‘‘ਨਚਨੀਆਂ’’ ਟਿੱਪਣੀ ਲਈ ਸੰਜੇ ਰਾਉਤ 'ਤੇ ਕੀਤਾ ਪਲਟਵਾਰ
ਇਸ ਤੋਂ ਪਹਿਲਾਂ ਸ਼ਕਰਗੜ੍ਹ (ਭੀਲਵਾੜਾ) ’ਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੀ ਇਕ ਚੋਣ ਸਭਾ ਨੂੰ ਸੰਬੋਧਨ ਕਰਦਿਆਂ ਸ਼ਾਹ ਨੇ ਦਾਅਵਾ ਕੀਤਾ ਕਿ ਰਾਜਸਥਾਨ ਅਪਣੀਆਂ ਸਾਰੀਆਂ 25 ਲੋਕ ਸਭਾ ਸੀਟਾਂ ਤੀਜੀ ਵਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦੇ ਕੇ ‘ਹੈਟ੍ਰਿਕ’ ਬਣਾਉਣ ਜਾ ਰਿਹਾ ਹੈ।
ਦੂਜੇ ਪੜਾਅ ’ਚ 13 ਸੀਟਾਂ ਟੋਂਕ, ਅਜਮੇਰ, ਪਾਲੀ, ਜੋਧਪੁਰ, ਬਾੜਮੇਰ, ਜਾਲੋਰ, ਉਦੈਪੁਰ, ਬਾਂਸਵਾੜਾ, ਚਿਤੌੜਗੜ੍ਹ, ਰਾਜਸਮੰਦ, ਭੀਲਵਾੜਾ, ਕੋਟਾ ਅਤੇ ਝਾਲਾਵਾੜ ’ਚ ਵੋਟਿੰਗ ਹੋਵੇਗੀ।
ਇਹ ਵੀ ਪੜੋ:Delhi Building Collapse : ਦਿੱਲੀ ’ਚ ਵਾਪਿਰਆ ਵੱਡਾ ਹਾਦਸਾ ! ਉਸਾਰੀ ਦੌਰਾਨ ਤਿੰਨ ਮੰਜ਼ਿਲਾਂ ਇਮਾਰਤ ਹੋਈ ਢਹਿ ਢੇਰੀ
(For more news apart from Congress is biggest opponent OBC, spreading lies on reservation: Amit Shah News in Punjabi, stay tuned to Rozana Spokesman)
