Shaw Award 2024 : ਇਹ ਪੁਰਸਕਾਰ ਉਨ੍ਹਾਂ ਨੂੰ ਬੇਮਿਸਾਲ ਖੋਜਾਂ ਲਈ ਦਿੱਤਾ ਜਾਵੇਗਾ
Shaw Award 2024 : ਹਾਂਗਕਾਂਗ- ਅਮਰੀਕਾ ਵਿਚ ਭਾਰਤੀ ਮੂਲ ਦੇ ਪ੍ਰੋਫੈਸਰ ਅਤੇ ਖਗੋਲ ਵਿਗਿਆਨੀ ਸ੍ਰੀਨਿਵਾਸ ਆਰ ਕੁਲਕਰਨੀ ਨੂੰ ਖਗੋਲ ਵਿਗਿਆਨ ਲਈ ਵੱਕਾਰੀ ਸ਼ਾਅ ਪੁਰਸਕਾਰ-2024 ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਹ ਪੁਰਸਕਾਰ ਉਨ੍ਹਾਂ ਨੂੰ ਮਿਲੀ ਸਕਿੰਟ ਪਲਸਰ, ਗਾਮਾ-ਰੇ ਬਰਸਟ, ਸੁਪਰਨੋਵਾ ਅਤੇ ਹੋਰ ਪਰਿਵਰਤਨਸ਼ੀਲ ਜਾਂ ਅਸਥਾਈ ਆਕਾਸ਼ੀ ਪਦਾਰਥਾਂ ਬਾਰੇ ਉਸ ਦੀਆਂ ਬੇਮਿਸਾਲ ਖੋਜਾਂ ਲਈ ਦਿੱਤਾ ਜਾਵੇਗਾ।
ਕੁਲਕਰਨੀ ਕੈਲੀਫੋਰਨੀਆ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ’ਚ ਭੌਤਿਕ ਵਿਗਿਆਨ, ਗਣਿਤ ਅਤੇ ਖਗੋਲ ਵਿਗਿਆਨ ਵਿਭਾਗ ਵਿਚ ਖਗੋਲ ਵਿਗਿਆਨ ਅਤੇ ਗ੍ਰਹਿ ਵਿਗਿਆਨ ਦੇ ਜਾਰਜ ਐਲਰੀ ਹੇਲ ਪ੍ਰੋਫੈਸਰ ਹਨ। ਕੁਲਕਰਨੀ ਤੋਂ ਇਲਾਵਾ, ਸਵੀ ਲੇ ਥੀਨ ਅਤੇ ਸਟੂਅਰਟ ਓਰਕਿਨ ਨੂੰ ਕ੍ਰਮਵਾਰ ਜੀਵ ਵਿਗਿਆਨ ਅਤੇ ਦਵਾਈ ਲਈ ਸ਼ਾਅ ਪੁਰਸਕਾਰ ਮਿਲੇਗਾ। ਦੋਵੇਂ ਅਮਰੀਕਾ ਤੋਂ ਹਨ। ਅਮਰੀਕੀ ਵਿਗਿਆਨੀ ਪੀਟਰ ਸਰਨਾਕ ਨੂੰ ਗਣਿਤ ਵਿਗਿਆਨ ਲਈ ਸ਼ਾਅ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।
ਇਹ ਵੀ ਪੜੋ:Nangal News : ਬਿਨਾਂ ਲਾਇਸੈਂਸ ਸ਼ਰਾਬ ਪਰੋਸਣ 'ਤੇ ਰੈਸਟੋਰੈਂਟ ਮਾਲਕ ਖ਼ਿਲਾਫ਼ ਮਾਮਲਾ ਦਰਜ਼
ਇਸ ਸਬੰਧੀ ਸ਼ਾਅ ਪ੍ਰਾਈਜ਼ ਫਾਊਂਡੇਸ਼ਨ ਨੇ ਕਿਹਾ, “ਹਰ ਸਾਲ ਸ਼ਾਅ ਪੁਰਸਕਾਰ ਤਿੰਨ ਸ਼੍ਰੇਣੀਆਂ ’ਚ ਦਿੱਤਾ ਜਾਂਦਾ ਹੈ- ਖਗੋਲ ਵਿਗਿਆਨ, ਜੀਵ ਵਿਗਿਆਨ, ਮੈਡੀਸਨ ਅਤੇ ਗਣਿਤ ਵਿਗਿਆਨ ਹਰ ਸ਼੍ਰੇਣੀ ਵਿੱਚ ਜੇਤੂ ਨੂੰ 1.2 ਮਿਲੀਅਨ ਅਮਰੀਕੀ ਡਾਲਰ ਦੀ ਇਨਾਮੀ ਰਾਸ਼ੀ ਦਿੱਤੀ ਜਾਂਦੀ ਹੈ। ਇਹ 21ਵਾਂ ਸਾਲ ਹੋਵੇਗਾ ਜਦੋਂ ਸ਼ਾਅ ਐਵਾਰਡ ਦਿੱਤਾ ਜਾਵੇਗਾ। ਜੇਤੂਆਂ ਨੂੰ 12 ਨਵੰਬਰ ਨੂੰ ਹਾਂਗਕਾਂਗ ਵਿਚ ਹੋਣ ਵਾਲੇ ਸਮਾਰੋਹ ਵਿੱਚ ਸਨਮਾਨਿਤ ਕੀਤਾ ਜਾਵੇਗਾ।
ਇਸ ਮੌਕੇ ਕੁਲਕਰਨੀ ਨੇ ਦੱਸਿਆ ਕਿ 1978 ਵਿਚ ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (IIT) ਤੋਂ ਆਪਣੀ ਐਮਐਸ ਪੂਰੀ ਕੀਤੀ ਅਤੇ 1983 ਵਿੱਚ ਕੈਲੀਫੋਰਨੀਆ ਯੂਨੀਵਰਸਿਟੀ ਤੋਂ ਆਪਣੀ ਪੀਐਚਡੀ ਪ੍ਰਾਪਤ ਕੀਤੀ। ਉਸਨੇ 2006 ਤੋਂ 2018 ਤੱਕ ਕੈਲਟੇਕ ਆਪਟੀਕਲ ਆਬਜ਼ਰਵੇਟਰੀ ਦੇ ਡਾਇਰੈਕਟਰ ਵਜੋਂ ਕੰਮ ਕੀਤਾ।
(For more news apart from America will honor Indian scientist Professor Kulkarni with prestigious Shaw Award 2024 News in Punjabi, stay tuned to Rozana Spokesman)
