London News:
London News: ਰਾਇਲ ਹੋਲੋਵੇ, ਲੰਡਨ ਯੂਨੀਵਰਸਿਟੀ, ਨੇ 18 ਜੁਲਾਈ ਨੂੰ 2024 ਕਲਾਸ ਦੀ ਗ੍ਰੈਜੂਏਸ਼ਨ ਦਾ ਜਸ਼ਨ ਮਨਾਇਆ ਜਿਸ ਵਿਚ ਬੀਐਸਸੀ ਕੰਪਿਊਟਰ ਸਾਇੰਸ ਗ੍ਰੈਜੂਏਟ ਜਸਕੀਰਤ ਸਿੰਘ ਸਚਦੇਵਾ ਨੂੰ ਸਮਾਰੋਹ ਲਈ ਵਿਦਿਆਰਥੀ ਬੁਲਾਰੇ ਵਜੋਂ ਚੁਣਿਆ ਗਿਆ। ਯੂ.ਕੇ. ਵਿਚ ਜਨਮੇ ਅਤੇ ਵੱਡੇ ਹੋਏ ਜਸਕੀਰਤ ਦੀ ਯਾਤਰਾ ਲਗਨ ਭਰਪੂਰ, ਆਸ਼ਾਵਾਦ ਅਤੇ ਭਾਈਚਾਰਕ ਸਹਾਇਤਾ ਦੀ ਸ਼ਕਤੀ ਦਾ ਇਕ ਸ਼ਾਨਦਾਰ ਪ੍ਰਮਾਣ ਹੈ। ਉਸ ਦੀਆਂ ਪ੍ਰਾਪਤੀਆਂ ’ਤੇ ਵਿਸ਼ਵ ਪੱਧਰ ’ਤੇ ਉਸ ਦੇ ਪ੍ਰਵਾਰ ਅਤੇ ਸਿੱਖਾਂ ਲਈ ਬਹੁਤ ਮਾਣ ਵਾਲੀ ਗੱਲ ਹੈ।
ਪੜ੍ਹੋ ਇਹ ਖ਼ਬਰ : Gurumukhi SF Express : ਸਿੱਖਾਂ ਦੇ ਦੋ ਮਹਾਨ ਤਖ਼ਤਾਂ ਨੂੰ ਜੋੜ ਸਕਦੀ ਹੈ ‘ਗੁਰਮੁਖੀ’ ਰੇਲ ਦੀ ਪਟਨਾ ਸਾਹਿਬ ਸਟੇਸ਼ਨ ’ਤੇ ਕੁੱਝ ਪਲਾਂ ਦੀ ਬਰੇਕ
ਜਸਕੀਰਤ ਦਾ ਭਾਸ਼ਣ ਉਸ ਦੇ ਅਕਾਦਮਿਕ ਸਫ਼ਰ ਅਤੇ ਨਿਜੀ ਵਿਕਾਸ ਦਾ ਡੂੰਘਾ ਪ੍ਰਤੀਬਿੰਬ ਸੀ। ਉਸ ਨੇ ਅਪਣੀ ਸ਼ੁਰੂਆਤੀ ਘਬਰਾਹਟ ਬਾਰੇ ਦਸਿਆ ਕਿ ਕਿਵੇਂ ਰਾਇਲ ਹੋਲੋਵੇ ਵਿਖੇ ਉਸ ਦੇ ਅਨੁਭਵਾਂ ਨੇ ਉਸ ਦੇ ਗਿਆਨ, ਹੁਨਰ ਅਤੇ ਚਰਿੱਤਰ ਨੂੰ ਆਕਾਰ ਦਿਤਾ। ਇਨ੍ਹਾਂ ਸਾਲਾਂ ਦੌਰਾਨ, ਉਸ ਨੇ ਲਗਨ ਅਤੇ ਦਿ੍ਰੜ੍ਹਤਾ ਦੀ ਡੂੰਘੀ ਭਾਵਨਾ ਵਿਕਸਤ ਕੀਤੀ, ਇਹ ਸਾਰੇ ਉਹ ਗੁਣ ਹਨ ਜੋ ਉਸ ਦੇ ਪ੍ਰਵਾਰ, ਦੋਸਤਾਂ ਅਤੇ ਅਕਾਦਮਿਕ ਸਟਾਫ਼ ਦੇ ਸਮਰਥਨ ਅਤੇ ਉਤਸ਼ਾਹ ਦੁਆਰਾ ਹੋਰ ਮਜ਼ਬੂਤ ਹੋਏ। ਕੁੱਝ ਮਹੱਤਵਪੂਰਨ ਸਿਹਤ ਚੁਨੌਤੀਆਂ ਦਾ ਸਾਹਮਣਾ ਕਰਨ ਦੇ ਬਾਵਜੂਦ, ਜਸਕੀਰਤ ਅਪਣੀ ਪੜ੍ਹਾਈ ਲਈ ਵਚਨਬੱਧ ਰਿਹਾ ਅਤੇ ਅਪਣੀ ਸ਼ਾਨਦਾਰ ਲਗਨ ਦਾ ਪ੍ਰਦਰਸ਼ਨ ਕਰਦੇ ਹੋਏ, ਅਕਾਦਮਿਕ ਤੌਰ ’ਤੇ ਉਤਮ ਰਿਹਾ।
