ਬਰਾਮਦ ਟਰੇਲਰਾਂ ਅਤੇ ਕਾਰਗੋ ਦੀ ਕੀਮਤ 9.24 ਮਿਲੀਅਨ ਡਾਲਰ ਦੱਸੀ ਜਾ ਰਹੀ ਹੈ
ਟੋਰਾਂਟੋ: 15 ਇੰਡੋ-ਕੈਨੇਡੀਅਨ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਪੰਜਾਬੀ ਬਰੈਂਪਟਨ ਦੇ ਰਹਿਣ ਵਾਲੇ ਹਨ, ਨੂੰ ਟੋਰਾਂਟੋ ਅਤੇ ਇਸ ਦੇ ਆਲੇ-ਦੁਆਲੇ ਕਰੋੜਾਂ ਡਾਲਰ ਦੇ ਆਟੋ ਅਤੇ ਕਾਰਗੋ ਚੋਰੀ ਦੇ ਰੈਕੇਟ ਵਿੱਚ ਕਥਿਤ ਸ਼ਮੂਲੀਅਤ ਲਈ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਗਿਰੋਹ ਮਾਲ ਨਾਲ ਲੱਦੇ ਟਰੈਕਟਰ ਟਰਾਲੀਆਂ ਨੂੰ ਚੋਰੀ ਕਰਦਾ ਸੀ ਅਤੇ ਚੋਰੀ ਕੀਤੇ ਸਾਮਾਨ ਨੂੰ ਅਣਪਛਾਤੇ ਲੋਕਾਂ ਨੂੰ ਵੇਚਦਾ ਸੀ।
ਗ੍ਰਿਫਤਾਰ ਕੀਤੇ ਗਏ 15 ਮੁਲਜ਼ਮਾਂ ਵਿਚ ਬਲਕਾਰ ਸਿੰਘ (42), ਅਜੇ (26), ਮਨਜੀਤ ਪੱਡਾ (40), ਜਗਜੀਵਨ ਸਿੰਘ (25), ਅਮਨਦੀਪ ਵੈਦਵਾਨ (41), ਕਰਮਚੰਦ ਸਿੰਘ (58), ਜਸਵਿੰਦਰ ਅਟਵਾਲ (45), ਲਖਬੀਰ ਸਿੰਘ (45), ਜਗਪਾਲ ਸਿੰਘ (34), ਉਪਕਰਣ ਸੰਧੂ (31), ਸੁਖਵਿੰਦਰ ਸਿੰਘ (44), ਕੁਲਬੀਰ ਬੈਂਸ (39), ਇੰਦਰ ਲਾਲਸਰਨ (39), ਸ਼ੋਬਿਤ ਵਰਮਾ (233) ਅਤੇ ਸੁਖਨਿੰਦਰ ਢਿੱਲੋਂ (34) ਕੋਲੋਂ ਚੋਰੀ ਦੇ 28 ਟਰੈਕਟਰ-ਟਰੇਲਰ ਬਰਾਮਦ ਕੀਤੇ ਅਤੇ ਚੋਰੀ ਕੀਤੇ ਮਾਲ ਦੇ 28 ਕੰਟੇਨਰ ਵੀ ਜਬਤ ਕੀਤੇ ਹਨ। ਬਰਾਮਦ ਟਰੇਲਰਾਂ ਅਤੇ ਕਾਰਗੋ ਦੀ ਕੀਮਤ 9.24 ਮਿਲੀਅਨ ਡਾਲਰ ਦੱਸੀ ਜਾ ਰਹੀ ਹੈ।
ਪੁਲਿਸ ਦੇ ਬੁਲਾਰੇ ਮਾਰਕ ਹੇਵੁੱਡ ਨੇ ਕਿਹਾ : “ਇਸ ਜਾਂਚ ਦੇ ਨਤੀਜੇ ਵਜੋਂ, ਜੀਟੀਏ (ਗ੍ਰੇਟਰ ਟੋਰਾਂਟੋ ਏਰੀਆ) ਦੇ ਅੰਦਰ ਛੇ ਸਥਾਨਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ ਅਤੇ ਵਾਰੰਟ ਜਾਰੀ ਕੀਤੇ ਗਏ ਸਨ। ਮੈਨੂੰ ਇਹ ਦੱਸਦਿਆਂ ਖੁਸ਼ੀ ਹੋ ਰਹੀ ਹੈ ਕਿ ਜਾਂਚ ਦੇ ਨਤੀਜੇ ਵਜੋਂ $6.99 ਮਿਲੀਅਨ ਦੀ ਕੀਮਤ ਦੇ ਚੋਰੀ ਹੋਏ ਮਾਲ ਦੇ 28 ਕੰਟੇਨਰ ਬਰਾਮਦ ਕੀਤੇ ਗਏ ਹਨ। 2.25 ਮਿਲੀਅਨ ਡਾਲਰ ਦੀ ਕੀਮਤ ਦੇ ਇੱਕ ਵਾਧੂ 28 ਚੋਰੀ ਹੋਏ ਟਰੈਕਟਰ ਅਤੇ ਟਰੇਲਰ ਬਰਾਮਦ ਕੀਤੇ ਗਏ ਹਨ। ਕੁੱਲ ਮੁੱਲ: $9.24 ਮਿਲੀਅਨ ਦਾ ਸਮਾਨ ਬਰਾਮਦ ਹੋਇਆ।"
"ਪ੍ਰੋਜੈਕਟ ਬਿਗ ਰਿਗ" ਦੇ ਹਿੱਸੇ ਵਜੋਂ ਇੱਕ ਇੰਡੋ-ਕੈਨੇਡੀਅਨ ਆਟੋ ਚੋਰੀ ਕਰਨ ਵਾਲੇ ਗਿਰੋਹ ਦਾ ਪਰਦਾਫਾਸ਼ ਟੋਰਾਂਟੋ ਅਤੇ ਆਸ-ਪਾਸ ਦੇ ਖੇਤਰਾਂ ਦੀ ਪੁਲਿਸ ਬਲਾਂ ਦੁਆਰਾ ਇੱਕ ਸੰਯੁਕਤ ਆਪ੍ਰੇਸ਼ਨ ਕੀਤਾ ਗਿਆ ਸੀ।
