ਵ੍ਹਾਈਟ ਹਾਊਸ ਛੱਡਣ ਦੇ ਦੋ ਸਾਲ ਬਾਅਦ ਲੋਕਤੰਤਰੀ ਪਾਰਟੀ ਦੇ ਲਈ ਸੱਭ ਤੋਂ ਵੱਧ ਸਮਰਥਕ ਇਕੱਠੇ ਕਰਨ ਦਾ ਕੰਮ ਬਰਾਕ ਓਬਾਮਾ ਹੀ ਕਰ ਰਹੇ ਹਨ।
ਵਾਸ਼ਿੰਗਟਨ, ( ਭਾਸ਼ਾ ) : ਲੋਕਤੰਤਰੀ ਪਾਰਟੀ ਦੇ ਉਮੀਦਵਾਰਾਂ ਲਈ ਪ੍ਰਚਾਰ ਕਰ ਰਹੇ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਸੱਤਾਧਾਰੀ ਰਿਪਬਲਿਕਨਸ ਤੇ ਲੋਕਾਂ ਨੂੰ ਇਕ ਦੂਜੇ ਵਿਰੁਧ ਖੜ੍ਹਾ ਕਰਨ ਅਤੇ ਦੇਸ਼ ਦੀਆਂ ਅਸਲ ਚੁਣੌਤੀਆਂ ਦਾ ਨਿਪਟਾਰਾ ਨਾ ਕਰਨ ਦਾ ਦੋਸ਼ ਲਗਾਇਆ। ਵ੍ਹਾਈਟ ਹਾਊਸ ਛੱਡਣ ਦੇ ਦੋ ਸਾਲ ਬਾਅਦ ਲੋਕਤੰਤਰੀ ਪਾਰਟੀ ਦੇ ਲਈ ਸੱਭ ਤੋਂ ਵੱਧ ਸਮਰਥਕ ਇਕੱਠੇ ਕਰਨ ਦਾ ਕੰਮ ਬਰਾਕ ਓਬਾਮਾ ਹੀ ਕਰ ਰਹੇ ਹਨ। 6 ਨਵੰਬਰ ਨੂੰ ਹੋਣ ਵਾਲੀਆਂ ਮਿਡਟਰਮ ਚੋਣਾਂ ਵਿਚ ਲੋਕਤੰਤਰੀ ਪਾਰਟੀ ਨੂੰ ਵਾਧਾ ਮਿਲਣ ਦੀ ਆਸ ਹੈ।
ਨੇਵਾਡਾ ਵਿਚ ਲੋਕਤੰਤਰੀ ਪਾਰਟੀ ਦੀ ਚੋਣ ਪ੍ਰਚਾਰ ਰੈਲੀ ਵਿਚ ਓਬਾਮਾ ਨੇ ਕਿਹਾ ਕਿ ਸੱਤਾ ਤੇ ਕਾਬਜ਼ ਰਿਪਬਲਿਕਨਸ ਤੁਹਾਨੂੰ ਮਤਲਬੀ ਬਣਾਉਣਾ ਚਾਹੁੰਦੇ ਹਨ। ਉਹ ਚਾਹੁੰਦੇ ਹਨ ਕਿ ਤੁਸੀਂ ਵੋਟ ਨਾ ਕਰੋ। ਮੋਜੂਦਾ ਚੁਣੌਤੀਆਂ ਦਾ ਨਿਪਟਾਰਾ ਕਰਨ ਦੀ ਬਜਾਏ ਉਹ ਨਸਲੀ, ਜਾਤੀ ਅਤੇ ਧਾਰਮਿਕ ਪੱਖਪਾਤ ਨਾਲ ਜੁੜੇ ਦੇਸ਼ ਦੇ ਇਤਿਹਾਸ ਦੇ ਕੁਝ ਹਿੱਸਿਆਂ ਨੂੰ ਬਰਬਾਦ ਕਰਨਾ ਚਾਹੁੰਦੇ ਹਨ। ਸਾਬਕਾ ਰਾਸ਼ਟਰਪਤੀ ਨੇ ਦੋਸ਼ ਲਗਾਇਆ ਕਿ ਰਿਪਬਲਿਕਨਸ ਲੋਕਾਂ ਨੂੰ ਗੁੱਸੇ ਵਾਲਾ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਲੋਕਤੰਤਰੀ ਪਾਰਟੀ ਦੇ ਨੇਤਾ ਨੇ ਕਿਹਾ
ਕਿ ਉਹ ਵੰਡ ਦੀ ਅਪੀਲ ਕਰਦੇ ਹਨ ਫਿਰ ਉਹ ਡਰਾਉਣਾ ਚਾਹੁੰਦੇ ਹਨ ਅਤੇ ਫਿਰ ਇਕ ਸਮੂਹ ਨੂੰ ਦੂਜੇ ਵੁਰਧ ਖੜਾ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਉਹ ਸਾਨੂੰ ਸਿਖਾਉਂਦੇ ਹਨ ਕਿ ਸੁਰੱਖਿਆ ਅਤੇ ਵਿਵਸਥਾ ਤਦ ਤੱਕ ਬਹਾਲ ਰਹੇਗੀ ਜਦ ਤੱਕ ਅਸੀਂ ਉਨ੍ਹਾਂ ਲੋਕਾਂ ਨੂੰ ਸੱਤਾ ਵਿਚ ਨਹੀਂ ਆਉਣ ਦਿੰਦੇ ਜੋ ਸਾਡੇ ਵਰਗੇ ਨਹੀਂ ਦਿਖਦੇ ਜਾਂ ਸਾਡੇ ਵਰਗਾ ਨਹੀਂ ਬੋਲਦੇ ਜਾਂ ਫਿਰ ਸਾਡੀਆਂ ਧਾਰਮਿਕ ਮਾਨਤਾਵਾਂ ਨੂੰ ਨਹੀਂ ਮੰਨਦੇ।
ਓਬਾਮਾ ਨੇ ਕਿਹਾ ਕਿ ਉਹ ਅਸਲ ਅਮਰੀਕੀਆਂ ਦੀ ਗੱਲ ਕਰਦੇ ਹਨ ਜਿਸ ਤਰ੍ਹਾਂ ਕਿ ਸਾਡੇ ਵਿਚੋਂ ਕੁਝ ਅਸਲ ਅਮਰੀਕੀ ਨਹੀਂ ਹਨ। ਉਨ੍ਹਾਂ ਕਿਹਾ ਕਿ ਚੋਣਾਂ ਦੇ ਨੇੜੇ ਆਉਂਦਿਆਂ ਹੀ ਰਿਪਬਲਕਿਨਸ ਇਸ ਤਰ੍ਹਾਂ ਦੀਆਂ ਚਾਲਾਂ ਚਲਣ ਲਗਦੇ ਹਨ ਪਰ ਇਕ ਸਿਹਤਮੰਦ ਲੋਕਤੰਤਰ ਵਿਚ ਇਹ ਸੱਭ ਕੁਝ ਕੰਮ ਨਹੀਂ ਆਉਂਦਾ।