ਪੜ੍ਹੋ ਇਹ ਖ਼ਬਰ : Jammu Kashmir News: ਜੰਮੂ-ਕਸ਼ਮੀਰ ਦੇ ਰਾਜੌਰੀ 'ਚ ਫੌਜ ਦੇ ਕੈਂਪ 'ਤੇ ਅਤਿਵਾਦੀ ਹਮਲਾ, ਫੌਜ ਦਾ ਇਕ ਜਵਾਨ ਗੰਭੀਰ ਜ਼ਖ਼ਮੀ
ਗਲੋਬਲ ਸਿੱਖ ਕੌਂਸਲ ਦੇ ਪ੍ਰਧਾਨ ਅਤੇ ਸਿੱਖ ਵਿਜ਼ਡਮ ਦੇ ਸੰਸਥਾਪਕ ਅੰਮ੍ਰਿਤਪਾਲ ਸਿੰਘ ਸਚਦੇਵਾ ਨੇ ਅਪਣੇ ਪੁੱਤਰ ਦੀਆਂ ਪ੍ਰਾਪਤੀਆਂ ’ਤੇ ਬਹੁਤ ਮਾਣ ਮਹਿਸੂਸ ਕੀਤਾ। ਜਸਕੀਰਤ ਦੀ ਯਾਤਰਾ ਅਤੇ ਉਸ ਦਾ ਦਿਲੀ ਭਾਸ਼ਣ ਨੌਜਵਾਨ ਸਿੱਖਾਂ ਅਤੇ ਵਿਆਪਕ ਭਾਈਚਾਰੇ ਲਈ ਉਮੀਦ ਅਤੇ ਪ੍ਰੇਰਨਾ ਦੀ ਕਿਰਨ ਹੈ। ਸਾਨੂੰ ਉਸ ’ਤੇ ਤਹਿ ਦਿਲੋਂ ਮਾਣ ਹੈ ਅਤੇ ਉਸ ਦੇ ਸਕਾਰਾਤਮਕ ਪ੍ਰਭਾਵ ਨੂੰ ਦੇਖਣ ਲਈ ਸਦਾ ਉਤਸ਼ਾਹਤ ਹਾਂ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਜਸਕੀਰਤ ਨੇ ਸੱਚਮੁੱਚ ਸਿੱਖ ਕੌਮ ਦਾ ਮਾਣ ਵਧਾਇਆ ਹੈ। ਜਸਕੀਰਤ ਸਿੰਘ ਸਚਦੇਵਾ ਦਾ ਗ੍ਰੈਜੂਏਸ਼ਨ ਭਾਸ਼ਣ ਮਨੁੱਖੀ ਆਤਮਾ ਦੀ ਤਾਕਤ ਅਤੇ ਭਾਈਚਾਰੇ ਅਤੇ ਵਿਸ਼ਵਾਸ ਦੀ ਮਹੱਤਤਾ ਦੀ ਸ਼ਕਤੀਸ਼ਾਲੀ ਯਾਦ ਵੀ ਦਿਵਾਉਂਦਾ ਹੈ। ਸਾਨੂੰ ਵਿਸ਼ਵਾਸ ਹੈ ਕਿ ਭਵਿੱਖ ਵਿਚ ਜਸਕੀਰਤ ਹਮੇਸ਼ਾ ਸਿੱਖ ਕੌਮ ਦਾ ਨਾਮ ਉੱਚਾ ਕਰੇਗਾ ਅਤੇ ਇਸ ਦੀ ਬਿਹਤਰੀ ਲਈ ਕੰਮ ਕਰੇਗਾ।
(For more Punjabi news apart from Jaskirat Singh Sachdeva was selected as the student speaker in a ceremony organized by Royal Holloway, stay tuned to Rozana Spokesman)
